Спорт
Српските судии одбиле да го судат финалето на АБА

Се уште не е познато дали и кога ќе се одржи финалето во АБА лигата, меѓу Партизан и Црвена звезда
Црвена звезда, одби да го игра финалето, додека не се одигра финалето во српското првенство. Црвено-белите се незадоволни што чекаа две недели Партизан да ја заврши својата полуфинална серија. Исто така незадоволни се и од тоа што АБА лигата до последен момент не ги објави термините за финалето.
Лигата тоа го стори дури откако Кошаркарската лига на Србија објави кога за трофејот ќе се борат Црвена звезда и ФМП.
И додека се чека АБА и Кошаркарската лига на Србија да постигнат договор, нова бура предизвика одлуката на српските судии да не бидат делеграни за финалните натпревари во АБА лигата.
Илија Белошевиќ, Миливоје Јовчиќ и Урош Николиќ одбиле да ја делат правдата во плејоф серијата. Натпреварите ќе ги водат судии од другите републики учеснички во АБА лигата.
Првиот натпревар од плеј-офот е закажан за 12 јуни, но од Црвена звезда соопштија дека нема да го играат натпреварот во тој термин, бидејќи тогаш е закажан вториот натпревар од плејоф серијата во Супер лигата на Србија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Целосно е срушен култниот стадион во Сарагоса

Култниот стадион „Ла Ромареда“ во Сарагоса, дом на истоимениот фудбалски клуб, е срушен за да се направи место за модерна арена пред Светското првенство во 2030 година.
На овој начин во историјата замина стадионот изграден пред 68 години. Капацитетот на „Ла Ромаледа“ изесуваше 33.000 седишта.
Сите четири трибини се срамнети со земја, а изградбата на новиот објект се очекува да започне во наредните месеци. Планирано е реновираниот стадион да има капацитет од 42.500 гледачи, што ќе ги исполни сите критериуми за големи натпреварувања. Шпанските медиуми објавија дека изградбата ќе чини 140 милиони евра.
Проектот е поддржан од компанијата „ИДОМ“, а директорот за спорт и настани, Сезар Аскарате, ја откри визијата зад новиот дизајн.
„Фокусирајќи се на неговите текови, го обликувавме стадионот и покривот, моделирајќи ги како флуидни и динамични елементи“, рече Аскарате.
„Ла Ромареда“ се наоѓа во срцето на Сарагоса и е дом на Реал Сарагоса, клуб кој се натпреварува во втората лига на шпанскиот фудбал. Додека работите се во тек, тимот ќе ги игра своите домашни натпревари на стадионот „Иберкаха“.
Стариот стадион останува запишан во историјата како домаќин на три натпревари на Светското првенство во 1982 година, каде што играа репрезентациите на Шпанија, Југославија, Северна Ирска и Хондурас.
Спорт
Само Атлетико е во фокусот на Хулијан Алварез

Хулијан Алварез е голема желба на Барселона, но Аргентинецот воопшто не размислува за гласините за неговиот трансфер.
Додека цела Европа зборува за него откако блесна против Реал Мадрид и во Лигата на шампионите против Ајнтрахт, Аргентинецот е смирен и фокусиран само на својот тим и теренот.
„Јас сум целосно смирен. Секогаш ќе има шпекулации, имаше и минатата сезона. Сепак, сезоната штотуку започна и јас сум фокусиран само на мојот напредок, да му помогнам на мојот тим во борбата за освојување трофеи. Тоа е единственото нешто за кое размислувам и не ме интересира што пишуваат на социјалните мрежи“, рече Алварез.
„Мојот фокус е само Атлетико Мадрид и Светското првенство следното лето“, додаде Алварез.
Да ве потсетиме дека Алварез е најголемата желба на Џоан Лапорта пред претседателските избори наредното лето.
„Знам дека Хулијан е навивач на Барселона и порано или подоцна ќе заврши во Каталонија“, рече тој.
Реалноста е сепак поинаква, Барселона се уште има проблеми со финансискиот фер-плеј, евентуалниот трансфер на Алварез би изнесувал, според некои медиуми 200 милиони евра.
Од оваа перспектива Барселона тешко дека може да си го дозволи ова, плус Алварез има договор со Атлетико до 2030 година и клаузула за откуп од 500 милиони евра.
Foto/ EPA
Спорт
Mozzart и „ОЦР Кучково 2025“ – каде што природата и спортот создаваат непобедливи херои

Трета година по ред, компанијата Mozzart стои зад една од најекстремните и највпечатливи трки во Македонија „ОЦР Кучково 2025“, организирана од Здружението за спортски игри со препреки „ОТАКУ Скопје“.
Овој спортски спектакл, кој важи за еден од најпосетените настани во земјава, повторно блесна во препознатливите сино-жолти бои.
Лидерот во приредување игри на среќа, и оваа година учествуваше со свој тим од осум натпреварувачи, кои храбро се соочија со предизвиците на патеката и го оправдаа слоганот на тимот “Непобедливи”.
„Оваа година ги имавме сите услови за најдобрата OCR трка досега – кал, дожд и препреки изработени по највисоки стандарди за овој спорт, кон кои целиме уште од првата OCR трка во Леуново. Горди сме што по петти пат ја организиравме оваа спортска приказна, и тоа првпат како дел од Светската и Европската OCR федерација. Во патеката и препреките вложивме многу труд за да им понудиме на учесниците вистинско искуство исполнето со предизвици и силни емоции. Ова е можеби најтешката трка во Македонија како од тркачки така и од логистички план. Искрена благодарност до нашиот главен спонзор Mozzart, без кого оваа трка немаше да биде возможна, како и до клубовите и заедницата што се со нас од првиот ден”, изјави Марија Алексова, претседател на здружението „ОТАКУ Скопје“.
По завршувањето на трката, вработените од Mozzart организираа еко-акција за чистење на излетничкото место, со што уште еднаш го потврдија својот ангажман за зачувување на природата и подигнување на еколошката свест кај граѓаните.
„Ова е трета година по ред како ја поддржуваме трката ОЦР Кучково 2025. Без сомнение ќе кажам дека ова е еден од најубавите спортски настани кај нас, каде владее натпреварувачки дух но и многу дружба. Под слоганот ‘Непобедливи’, за нашиот тим се натпреваруваа осум тркачи. Покрај поддршката на трката, реализирана беше и еко акција за чистење на излетничкото место каде се одржуваше трката. Ваквите и слични настани секогаш ќе ја имаат поддршката од нашата компанија”, изјави Ивана Стефановска Крстевска од Mozzart.
Со активно учество и поддршка на вакви иницијативи, Mozzart не само што го зајакнува тимскиот дух меѓу вработените, туку и го потврдува значењето на слоганот – Непобедливи.
(ПР)