Спорт
Фудбалерките на Барселона со неверојатен пресврт до трофејот во Лигата на шампионките
Женскиот тим на Барселона го освои вториот трофеј во Лигата на шампионките. Каталонскиот тим направи неверојатен пресврт и го победи Волфсбург со 3:2 во спектакуларно финале кое се одигра пред преполни трибини на стадионот „Филипс“ во Ајндховен, со капацитет од 35.000 луѓе.
Девојките на Џонатан Жиралдес по вторпат стапнаа на европскиот трон, откако тоа го направија и во 2021 година.
Ева Паџор и Александра Поп донесоа предност за Волфсбург од 0:2 по првото полувреме. Но, потоа следуваше неверојатен пресврт.
Патрисија Гуихаро за три минути израмни со два гола, постигнати во 48.и во 50.минута.
Победничкиот гол за Барселона беше дело на Фридолина Ролфо во 70.минута од мечот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Паладино ја презеде Фиорентина
Италијанскиот тренер Рафаеле Паладино ја презеде Фиорентина, соопшти клубот од „Артемио Франки“.
Паладино (40) потпиша договор на две години, со опција за соработката да биде продолжена на уште една сезона. Паладино на функцијата го наследи Винченцо Италијано.
Во Фиорентина доаѓа од Монца, каде што беше тренер две години.
„Рафаеле многу верува во нашите планови и ја избра Фиорентина и покрај многуте други понуди. Се надевам дека со неговиот ентузијазам, амбиција и силна работна етика ќе можеме да уживаме во многу успешни моменти заедно“, стои во соопштението на веб-страницата на клубот од Фиренца.
Фиорентина сезоната ја заврши на осмото место со 60 бодови во италијанската лига, а играше и во финалето на Конференциската лига.
Спорт
(Видео) Јаник Синер е новиот број 1
Новак Ѓоковиќ поради повреда се повлече од Ролан Гарос. Повлекувањето на Ѓоковиќ го искачи Јаник Синер на првото место на АТП листата.
Синер, од понеделник ќе биде првиот италијански број 1. Синер е 29.број 1 во Опен ерата.
Српскиот тенисер загуби 1600 поени, а Јаник Синер освои 350, автоматски го престигна на врвот. Но, падот на Ѓоковиќ може да биде уште поголем доколку Карлос Алкараз победи на Ролан Гарос. Тогаш Ѓоковиќ ќе падне на третото место.
Синер беше на теренот кога дозна дека за прв пат во кариерата ќе биде број 1 во светскиот тенис.
„И што да кажам? За секој играч е сон да биде број 1. Разочаран сум што Новак мораше да се повлече, посакувам брзо закрепнување”, изјави Синер кога ја слушна веста.
Jannik Sinner just received the news on court that he is World Number 1
Here is his response. He expressed sadness at Novak’s injury and wishes him well.
He definitely deserves to be World Number 1. Congrats @janniksin pic.twitter.com/yBoTtHaolR
— Puneet (@TennisPuneet) June 4, 2024
Спорт
Мбапе: Во ПСЖ в лице ми рекоа дека повеќе нема да играм
Сагата конечно заврши, Килијан Мбапе се пресели во Реал. И тој зборуваше со новинарите за прв пат откако беше официјализиран трансферот.
Мбапе разговараше со новинарите на собирот на француската репрезентација пред ЕУРО, на кој присуствуваше и претседателот на таа земја, Емануел Макрон.
– Многу сум среќен, се гледа насмевката на моето лице. И како среќен играч можам да играм подобро. Ќе играм за мојот клуб од соништата. Во Реал Мадрид ќе бидам најмалку пет години – изјави Мбапе.
Потоа се отвори за последните години во Пари Сен Жермен.
– Во ПСЖ на почетокот на сезоната ми рекоа во лице дека нема повеќе да играм. Луис Кампос и Луис Енрике ме спасија. Се чувствувам олеснето. Дојдов во Реал со многу скромност, во најголемиот клуб во светот. Сакам да му се заблагодарам на претседателот Флорентино Перез. Тој ми веруваше од првиот ден.
Мбапе дојде во Реал како слободен играч, бидејќи не сакаше да го продолжи договорот со Пари Сен Жермен.