Спорт
Меси избра пријатен живот во Мајами пред саудиските долари и носталгијата по Барса
Тоа што до неодамна изгледаше како фантазија, сега се оствари. Лионел Меси е нов играч на Интер Мајами, американскиот МЛС клуб во сопственост на Дејвид Бекам, одбивајќи стотици милиони долари за преселба во Саудиска Арабија, но и опција да се врати во својот „единствен“ клуб Барселона и наместо тоа решавајќи се за живот во САД.
Шпекулациите за можна преселба во Саудиска Арабија со понуда од над милијарда евра почнаа веднаш откако неговиот вечен ривал, Кристијано Роналдо си замина од Манчестер јунајтед за кариера во Ал-Наср, а откако Ал-Итихад го „грабна“ и Карим Бензема, сите сметаа дека Меси, како најголема ѕвезда е следен.
Но, преселбата во САД можеби не е и толку изненадувачка. Во 2020, кога Меси се бунтуваше против Барселона и претседателот Жозеп Марија Бартомеу, почнаа шпекулациите дека тој сака да го пресели семејство во САД. Таму веќе беше неговиот сонародник и пријател, Гонзало Игуаин, кој неколку пати го повикуваше Меси да дојде на југот на Флорида, каде што северноамериканската култура е целосно помешана со јужноамериканската. Тоа што веќе имаше купено ексклузивен апартман во Мајами, само ги зголемуваше шпекулациите.
Меси тогаш одлучи да остане уште една сезона во Барселона, а кога договорот му заврши, а каталонскиот клуб не беше способен да му понуди нов договор, тој отиде во ПСЖ. Две француски титули подоцна, но и по свирежите од публиката и општото незадоволство, Меси реши дека е време за промена.
Парите кои ќе ги заработуваше на Блискиот Исток, секако, беа огромни, но ниту во САД тој нема да остане без приходи. И покрај ограничувањето на платите со селери-кап кој постои во МЛС, комерцијалните партнери на американската лига, „Епл“ и „Адидас“ наводно му нудат спонзорски договори кои ќе му носат пристоен приход.
Без притисок на „разгалените“ фанови како во Париз, без големи очекувања во било кој европски тим, и без обновување на ривалството со Роналдо, Меси се одлучи за „лагоден“ живот на Флорида во последните години од неговата кариера со опција да стане и делумен сопственик на клубот.
Дали погреши и дали ќе придонесе за „бум“ на американската лига, останува да видиме…
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ништо од Димитриевски, Леванте го потпиша Мет Рајан
Голманот на фудбалската репрезентација на Македонија, Столе Димитриевски ги разгледува опциите да го смени клибот до крајот на преодниот рок. Валенсија, откако Георги Мамардашвили си замина во Ливерпул, на позајмица го донесе Хулен Агирезабала од Атлетик Билбао и тој е проектиран да биде прв голман.
Столе Димитриевски минатото лето пристигна во Валенсија како слободен играч, требаше да биде прв голман, бидејќи Георги Мамардашвили оствари трансфер во Ливерпул.
Сепак клубовите договорија грузискиот голман да остане на позајмица една сезона, поради што Димитриевски бранеше само на неколку натпревари.
Сега кога Мамардашвили замина, Валенсија, на барање на тренерот Карлос Корберан, на позајмица го донесе Хулен Агирезабала од Атлетик Билбао. По овој потег што го повелекова „лилјаците“ беше јасно дека Димитриевски ќе замине од „Местаља“.
Пред пет дена шпанските медиуми објавија дека Димитиревски е блиску до договор со Леванте, но по се изгледа трансферот нема да се случи.
Претпалднево, Леванте повтрдија дека потпишале договор со искусниот австралиски голман Мет Рајан (33). Тој потпиша како слободен агент (година плус година), откако му истече договорот со Ленс.
Шпанските медиуми, пред три недели, пишуваа дека постои шанса Димитриевски новата сезона да ја мине на позајмица во Елче. Клубот по пауза од една година се врати меѓу шпанската елита и бара искусен голман за предизвиците во Примера.
