Македонија
Јакимовски до ВМРО-ДПМНЕ: Пријатели пратетете го човеков во месен комитет, Ковачевски за него стана Марадона!
Се изнаслушавме од Мицковски дека ќе гласал за измените на уставот само под други услови, не еднаш туку сто пати го повтори, други услови па други услови, пишува на социјалните мрежи лидерот на ГРОМ, Стевчо Јакимовски како реакција на денешната изјава на лидерот на ВМРО-ДПМНЕ, Христијан Мицкоски по лидерската средба.
„Кој бил фамозниот услов на големиот лидер?“, прашува Јакимовски.
„Прв услов му бил, ќе гласал да влезе во Влада и тоа со СДСМ, а втор услов во Владата да не биде ДУИ“, појаснува во напишаното Јакимовски.
„Бидејки ДУИ разбира политика уште незавршена пресконференцијата излегоа со став: нема проблем ние ќе излеземе од Влада само ти гласај ги уставните промени.
Христијан!
Па нели Ковачевски бил нелигитимен премиер зошто не победил на избори.
Ти победи или изгуби на парламентарни избори?
Со кој легитимитет ти ќе влезеш во Влада и згора нелегитимен да ти биде премиерот Ковачевски?
Пријатели од ВМРО ДПМНЕ, вратетете го човеков во месен комитет и пратете го на политичка школа зошто веќе и Ковачевски за него стана Марадона!
ДУИ ќе излезе од Влада, Мицковски ќе влезе ќе ја голтне „бугарската жаба“ и ќе ги изгласа уставните промени и за еден месец ќе му ги удрат клоците од влада и ДУИ ќе се врати назад.
п.с. Тетками викаше „Паметначович“, стои во напишаното.
Лидерот на ВМРО-ДПМНЕ, Христијан Мицкоски, по лидерската средба, рече дека премиерот Димитар Ковачевски му понудил да влезат во Владата, а цената била да се плати со поддршка за уставните измени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Шверцувале мигранти од Босна и Херцеговина во Хрватска: на цариниците им плаќале по 1.500 евра
По спроведена истрага, УСКОК поднесе обвинение пред судот во Осиек против групата, во која беа вклучени двајца царински службеници, осомничени за криумчарење најмалку 47 турски мигранти во најмалку пет наврати и криумчарење на разновидна „комерцијална“ стока преку граница.
Инспекторите се сомневаат дека првообвинетиот, со засега непознати лица од БиХ, се договорил и за пари организирал континуирано нелегално префрлање на поголем број странски државјани од БиХ во Хрватска преку граничните премини во Гуња, Топушка и други места.
За нивниот пикап и превоз преку граница за цена од 1.500 евра по превоз, организаторот на групата во договор со еден од осомничените царински службеници го ангажирал четвртопријавениот, кој ги превезувал мигрантите скриени во багажникот на возилото. Потоа ги предал на непознати лица за понатаму да ги вози до договорените дестинации во Хрватска и другите земји од Европската унија.
Македонија
Маричиќ – Бомгартнер: Поддршката од Франција за евроинтеграцијата на државата е цврста заложба за продолжување на процесот
Првиот заменик-претседател на Владата задолжен за европски прашања, Бојан Маричиќ, се сретна со амбасадорот на Франција, Сирил Бомгартнер, и со новата француска експертка за ЕУ-интеграции, Миа Матковиќ.
„Евроинтеграцијата е основа за стабилен и социоекономски развој на државата. Почнатите процеси во преговорите со ЕУ треба да продолжат да ја исполнуваат стратешката цел за полноправно членство, имплементација на планот за раст на Европската комисија со големи придобивки за сите граѓани на државата, регионот и Европа“.
На средбата присутните се согласија дека продолжува француската поддршка за Северна Македонија на патот кон ЕУ потврдувајќи ја посветеноста на Франција за ЕУ интеграција на земјите од Западен Балкан.
Средбата имаше цел да ја претстави новата француска експертка за ЕУ-интеграции, која се приклучи на Секретаријатот за европски прашања во април.
Македонија
23 Мај, Националниот ден на Власите, неработен за граѓаните припадници на влашката заедница
Министерството за труд и социјална политика соопштува дека во согласност со Законот за празниците на РМ („Службен весник на РМ“ бр. 21/98 и 18/07), 23 мај 2024 година (четврток), Националниот ден на Власите, е неработен ден за граѓаните припадници на влашката заедница во Република Северна Македонија.
Министерството за труд и социјална политика на граѓаните припадници на влашката заедница во Република Северна Македонија им го честита Националниот ден на Власите.