Македонија
Андоновска до Арсовска: Изигрување на жртва не ти поминува веќе, мора да кажеш каква е финансиската состојба на Град Скопје
Марија Андоновска, координатор на Советничката група на ВМРО-ДПМНЕ и коалицијата на денешната седница на Град Скопје рече дека градоначалничката Данела Арсовска не само што нема реализирано ништо од одлуките кои ги носи Советот на Град Скопје, туку и се однесува нетранспарентно бидејќи како што рече советничката група на ВМРО-ДПМНЕ поднела неколку барања за информации но не добила никаков одговор.
„Ние за жал имаме нереализирани донесени одлуки од совет кои што веќе долго време стојат и чекаат да бидат реализирани. И тоа е навистина многу страшно и погубно за сите граѓани. Понатаму, советничката група на ВМРО-ДПМНЕ и коалицијата имаат десетици и десетици иницијативи, но и информации односно барање на информации за одредена работа која што во моментот сметаме дека треба да биде транспарентно обелоденета, не само во овој совет, туку да биде обелоденета во интерес пред сите граѓани, истакна Андоновска.
До ден денеска на ниту една од тие барани информации немаме добиено одговор. И сега како вие очекувате ние да продолжиме да работиме? Тој прв човек на Град Скопје како што тој е избран на избори, така и овие советници се избрани. Но, ако таа не чувствува одговорност за довербата која што и е дадена, ние како советници чувствуваме одговорност и наша обврска е да ги бараме овие информации. Не за нас, туку за граѓаните кои што се засегнати со проблемите,додаде Андоновска.
Таа порача дека нема да застанат тука, туку напротив, и понатаму ќе продолжат да си ја вршат улогата одговорно и да бараат информации.
Андоновска, рече дека ВМРО-ДПМНЕ и коалицијата во советот неколку пати барале информација за финансиската состојба на градот, но и за финансиската состојба на јавните претпријатија кои што се под градот.
„ВМРО-ДПМНЕ и коалицијата ја бараше ова информација во континуитет, месеци и месеци наназад, но не само финансиската состојба за Град Скопје, туку и состојбата на јавните претпријатија под Град Скопје. За жал како што споменав, ниту на советнички прашања, ниту на седници, ниту на било која од нашата иницијативи и барања за писмена информација ни беше даден одговор од страна на градоначалникот, а запрашајте се зошто. Оваа тема е навистина важна, каква е финансиската состојба на градот и каде се трошат парите на граѓаните“ рече таа.
Андоновска ѝ порача на Арсовска дека изигрувањето жртва веќе не и поминува.
„Изигрување на жртва не поминува веќе. Тука може да дојде до израз само говорење на вистината со аргументи и факти. Ако е во право тогаш нека повели и нека излезе, но без напад, бидејќи нападите се само тогаш кога се нема аргументи“ ѝ порача Андоновска на Арсовска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Претседателката на Уставниот суд Добрила Кацарска учествува на 19. Конгрес на Конференција на европски уставни судови во Молдавија
Претседателката на Уставниот суд на Република Северна Македонија, Добрила Кацарска, учествуваше на 19. Конгрес на Конференцијата на европските уставни судови (CECC) кој оваа година се одржа во Кишињев, Република Молдавија.
Во рамките на Конгресот, се одржаа три пленарни сесии со фокус на односот помеѓу уставните и меѓународните судови, политиката и правото во корелација со надлежностите на уставните судови и примената на уставните принципи во вонредни ситуации кога се ограничуваат слободите и правата.
Кацарска, имаше активно учество и на состанокот на претседателите на уставните судови – членки, каде, беа разгледани и беше одлучено за повеќе прашања од значење за функционирањето на оваа асоцијација.
Во текот на овој конгрес се одлучи Уставниот суд на Албанија да претседава со оваа асоцијација и да го организира следниот конгрес на Конференцијата на европските уставни судови, кој треба да се одржи за три години.