Foto/ EPA/Rodrigo Jimenez
Спорт
Евертон плати 40 милиони евра за Диблинг
Поранешниот фудбалер на Саутемптон, 19-годишниот Тајлер Диблинг, ќе ја продолжи кариерата во синиот дрес на Евертон.
Клубот од Ливерпул потпиша четиригодишен договор со талентираниот фудбалер, а „Светците“ ќе добијат 35 милиони фунти (околу 40,5 милиони евра) како обештетување, евентуално уште пет милиони во бонуси, што е вкупно 40 милиони фунти (околу 46 милиони евра).
Диблинг дебитираше за Саутемптон кога имаше само 17 години, а во Евертон ќе го носи дресот со број 20.
Диблинг е осмото засилување за тимот на Дејвид Мојес ова лето.
Пред него пристигнаа Џек Грилиш (позајмен од Манчестер сити), Карлос Алкараз (Фламенго), Тиерно Бери (Виљареал), Марк Траверс (Борнмут), Адам Азну (Баерн), Кирнан Дјусбери-Хол (Челзи) и Том Кинг (Вулверхемптон).
Во второто коло од Премиер лигата, Евертон за прв пат играше на новиот стадион „Хил Дикинсон“ и го победи Брајтон со 2:0.
Foto/ Everton FC
Спорт
16-годишно момче во 100-тата минута му донесе победа на Ливерпул – Кој е Рио Енгумоу?
Неверојатно драматичен натпревар на „Сент Џејмс Парк“, синоќа одиграа Њукасл и Ливерпул. „Црвените славеа со 3:2, во последниот натпревар од второто коло на Премиер лигата.
Со играч помалку и два гола негатива, Њукасл успеа да израмни во 88-та минута и реално, според сè што се случуваше на теренот, домашните не само што заслужија бод, тие заслужија да победат.
И кога изедначија, и покрај тоа што беа со играч помалку, тие напаѓаа за победа. На крајот едно невнимание и лошата поставка во одбраната, го искористи тинејџерот на Ливерпул, Рио Енгумоу.
Тој влезе во игра во шестата минута од судиското продолжение наместо Коди Гакпо и во 100-та минута му донесе победа на Ливерпул.
Тој стана најмладиот стрелец во историјата на клубот. И тоа на своето деби во Премиер лигата.
Рио Енгумоу има 16 години (за неколку дена, на 28 август, ќе го прослави својот 17-ти роденден).
Станува збор за поранешен ученик на Академијата на Челзи и младински репрезентативец на Англија по потекло од Нигерија. Англиските медиуми велат дека не можат да си простат на „Стемфорд Бриџ“ што дозволиле таков талент да го напушти клубот. Тој дојде во Ливерпул минатото лето, играше во младинската Лига на шампиони, но Арне Слот брзо го префрли да тренира со првиот тим.
Дебитираше за првиот тим на Ливерпул на 11 јануари 2025 година и стана најмладиот стартер во историјата на клубот во победата од 4:0 против Акрингтон Стенли во ФА Купот. Имаше точно 16 години и 135 дена.
Значи, за неколку дена ќе наполни само 17 години, а веќе покажува неверојатен талент и спортска дрскост. Англиските медиуми ја објавија неговата самоуверена изјава пред неколку месеци:
„Навистина верувам дека еден ден можам да ја освојам Златната топка. Сакам да станам фудбалска легенда и еден од најдобрите играчи на сите времиња“, рече Рио Енгумоа.
A star is born 🌟
Rio Ngumoha's dramatic winner for Liverpool made the wonderkid the fourth youngest goalscorer in Premier League history pic.twitter.com/MXJ4ZyVq8T
— Transfermarkt.co.uk (@TMuk_news) August 25, 2025
Кривична пријава за градоначалникот на Делчево: вработил лице кое исполнувало услови за пензија
Надворешната канцеларија за криминалистички работи Делчево на 25.08.2025 до ОЈО Делчево поднесе кривична пријава против Г.Т. (54) од Делчево поради...
Алиу: Очекувам објективни резултати од анализата на кардиолошките и кардиоваскуларните интервенции
Министерот за здравство, Азир Алиу, утрово одржа состанок со интерната комисија задолжена за изготвување прелиминарна анализа на кардиолошките и кардиоваскуларните...
