Македонија
Норлен – Џафери: Пристапувањето е придобивка за иднината, а не враќање во минатото
![](https://makfax.com.mk/wp-content/uploads/2023/06/03-1.jpg)
Во рамки на Конференцијата за демократијата во Европа, која што се одржува во Стокхолм, Кралството Шведска, претседателот на Собранието на Република Северна Македонија, Талат Џафери и делегацијата во состав Никола Мицевски, Соња Мираковска и Ремзи Мехмеди, остварија средба со претседателот на шведскиот парламент, Андреас Норлен.
Соговорниците се задржаа на тековните политички процеси во двете држави; на процесот на пристапување на Шведска во НАТО, на евроинтеграцискиот процес на Република Северна Македонија, гео-политичкиот контекст кој е резултат на не-испровоцираната агресија на Русија против Украина, како и билатералните односи, особено зајакнатата парламентарна соработка преку програмата за соработка меѓу двата Парламенти.
Претседателот Норлен, заблагодарувајќи се за учествотото на делегацијата од Собранието на високо ниво, истакна дека тоа е индикатор дека Република Северна Македонија е сериозно посветена на унапредувањето и зачувувањето на демократијата и владеењето на правото. Тој подвлече дека Шведска високо го вреднува тоа што Собранието беше меѓу првите Парламенти кои го ратификуваа протоколот за членство на Шведска во НАТО. Во однос на интеграциите во ЕУ, претседателот Норлен истакна: „Јас сум гласноговорник против билатерализација на процесите за пристапување во меѓународните односи, затоа што пристапувањето треба да се темели на степенот на исполнување на условите за членство, а не на враќање во минатото.“
Претседателот Џафери се осврна на тековните настани во Собранието, и се задржа на уставните измени кои треба да се усвојат. Потенцираше дека „Во моментов немаме консензус за измена на Уставот, но секојдневно правиме напори да најдеме консензус со опозицијата, заради идните генерации, а не заради политички статус.“
Во однос на билатералната парламентарна соработка, претседателот Џафери ја нагласи важноста на Програмата за парламентарна соработка со Шведскиот парламент, за која рече дека ќе продолжи и во иднина, и во тој контекст, упати покана до претседателот Норлен за официјална посета на Република Северна Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.