Регион
(Видео) Ученик пукал во основно училиште во БиХ, едно лице тешко повредено
Во престрелката што се случи утринава тешко е повреден вработен во основното училиште во Лукавац. Како што потврдија за „Клик.ба“, пукањето го извршил малолетен ученик, кој бил приведен од полицијата.
Имено, утринава, околу девет часот, во основното училиште во Лукавац дошло до пукање, во кое, според првичните информации, еден вработен е тешко повреден.
Сѐ уште не е потврдено за кого точно се работи, со оглед на тоа дека, според едни сознанија, бил застрелан педагог, а според, други наставник.
Според УКЦ „Тузла“, поради прострелна рана во пределот на вратот, хоспитализиран е пациентот О.Н., пренесува медиумот.
Оваа информација за „Клик.ба“ ја потврди и градоначалникот на Лукавац, Един Делиќ, посочувајќи дека пукањето го извршил ученик.
Како што изјави Делиќ, ученикот бил ставен под полициска контрола и веднаш приведен во полициска станица.
Исто така, пронајдено е и оружјето со кое го извршил нападот.
Неофицијално, се дознава дека станува збор за ученик, кој поради лошо однесување бил префрлен од едно во друго основно училиште, пишува „Клик.ба“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На Фејсбук е објавено лажно видео од премиерот Вучевиќ, реагираат надлежните органи
На социјалната мрежа Фејсбук се појави лажен видео клип, или непостоечка изјава на премиерот на Србија Милош Вучевиќ, соопштија од Кабинетот на премиерот.
Како што беше најавено, вештачката интелигенција креирала непостоечка изјава на премиерот Милош Вучевиќ на сметката „Corvus01“ во која е злоупотребена неговата слика, додека со генериран глас се објавуваат податоци за непостоечки владини проекти.
Министерството за внатрешни работи, односно полициските службеници на техничката управа на СБПВТК, контактирале со компанијата Мета за да ги отстранат споменатите објави и да дадат информации за администраторот на сметката.
Регион
Бугарскиот парламент го отфрли предлогот за формирање нова коалициска влада
Бугарскиот парламент го отфрли предлогот за формирање нова влада, предложен од централнодесничарската партија ГЕРБ, што најверојатно ќе ја доближи земјата до нови избори, седми во последните три години.
Партијата ГЕРБ, која заврши на првото место на изборите во јуни, има 68 пратеници во Националното собрание со вкупно 240 места и затоа мораше да се обиде да создаде коалиција за составот на новиот кабинет.
Таа го избра Росен Жељазков, актуелниот претседател на парламентот, да ја води новата влада наместо нејзиниот лидер Бојко Борисов, кој претходно водеше три влади меѓу 2009 и 2021 година, кога неговиот трет кабинет поднесе оставка по големите антикорупциски протести.
Иако Борисов се обиде да најде коалициски партнери во други помали партии, тој не успеа да обезбеди доволна поддршка.
Претседателот на државата следниот мандат за формирање влада сега ќе го предаде на второто место на изборите – партијата МРФ.
Аналитичарите прогнозираат дека по неуспехот на првото гласање ќе биде тешко да се формира одржлива коалиција во овој парламент и дека најверојатната опција е одржување нови избори, кои само ќе ја продлабочат политичката криза во најсиромашната земја-членка на ЕУ.
Регион
(Видео) Катаклизма во Црна Гора: Двајца загинати, невремето урна мостови од 400 тони
Невреме кое пред два дена ја погоди Србија, го зафати целиот балкански регион, а после Хрватска се пресели во Црна Гора, каде остави немерливи последици во однос на остатокот од регионот.
View this post on Instagram
Најсилен интензитет е почувствуван на крајбрежјето, односно пристаништата Бар, Будва, Котор и Улцињ, каде како последица на бурните ветрови пропратени со обилни врнежи и грмежи, евидентирана е голема материјална штета, како и два загинати животи.
View this post on Instagram
Турски државјанин загина во Чањ, а Д.П.(60) од Тиват загина на градилиштето на теренот за голф во Луштица при силно невреме.
Бурниот ветер, пропратен со врнежи и грмежи, ги урна сите три претоварни моста тешки повеќе од 400 тони, како и три дигалки во пристаништето Бар, откорна дрвја во повеќе општини во централниот и јужниот регион, урна покриви на куќи и згради а беше прекинато снабдување со електрична енергија во делови од земјата.
Улиците на крајбрежјето беа под вода, а најкритично беше во Будва. Оштетени се неколку возила и чамци.