Свет
(Видео) Опсадна состојба во Мајами пред судењето на Трамп: поддржувачите го окупираа градот

Поранешниот американски претседател Доналд Трамп пристигна во Мајами, каде што подоцна ќе се појави пред суд под обвинение за неправилно постапување со досиејата за национална безбедност. Во тој град веќе е вонредна состојба бидејќи пристигнаа голем број поддржувачи на Трамп, но полицијата гарантира безбедност на сите.
Трамп се соочува со десетици обвиненија за незаконско задржување доверливи информации, вклучително и некои за нуклеарни тајни.
Hispanic Trump supporter rallying ahead of Trump’s arrival at Trump National Doral UNLOADS on DOJ indictment:
“We love him here in Florida. We love him in Miami.” pic.twitter.com/TnCxCabUfY
— Danny De Urbina (@dannydeurbina) June 12, 2023
Трамп, кој води кампања за враќање во Белата куќа во 2024 година, негира дека сторил нешто лошо, но се соочува со своето прво федерално кривично гонење.
JUST IN – Trump lands in Miami, Florida ahead of court appearancepic.twitter.com/HlqeMSgQg9
— Insider Paper (@TheInsiderPaper) June 12, 2023
Во меѓувреме, градоначалникот на Мајами, Френсис Суарез, им изјави на новинарите дека градот се подготвува за појавувањето на Трамп на суд.
Полицијата ќе биде распоредена во очекување на толпата од 50.000 луѓе, рече тој, иако други извори изјавија за американските медиуми дека се очекуваат помалку луѓе.
Во саботата, во своето прво јавно појавување по обвинението, Трамп рече дека случајот претставува мешање во изборите од страна на корумпираните ФБИ и Министерството за правда.
По неговото појавување на суд, Трамп се очекува да се врати во Бедминстер за да даде коментари за медиумите.
Обвинението од 37 точки беше поднесено откога во август беа пронајдени повеќе од 100 доверливи документи во приватното одморалиште на Трамп на Флорида, Мар-а-Лаго.
Федералните обвинители го обвинуваат Трамп дека незаконски ги задржал документите, дека некои ги чувал во салата за бал и во бањата во Мар-а-Лаго и дека со помошникот се обидувале да ја попречат владата да ги врати.
Документите наводно содржеле информации за одбранбените и вооружените способности на САД и странските земји, како и планови за можна одмазда како одговор на странски напад.
Трамп, се наведува во обвинението, се обидел да ја попречи истрагата на ФБИ за исчезнатите досиеја сугерирајќи му на својот адвокат да ги скрие или уништи или да им каже на истражителите дека не се таму, пренесуваат медиумите.
Правните експерти велат дека кривичната пријава може да доведе до затворска казна за Трамп доколку биде осуден. Тој вети дека ќе ја продолжи својата претседателска кампања, без оглед на пресудата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Големи протести низ Србија

Нови големи протести се одржуваат вечерва на улиците на Србија, во сите поголеми градови.
Граѓаните се собраа пред просториите на СНС, недалеку од Генералштабот, каде што беа пречекани од полициски кордон.
Активистите на СНС се исто така на местото на настанот, а во тек е вербален конфликт меѓу демонстрантите и полицијата, како и меѓу демонстрантите и активистите на СНС.
Вчера избувнаа насилни судири во Нови Сад и Белград. Поддржувачи на Српската напредна партија (СНС) и Александар Вучиќ се појавија на улиците, маскирани и вооружени со палки. Антивладините демонстранти беа нападнати со огномет, а имаше и судири меѓу полицијата и демонстрантите.
Во Нови Сад, маж, за кој подоцна се покажа дека е војник, извадил пиштол и пукал во воздух, тврдејќи дека демонстрантите против режимот на Вучиќ му се заканиле со живот.
Фото: принтскрин
Свет
(Видео) Двочасовно патување ќе се скрати на минута: Чудото поради кое Кинезите исекоа планина

Мостот Хуаџијанг во кинеската покраина Гуиџоу, кој треба да биде отворен до крајот на септември оваа година, станува вистинска атракција.
По завршувањето, мостот Хуаџијанг ќе стане највисок во светот – ќе се издига 625 метри над кањонот на реката Бејпан.
For people and development, no mountain’s too high.
The Huajiang Grand Canyon Bridge, in SW China’s #Guizhou, connects villages and improves lives. @UpGuizhou pic.twitter.com/2pd5CplTW1
— Mao Ning 毛宁 (@SpoxCHN_MaoNing) August 1, 2025
Бројките се навистина неверојатни: вкупната должина на мостот е 2.880 метри, а челичната конструкција тежи над 22.000 тони.
Изградбата траеше малку повеќе од три години, а мостот ги поврзува градовите Лиужи и Анлонг, минувајќи низ непристапен терен што со децении е голем проблем за сообраќајот.
Гуиџоу е 92 проценти покриен со планини и карпи, што е катастрофа за секојдневно патување. Наместо да градат долги и кривулести тунели, Кинезите едноставно ги отстранија планинските врвови за да направат место за новиот автопат.
Преминувањето на овој кањон порано траеше речиси два часа, но мостот Хуаџијанг ќе го скрати тоа време на помалку од две минути.
Свет
Кремљ ги намали очекувањата за средбата Трамп-Путин

Кремљ денес соопшти дека не се очекува конечен документ по претстојната средба меѓу рускиот претседател Владимир Путин и американскиот претседател Доналд Трамп, која ќе се одржи утре во Алјаска.
Портпаролот на Кремљ, Дмитриј Песков, според руската државна новинска агенција ТАСС и други медиуми, им изјави на новинарите дека таков документ „не се очекува“ по разговорите и дека ништо не е подготвено. „И малку е веројатно дека ќе има каков било документ“, додаде тој.
Песков, сепак, рече дека по самитот ќе се одржи заедничка прес-конференција и дека рускиот претседател ќе изложи „голем број договори и аранжмани што ќе бидат постигнати“.
Тој нагласи дека подготовките за самитот се направени во ограничен временски рок, додавајќи дека тековните разговори за војната во Украина се водат билатерално и дека ставот на Киев ќе биде разгледан во подоцнежна фаза.