Габриел Жесус ја заврши сезоната, откако се повреди минатиот четврток против Манчестер јунајтед во ФА купот.

Повредата на Бразилецот значи дека клубот ќе мора да се активира на трансфер пазарот. Англиските медиуми пишуваат дека до крајот на преодниот рок нов напаѓач ќе пристигне на „Емирати“.

Клубот има список со потенцијални засилувања. Исто така се свесни дека е тешко да се постигне трансфер од повисок профил додека сезоната е во полн ек.

Сепак, Арсенал најде напаѓач кој би бил многу среќен да се пресели во Лондон. Станува збор за Ели Вахи од Олимпик Марсеј Се работи за 22-годишен француски напаѓач кој летово пристигна во Марсеј од Ленс, но не се истакна во тимот на Роберто Де Зерби во првиот дел од сезоната. Наводно Олимпик е подготвен да го позајми напаѓачот, со опција Арсенал да го откупи неговиот договор по завршувањето на сезоната.

Вахи има договор со Марсеј до 2029 година, а се претпоставува дека клубот би го пуштил за 25 милиони евра, колку колку што платија за пред неколку месеци.

Инаку, тој сезонава одигра 14 натпревари за Марсеј во Лига 1, на кои постигна три гола и додаде една асистенција.

Трент Александер-Арнолд (26), десниот бек на Ливерпул и на англиската репрезентација, се согласил да се пресели во Реал, открива „Марка“ и додава: „Тој одговори позитивно на понудата што актуелниот шпански и европски шампион му ја испрати на самиот крај на минатата година. Откако се е решено меѓу овие две страни, останува само третата страна, тоа е Ливерпул“.

Пред три недели Ливерпул ја одби понудата на Реал да го ослободи играчот во јануари за мала отштета бидејќи договорот му истекува на лето и се обиде да го убеди да ја продолжи соработката.

Сепак, сега ТАА се согласи да се пресели во Реал и единствено прашање е дали тоа ќе биде во тековниот зимски преоден рок или по завршувањето на сезоната.

„Марка“ наведува: „Реал сега го чека вистинскиот момент да го убеди Ливерпул да го пушти играчот во актуелниот преоден рок“.

Александер-Арнолд е на мета на Реал Мадрид од почетокот на минатата година. Она што го прави особено привлечен е тоа што неговиот договор со Ливерпул завршува на 30 јуни 2025 година, па од вчера може да води директни преговори со него, дури и фудбалерот може да потпише преддоговор.

„Атлетик“ на последниот ден од 2024 година напиша дека Реал го искористи ова за да му понуди на ТАА „договор во траење од најмалку четири години и голем бонус за потпис на договор“ и додаде: „Извори од Реал очекуваат Александар-Арнолд да потпише преддоговор со Реал во јануари. И покрај тоа од Ливерпул тврдат дека тој најверојатно ќе остане на „Енфилд“.

Александер-Арнолд е роден во Ливерпул и од детството е во истоимениот клуб, за кој на 337 натпревари постигна 21 гол и забележа 85 асистенции. Со Ливерпул освои сè: една Премиер лига, една Лига на шампиони, еден ФА Куп, едно Светско клупско првенство и два Лига купа.

Лос Анџелес Клиперс на домашен терен го совлада Бруклин Нетс со 126:67. Победата од 59 поени е најголема во историјата на франшизата.

Кави Ленард, кој се врати од повредата, одигра 24 минути и беше најефикасен со 23 поени и 8/11 шут. Џејмс Харден постигна 21 поен (6/10 од поле) со 11 асистенции и 6 скока. Ивица Зибац забележа 11 поени (4/6 од поле), со 9 скока, 4 асистенции и една украдена топка и една блокада за само 22 минути игра.

Зубац натпреварот го заврши со валоризациски индекс 48, највисок за играч кој одиграл помалку од 25 минути во последните 20 години во НБА лигата.

Кај катастрофалните Нетс најефикасен беше Џејлен Вилсон со 16 поени, додека Рон Шарп забележа 12 поени и 14 скока.

НБА, резултати:

Филаделфија – Њујорк Никс 119:125 п
Торонто Репторс – Бостон Селтикс 110:97
Чикаго Булс – Атланта Хокс 94:110
Милвоки Бакс – Орландо Меџик 122:93
Њу Орлеанс Пеликанс – Далас Маверикс 119:116
Сан Антонио Спарс – Мемфис Гризлис 115:129
Денвер Нагетс – Хјустон Рокетс 108:128
Јута Џез – Шарлот Хорнетс 112:117
Минесота Тимбервулфс – Голден Стејт Вориорс 115:116
ЛА Лејкерс – Мајами Хит 117:108
ЛА Клиперс – Бруклин 126:67