Спорт
Меси: Двете години во Париз беа лоши за сите, не сакав во Барса да ме чека истата ситуација

Лионел Меси во интервју за шпанските медиуми ги објасни своите мотиви за преселбата во Интер Мајами и покрај надежите на навивачите на Барселона дека ќе има емотивно враќање на „Ноу Камп“ по уверувањата на клубот дека тоа е возможно.
„Не се враќам во Барса, одам во Интер Мајами. Ја направив таа одлука. Уште не сум завршил 100 отсто со фудбалот, нешто недостасува и решивме да го продолжиме патот таму. Слушнав дека ако сакам да се вратам во Барселона треба да намалуваат плати и да продаваат и не го сакав тоа. Навистина бев возбуден од можноста за враќање, но по искуството кое го имав кога заминував од Барселона, не сакав да се вратам во иста ситуација – да чекам да видам што ќе се случи и да ја оставам иднината во нечии раце. Веќе бев обвинуван за многу работи кои не беа вистинити во Барселона и бев малку уморен од тоа и не сакав да го поминувам пак“, вели Меси.
Тој признава дека и покрај уверувањата на Барселона и на Ла лига дека неговиот камбек во Каталонија е возможен, тој не верувал во тоа.
„Кога требаше да заминам, Ла лига исто така прифати дека може да се регистрира мојот договор, но на крајот не беше така. Се плашев дека ќе се вратам во истата ситуација и дека ќе морав да се вратам тука во хотелот во Париз со моето семејство и со децата кои ќе треба да одат на училиште. Сакав сам да направам одлука. Иако сакав да се вратам во Барса, не можев. Сега сум во момент во кој сакам да бидам далеку од фокусот, да мислам на моето семејство. Поминав две години кои беа лоши за моето семејство и не уживавме. Имаше еден спектакуларен месец кога го освоивм Светското првенство и сакав да го вратам задоволството. Имав понуда и друг европски клуб, но во Европа сакав само во Барселона. Затоа отидов во САД, за поинакво фудбалско искуство и за уживање. Со истата желба за постигнувања и добра игра, но со мир“, вели Меси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
„Пирло не го сакаше Роналдо во Јувентус“

Андреа Пирло, кој го презеде Јувентус во 2020 година со големи очекувања, всушност не го сакал Кристијано Роналдо во тимот, тврди неговиот поранешен помошник Алпарслан Ердем.
Во интервју за турските медиуми, Ердем откри претходно непознати детали за тензиите во клубот, кои, според него, директно влијаеле на резултатите.
„На Пирло не му се допаѓаше Роналдо, но не можеше ништо да направи. Ги анализираше податоците, тие покажаа дека Роналдо има најслабо трчање и најлош пресинг во тимот“, рече Ердем.
Тој додаде дека Пирло имал јасна тактичка визија заснована на формација 4-4-2, во која гледал повеќе простор за Алваро Мората отколку за португалската суперѕвезда.
„Пирло не го сакаше Роналдо во тимот, но едноставно станува збор за Кристијано Роналдо. Не можел да го извади. Мората му одговараше повеќе затоа што се вклопуваше во системот. Тој план на игра едноставно не функционираше ниту со Роналдо ниту со Дибала, но неговите раце беа врзани.“
Спорт
Синер го освои турнирот „Шест кралеви“ и заработи шест милиони долари

Италијанецот Јаник Синер го победи Карлос Алкараз во финалето на турнирот „Шест кралеви“ во Ријад.
Неочекувано, мечот заврши за само еден час и 12 минути со резултат 2:0 (6:2, 6:4).
Актуелното најголемо соперништво во светскиот тенис не ја оправда тоа на теренот во Ријад, бидејќи италијанскиот тенисер играше на многу повисоко ниво.
Алкараз го загуби својот сервис во првиот гем, и оттаму добивме прва индикација во која насока оди овој меч.
Синер одигра навистина спектакуларно и го потврди брејкот, а набрзо направи уште еден, и веднаш на семафорот стоеше 5:1.
Иако Алкарас не се предаде, по само 27 минути бранителот на титулата го доби првиот сет.
Во вториот дел, Шпанецот успеа да одговори, да пружи отпор. Нерешено беше до седмиот гем.
Потоа Синер повторно успеа да му го одземе сервисот на противникот и многу успешно да ја зачува таа предност до крајот.
По само еден час и 12 минути тенис, Синер успеа да го прослави својот триумф и да ја одбрани титулата во Ријад.
Италија заработи неверојатни шест милиони долари за триумфот во Саудиска Арабија. Тој доби 1,5 милиони за учество, како и останатите тенисери, и уште 4,5 милиони за трофејот.
Спорт
(Видео) Интер ја победи Рома, го искористи поразот на Наполи за да се искачи на првото место

Фудбалерите на Интер барем на 24 часа ќе бидат лидери во Серија А. Ова е епологот по победата на Интер над Рома во Рим (1:0) и поразот на Наполи во Торино со истиот резултат.
Интер против Рома победи со голот на Бои во шестата минута по додавањето на Барела,.
Натпреварот по тој гол беше доста динамичен, со шанси на двете страни. Логично, Рома ја имаше иницијативата, се обиде да израмни, но не успеа во тоа.
Најблиску до гол Рома беше во 52-та минута кога шутот на Дибала го одбрани Зомер, потоа во 53-та минута кога шутираше Ермосо, но повторно Швајцарецот беше одличен.
И во 55-та минута, Зомер успеа да го одбрани добар обид на Дибала. Потоа, уште две можности за домашниот тим во истата 59-та минута, прво за Челик, кој шутираше покрај стативата од солидна позиција од десната страна, а потоа Довбик со глава од пет метри ја погоди топката над голот на Интер. Потоа, во 84-та минута, одлична можност имаше Мхитарјан, кој шутираше од 12 метри и ја погоди стативата.
Foto/ EPA