Спорт
(Видео) Хрватска го освои „Де Кујп“ и се пласираше во финалето на Лигата на нации
Хрватската фудбалска репрезентација под водство на Златко Далиќ повторно покажа дека е една од најсериозните на големите натпреварувања, откако се вратија за 4:2 победа над Холандија по продолженија во Ротердам за пласман во финалето на Лигата на нации.
„Коцкестите“ сега ќе го чекаат подобриот од дуелот помеѓу Италија и Шпанија за шанса за титула во најмладото репрезентативно натпреварување на УЕФА, по третото место на Светското првенство во Катар минатата година и финалето на СП во Русија пред пет години.
Домаќините, во првиот вистински тест под новиот селектор Роналд Куман, имаа подобро прво полувреме и во 34. минута ја искористија лошата реакција на хрватската одбрана, за Донјел Мален да го совлада Доминик Ливаковиќ.
Во второто полувреме, иницијативата беше кај Хрватите, кои во 55. минута од мечот израмнија, откако Лука Модриќ изнуди пенал, а Андреј Крамариќ не згреши од белата точка. Во 73. минута, тие направија целосен пресврт со голот на Марио Пашалиќ за да дојдат на чекор до големото финале, но Холанѓаните успеаја да израмнат во 96. минута преку Ноа Ланг за продолженија.
Хрватска повторно дојде во водство, овојпат преку Бруно Петковиќ по само три минути во продолженијата, за потоа во 116. минута, Тајрел Маласија да го фаулира Петковиќ во шестнаесетникот за уште еден пенал, за овојпат Модриќ да зголеми на 2:4 и да ги „дотолчи“ Холанѓаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Флик го одбил Челси, чекал понуда од Барселона
Германскиот стручњак Ханси Флик ја одбил понудата да го преземе Челзи. „Мундо Депортиво“ тврди дека Флика ќе чека понуда од барселона.
Челзи, вчера му врачи отказ на Покетино. Наводно, прв пик на клупските челници бил Флик.
Германецот е без ангажман, а своевремено ги тренираше Хофенхајм, Баерн и германската репрезентација.
„Мундо депортиво“ пренесува дека Флик ја следи ситуацијата во Барселона по несугласувањата на релација Џоан Лапорта-Чави Ернандез.
Лапорта во понеделник треба да одржи состанок со Чави на кој ќе се одлучи кој ќе ја води Барселона следната сезона.
Шпанските медиуми тврдат дека доколку Чави добие отказ, Флик најверојатно ќе биде нов тренер на каталонскиот клуб.
Спорт
Силвињо доби албанско државјанство
Бразилецот Силвињо доби албанско државјанство, во знак на благодарност што со националниот тим избори на Европското првенство.
Покрај Силвињо, албанско државјанство добија и неговите помошници Италијанците Лука Лауренти и Џанлука Стесина и Аргентинецот Пабло Забалета.
Церемонијата за добивање државјанство се одржа во Лушње, град на 80 километри од главниот град Тирана.
Албанија на Европското првенство ќе игра во групата Б заедно со Италија, Хрватска и Шпанија.
Договорот на Силвињо со Албанија истекува на крајот на Европското првенство, но челниците на националниот сојуз изразија желба да ја продолжат соработката со бразилскиот селектор.
Спорт
Новитет на Копа Америка, розов картон
Репрезентациите на Копа Америка следниот месец ќе имаат можност за дополнителни замени во случај некој играч да добие потрес на мозокот или некаква друга повреда на главата, објави во вторникот КОНМЕБОЛ.
Промената на правилата ќе важи и за другите турнири што ќе ги организира ова тело. Копа Америка ќе се одржи во САД од 20 јуни до 14 јули.
„Покрај петте измени дозволени со прописите, ќе биде додадена и потенцијална шеста поради загриженост за здравјето на играчите“, се вели во соопштението на КОНМЕБОЛ.
„Ова е дополнителна замена во случај на сомневање за повреда на главата или потрес на мозокот“.
Во случај да биде извршена таква измена судијата ќе ја одобри откако ќе покажа розов картон. Принудната измена нема да се брои во дозволените пет.