На Конгресот се обратија и претседателката на Република Молдавија, Маја Санду, претседателката на Европскиот суд за човекови права Сифора О’лири претседателката на Венцијанската комисија Клер Бази Малори.
На дводневниот 19 Конгрес на Конференцијата на европски уставни судови којшто се одржа од 22-23 мај 2024 година учествуваа членови и делегации од над 35 уставни судови.
Македонија
Џафери: Успеавме во заложбите, македонскиот јазик да биде рамноправно прифатен меѓу официјалните јазици во EУ, се продолжи и делото на Свети Кирил и Методиј
Претседателот на Владата на Република Северна Македонија, Талат Џафери, во името на Владата и во свое име, го честиташе 24 Мај, Денот на сесловенските просветители, светите браќа Кирил и Методиј и патронен празник на Универзитетот „Свети Кирили и Методиј“ во Скопје, на ректоката, Биљана Ангелова, на деканите, продеканите, професорите, сенаторите, на студентите на универзитетот и на граѓаните.
Денешниот двоен празник, повикува на упорност и верба во науката и во образованието, како стожерни двигатели на развојот на современа и европска држава, каква што сите посакуваме и целиме да биде Република Северна Македонија. Таквата водечка улога во овој процес му доликува на првиот државен универзитет „Свети Кирил и Методиј“, еден од столбовите на македонската државност и на вас како продолжувачи, и сегашни и идни наследници, на просветителското дело на светите браќа Кирил и Методиј.
Затоа што, како што вели и Свети Климент Охридски за неговите учители „тие со добар подвиг и со цврска вера, минаа како сонце, осветлувајки ги темните места со своите стапки“. Не била лесна битката на Браќата Кирил и Методиј, кои во времето кога постоеле само три привилигирани јазици, успеале да го внесат словенскиот јазик на рамнправно рамниште со нив. Со тоа започнува да се развива и современата македонска писменост.
И нивното инспиративно дело е и треба да биде патоказ како може и треба да се работи во остварувањето свети цели.
Како генерации на денешнината и посебно последниве неколку години, успеавме во заложбите македонскиот стандарден јазик да биде рамноправно прифатен меѓу официјалните јазици и во Европската Унија и се продолжи и делото на Свети Кирил и Методиј како темелници на европскиот интеркултурализам. На вас е со поголеми сили и да продолжите да се вложувате во науката и образованието. Споделувајте го знаењето и бидете гласни и храбри пред политиката, во развојот на научнообразовната дејност и во нејзиното место во општеството, затоа што вашето влијание е потребно во одржувањето на демократските текови на современа и европска Република Северна Македонија“, напиша премиерот Џафери.
Македонија
Сиљановска Давкова по повод Денот на сесловенските просветители светите браќа Кирил и Методиј: Тие се наш патоказ за иднината
Претседателката Гордана Сиљановска Давкова упати честитка по повод 24 Мај, Денот на сесловенските просветители светите браќа Кирил и Методиј.
„Од сè срце ви посакувам празникот да го поминете во добро здравје, љубов и хармонија, исполнети со радост и со среќа што имаме можност да ги ползуваме плодовите на великото дело на солунските браќа. Благодарение на нив, словенските народи добија можност да ја развиваат својата духовност, култура, образование, наука. И македонската јазична и културна самобитност, но и светогледот и космополитизмот се втемелени од нивната работа и достигнувања, и од нивното човекољубие.
Светите Кирил и Методиј покажаа дека со знаење, жед за вистината, правдољубивост, посветеност, хуманизам и благородност, можат да се надминат ограничувањата и да се победат неправдите. Историјата на Европа и на светот нема премногу примери на така влијателни личности коишто имаат оставено печат на своето време, но и патоказ за иднината и кои се светилници на човечката цивилизација. Затоа нивното дело и по еден цел милениум не бледнее и не губи на значење.
Нека подвигот на светите браќа и понатаму бидe наш патоказ и морална и духовна вертикала за достоинствено и исполнето живеење, творење и создавање“, напиша Сиљановска Давкова.