Европа
Германија стравува дека поранешни пилоти ѝ оддаваат тајни на Кина
Германија во минатото официјално спроведуваше програми за воена обука со Кина како дел од вообичаената практика за размена на техничко и тактичко искуство меѓу армиите. Освен тоа, не е невообичаено членовите на службата да одат во приватниот сектор по пензионирањето.
Деновиве, сепак, правилата повнимателно се разгледуваат за што сведочи и бурната реакција во Германија на извештајот што фрла светлина на инаку вообичаената практика. Имено, неколку пензионирани пилоти на германското воено воздухопловство отишле во Кина врз основа на профитабилни приватни договори за обука, пренесоа „Шпигел“ и јавниот радиодифузер ЗДФ.
Германскиот министер за одбрана, Борис Писториус, кој беше на безбедносен самит во Сингапур кога беше објавена сторијата, му рекол на својот кинески колега Ли Шангфу дека очекува „ваквата практика веднаш да биде прекината“.
Сè се случува во момент кога германската влада, по убедување од САД, ги разгледува економските и стратешките односи со Кина.
„Постои итна потреба да се заострат правилата за луѓето кои поради природата на својата работа за германската држава, имаат пристап до информации поврзани со безбедноста“, вели Маркус Фабер, пратеник и член на парламентарната Комисија за одбрана.
Самата работа не прекршува никаков закон, но правната сива зона ѝ дава одредени овластувања на германската влада да го запре таквиот трансфер на знаење.
Пензионираните војници и другите државни службеници во принцип смее да ја користат својата експертиза – освен за оддавање држабвни тајни – но подлежат на ретроактивни обврски на службата, што значи дека мора да пријават таков ангажман и се обврзани да ја чуваат доверливоста на податоците, вели портпаролот на германското Министерство за одбрана.
Министерството потоа проверува дали има конфликт на интереси и може да не одобри вработување ако утврди дека постои таков конфликт.
Во конкретниот случај Министерството изразило загриженост дека кинеските пилоти не добиваат само основна обука за летање, туку и информации за тактиката и оперативните способности на НАТО, но не е јасно дали ова претставува прекршување на правилата за доверливост.
Јужноафриканската школа за летови (ТФАСА), која е спомната во извештајот, негира дека ја загрозува националната безбедност на која било земја и додаде дека сите аспекти на обуката и материјалите се добиени од јавно достапни извори на податоци или од самите клиенти.
Но, Кина има долга историја на успешно користење странско знаење за домашни потреби и ги презеде сите западни достигнувања во академската средина и истражувањата, индустријата, технологијата и интелектуалната сопственост, како и во одбраната.
„Работата со пензионирани западни пилоти ѝ овозможува на кинеската армија да ја усоврши својата доктрина, а тоа е во суштина кражба на тајните за воените вежби од западните земји“, рече Цу-Јун Су, научен соработник во тајванскиот Национален институт за истражување за одбрана и безбедност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.