Македонија
Мицкоски чека одговор од СДСМ, го поздрави одговорот на Османи за влада без ДУИ
Од лидерската средба вчера можеме да констатираме дека во овој момент Владата го нема потребното мнозинство, односно нема две третини во парламентот за уставните измени, истакна денеска лидерот на ВМРО-ДПМНЕ, Христијан Мицкоски.
„И покрај тоа што во јавноста континуирано испраќаа лажни вести дека преговараа, вчера стана јасно дека преговори нема. Дека Македонија не преговара со ЕУ и покрај сите отстапки што ги направивме, а дополнително е потребно да се направт нови понижувања“, рече Мицкоски.
Како одговорна политичка партија, додаде тој, ВМРО-ДПМНЕ секогаш е подготвена да разговара кога станува збор за иднината на државата.
Потсети која била понудата од страна на Ковачевски, а кои биле условите на ВМРО-ДПМНЕ за преодна влада на вчерашната лидерска средба.
„Од негова страна беше дадена понудата да отстапи пет министерски места, а за возврат на тоа ние да дадеме поддршка за уставните амандмани. Јас реков – во ред, ја прифаќаме понудата, но имаме услови. Конечно, Македонија да ја ослободиме од ДУИ и го поздравувам потегот на Османи што тоа го прифати, а потоа граѓаните ќе си го кажат своето“, рече Мицкоски.
Повлекувањето на ДУИ од власта, како што појасни, е главен услов за составот на преодна влада.
„Но, што се однесува до уставните измени, ние кажавме – во ред, да го прифатиме гласањето за нив, но ефектот да биде одложен сѐ до приемот на Македонија во ЕУ. На тој начин го заштитуваме нашиот идентитет и кажуваме дека нема да има дополнителни отстапки кои ќе може да ни наштетат. Понудивме решение и очекуваме одговор од страна на СДСМ“, додаде Мицкоски.
На прашањето дека СДСМ велат оти опозициската партија прифатила уставни измени, Мицкоски појасни дека прифатиле уставните амандмани да бидат ефективни, односно примената на амандманите да биде тогаш кога Македонија ќе стане членка на ЕУ и составување преодна влада без ДУИ.
„Добро е да сме дел од овој процес, ќе спречиме евентуална злоупотреба и неправилности при изборниот процес. Очекуваме одговор од СДСМ“, посочи Мицкоски.
За одговорот на Османи, вели дека го поздравува.
„Го поздравувам што сфати дека е време за опозиција. Tоа дава можност граѓаните да се ослободат од фрустрацијата од процесот на дуизацијата. Од друга страна, тоа дава можност за вистински почеток на преговори со ЕУ, а не Македонија да биде држена во заложништво од мала група луѓе, кои, освен својот личен интерес, ништо друго немаат како приоритет. Се надевам дека нема да ја променат одлуката до изборите“, дециден е Мицкоски.
Рече дека не разговарале за тоа кои пет министерства се во прашање.
„Не сме зборувале за тоа, очекуваме да се сложат на ЦО на СДСМ, првин да прифатат една ваква влада, во која нема да учествува ДУИ и да прифатат амандманите на Уставот да бидат со важење тогаш кога Македонија ќе биде членка на ЕУ“, рече лидерот на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.
Македонија
Одбиена тужбата на „Европскиот фронт“ за избирачкото место во Долнени
Управниот суд ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024.
„Европскиот фронт“ поднесе седум тужби против решенија на ДИК на Парламентарните избори 2024.
Досега Управниот суд ja одби како неоснована и тужбата за избирачкото место 1194, во Општина Крушево.
Македонија
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“
Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот.
„Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој.