Доменико Тедеско, селекторот на белгиската репрезентација го објави конечниот список за претстојното Европско првенство во Германија. Белгија во Германија ќе патува со 25, а не со 26 фудбалери колку што дозволи УЕФА.

Очекувано на спиското го нема еден од најдобрите светски голмани, Тибо Куртоа. Голамнот на Реал долго време беше повреден, се врати во финишот на сезоната и според најавите ќе брани во сабота, во финалето на Лигата на шампионите.

Куртоа од претходно има одредени несогласувања со селекторот Тедеско.

На ЕП ќе патува и 35-годишнот Аксел Витсел, кој се повлече од националниот тим по Светското првенство во Катар. Тедеско го убедли ветеранот дека му е потребен на овој тим.

Списокот на Белгија за ЕУРО 2024:

Голмани: Коен Кастелс (Волфсбург), Томас Камински (Лутон), Матс Селс (Нотингем Форест);

Одбрана: Јан Вертонген (Андерлехт), Зено Дебаст (Андерлехт), Вут Фас (Лестер), Тимоти Кастањ (Фулам), Артур Тет (Рен), Максим Де Кујпер (Клуб Бриж), Томас Муние (Трабзон);

Среден ред: Аксел Витсел (Атлетико Мадрид), Амаду Онана (Евертон), Астер Вранкс (Волфсбург), Јури Тилеманс (Астон Вила), Орел Мангала (Лион), Кевин Де Брујне (Манчестер сити), Артур Вермерен (Атлетико Мадрид);

Напад: Доди Лукебакио (Севилја), жереми Доку (Манчестер сити), Лоис Опенда (Лајпциг), Леандро Тросар (Арсенал), Ромелу Лукаку (Рома), Шарл Де Кетеларе (Аталанта), Јохан Бакајоко (ПСВ), Јаник Фереира Караско ( Ал Шабаб).

Белгиските фудбалери ќе ги започнат подготовките за Европското првенство на 31 мај. Пред патувањето во Германија ќе одиграат пријателски натпревари против Црна Гора и Луксембург.

Европското првенство ќе се одржи од 14 јуни до 14 јули во Германија, а Белгија ќе игра во групата Е заедно со Словачка, Украина и Романија.

Кошаркарската секција на Реал Мадрид го продолжи договорот со репрезентативецот на Зеленортските острови, Валтер Еди Таварез.

По поразот од Панатинаикос во Берлин (90:75) во финалето на Евролигата и враќањето во Мадрид, Таварез потпиша долгорочен договор со „кралскиот клуб“.

Сагата околу новиот договор траеше долго, но беше јасно дека играчот од Зеленортските Острови сака да остане во Реал.

Како што пренесува добро информираниот „Енцестандо“, Таварес потпишал петгодишен договор со Реал.

Со оглед на тоа дека има 32 години, се укажува на тоа дека високиот центар кариерата ќе ја заврши во Шпанија. Тој е дел од семејството на Реал од 2017 година.

Португалскиот фудбалер Кристијано Роналдо успеа да собори два рекорди во Саудиска Арабија.

Тој постигна два гола за Ал Наср против Ал Итихад. Сезоната ја заврши 35 гола, што никогаш никој не го постигна во саудиската лига.

Исто така, Роналдо стана единствениот играч кој бил најдобар стрелец во четири различни национални шампионати.

Роналдо тоа го направи прво во Премиер лигата, како играч на Манчестер јунајтед, потоа во Ла Лига како член на Реал Мадрид, а исто така и во Серија А со Јувентус.

Откако го собори рекордот, се огласи на социјалната мрежа „X“, пораешен „Твитер“.

„Јас не бркам рекордите, тие ме бркаат мене“.

Ал Наср сезоната ја заврши на второто место, со шест бода помалку од шампионот Ал Хилал.