Славевски најави мерки за поттикнување поповолно кредитирање за купување станови
Директорот на Агенцијата за катастар на недвижности, Иван Живковски, денеска оствари работна средба со гувернерот на Народната банка, Трајко Славевски....
Во текот на изминатото деноноќие изгаснати 20 пожари во Македонија
Во текот на изминатото деноноќие, на ден 25/26.08.2025 година, на територијата на Македонија имаше вкупно 23 пожари на отворен простор,...
Уапсен возач во Кичево – усмртил пешак на пешачки премин и избегал од местото на несреќата
Полицијата уапси возач во Кичево кој со возило удрил во пешак и избегал, а пешакот подоцна починал во болница во...
Денеска се одбележуваат 115 години од раѓањето на Мајка Тереза
Денеска се одбележуваат 115 години од раѓањето на Мајка Тереза (вистинското име и е Агнеса Гонџа Бојаџиу). Таа е родена...
„Влен“: Обвинителството да постапи по извештајот од ревизијата за Бујар Османи
Еден месец помина од јавно објавениот негативен извештај на Државниот завод за ревизија за трошењата во Министерството за надворешни работи...
Австралија: Иран нарача најмалку два антисемитски напада во нашата земја
Австралија денес објави дека ќе го протера амбасадорот на Иран во Канбера, а премиерот Ентони Албанезе го обвини Техеран за...
Борче Стамов и д-р Ирфан Ахмети ќе ја примат државната награда „Мајка Тереза“
Борче Стамов од „Донирај компјутери“ и доц. д-р Ирфан Ахмети од Универзитетската клиника за ендокринологија, денеска, во Собранието, ќе ја...
(Видео) Во потрага по храна, мечка се качи на тераса од семејна куќа во Тетовско
Мечка се качила на тераса од семејна куќа во тетовското село Отуње. Членовите на семејството биле во внатрешноста на куќата,...
Голема акција на Финансиската полиција: уапсени седум лица за даночни измами и перење пари, го оштетиле буџетот за 430 милиони денари
По двегодишна опсежна предистражна постапка, во текот на денешниот ден Управата за финансиска полиција спроведе акција во која беа извршени...
Предложен притвор за таткото што тепаше играчи на фудбалскиот натпревар во Штип
Основното јавно обвинителство Штип денеска поведе итна постапка против едно лице за кривично дело – Насилство. Осомничениот извршил грубо насилство...
Застрашувачки снимки од напад врз болница во Газа, меѓу загинатите има и новинари
Најмалку 15 лица, вклучувајќи четворица новинари, беа убиени денес во израелските напади врз болницата „Насер“ во градот Кан Јунис во...
Поскапуваат бензините и дизелот
Бензините и дизелот од ноќеска на полноќ ќе поскапат за половина и за еден денар, соопшти Регулаторната комисија за енергетика,...
Алиу на средба со д-р Кедев: Сите што имаат информација за евентуални неправилности да се обратат до Министерството
Министерот за здравство Азир Алиу денеска оствари средба со д-р Сашко Кедев, на која беа разменети информации во врска со...
Зеленски: Украина високо ја цени непоколебливата солидарност на Северна Македонија во поддршка на нашата слобода
Украина високо ги цени непоколебливата солидарност и силниот глас на Северна Македонија во поддршка на нашата слобода, достоинството и правото...
Тешко повредена жена во Автокоманда, маж ја удрил во главата со гајба полна со стаклени шишиња
Основното јавно обвинителство Скопје поведе постапка против едно лице за кого постои основано сомнение дека сторил кривично дело – Тешка...
Русија уништи 21 украински дрон во текот на ноќта, два летаа кон Москва
Руските одбранбени единици уништија 21 украински дрон во текот на ноќта, објави руската државна новинска агенција, повикувајќи се на податоци...
Канада отворена за испраќање мировни сили во Украина
Канадскиот премиер Марк Карни му рече вчера на украинскиот претседател Володимир Зеленски дека ги поддржува барањата на Украина за силни...
Мерц: Никој повеќе не треба да има илузии, Германија е во структурна криза
Германскиот канцелар Фридрих Мерц призна дека справувањето со економските предизвици се покажува како многу поголем предизвик отколку што првично очекувал....
