Спорт
Прва сензација во Париз – Медведев се караше со сите, па загуби од бразилски квалификант
![](https://makfax.com.mk/wp-content/uploads/2023/05/FxYyuJ5WcAITZoc.jpg)
Релативно анонимниот Бразилец Тијаго Сејбот Вилд го направи најголемото изненадување на Ролан Гарос, откако во драматични пет сета со 7:6(5)/6:7(8)/2:6/6:3/6:4 го елиминираше светскиот рекет број 2, Данил Медведев во меч во кој Русинот повторно влегуваш во конфликт со судиите и публиката. Ова е само втора победа на гренд слем меч за 23-годишниот Бразилец.
Медведев секогаш признавал дека играта на земјена подлога му е најслаба страна, но оваа пролет успеа да го освои Мастерсот во Рим за да ги подгрее надежите за добар настап во Париз.
Но, 175-рангираниот Сејбот Вилд, кој на турнирот влезе преку квалификациите, се покажа како упорен противник кој не се откажува. По првиот и вториот сет кој беа решени во тесни тај-брејкови, Медведев поведе со 2:1 во доминатниот трет сет за да најави лесен пласман, но потоа нервозата го направи своето, а Бразилецот се врати за да ги освои следните два сета по два брејка за победа по 4 часа и 15 минути за најголем успех во кариерата на 23-годишниот квалификант.
За разлика од него, Германецот Александер Зверев влезе рутински во второто коло, победувајќи го Јужноамериканецот Лојд Херис со 7:6(6)/7:6(0)/6:1.
Medvedev always knows how to handle the crowd pic.twitter.com/TIZVi5Necv
— Name Surname (@Diadope) May 30, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
![](https://makfax.com.mk/wp-content/uploads/2024/06/12327019.jpg)
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
![](https://makfax.com.mk/wp-content/uploads/2024/06/12326963.jpg)
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.