Спорт
Прашање на денот е кога Луис Суарез ќе ја заврши кариерата
Еден од најдобрите напаѓачи во последните 15 години, Луис Суарез, наскоро би можел да објави крај на кариерата поради неверојатни болки во коленото. Низ какви проблеми минува Уругваецот, откри претседателот на Гремио, Алберто Гера.
Луис Суарез на почетокот на годината реши да го напушти уругвајскиот Национал и потпиша за Гремио каде во претходните месеци ја воодушевуваше фудбалската јавност со своите фантастични настапи.
Сепак, пред неколку дена се појави информацијата дека, поради страшните болки што ги чувствува во коленото ќе ја заврши кариерата.
„Луис Суарез го достигна својот лимит. За да може да игра фудбал секој ден си дава инјекции и оди на специјални третмани поради ужасните болки што ги има во коленото. Тие болки не поминуваат и се постојани. Ситуацијата е многу сериозна и свесни сме дека би можеле да останеме без Суарез“, рече Гуера.
Од неговото доаѓање во Гремио, Суарез прерасна во првата ѕвезда на овој тим, искусниот Уругваец на 25 натпревари во досегашниот тек од сезоната успеа да постигне 11 гола и да додаде уште осум асистенции.
Лекарите го советувале дека е најпаметно да ја заврши кариерата бидејќи неговото колено повеќе не може да ги издржи сите напори и инјекции кои секојдневно ги добива.
Овој 36. годишен фудбалер остави неверојатен белег во светот на фудбалот, а најдобрите денови во кариерата ги помина играјќи за Ајакс, Ливерпул, Барселона и Атлетико Мадрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Осимен во живо на Инстаграм му врачи отказ на селекторот
Виктор Осимен, нигериски напаѓач вреден 100 милиони евра, со една објава на Инстаграм „му врачи“ отказ на селекторот Финиди Џорџ.
Нигерија не игра добро во квалификациите за Светското првенство, а по поразот од Бенин, прашање е дали оваа репрезентација ќе избори место на Мундијалот во 2026 година.
Осимхен поради повреда ги пропушти натпреварите против Јужна Африка и Бенин (реми и пораз) во квалификациите за Светското првенство.
Селекторот Финиди Џорџ наводно рекол дека не можел да го моли Осимхен на колена да игра за Нигерија. Оваа изјава предизвика без кај напаѓачот на Наполи.
Во директен пренос на Инстаграм му одговори на селектор: „Се повредив на последниот натпревар во првенството и не прифаќам шпекулации. Секогаш играв со срце за репрезентацијата и покрај повредите. Изгубив секаква почит кон тренерот. Ќе му го покажам мојот здравствен картон. Јас барав да бидам со соиграчите и покрај тоа што сум повреден“.
После тоа, некој од неговиот тим му го зеде мобилниот телефон на Осимхен.
Финиди по оваа објава доби отказ. На функцијата селектор на Нигерја се задржа само два месеци.
Victor Osimhen lambastes Finidi George for singling him out for criticism.
— YabaLeftOnline (@yabaleftonline) June 15, 2024
Спорт
Јувентус го купува Даглас Луиз и неговата девојка
Бразилецот Даглас Луиз (26) е на прагот на трансфер во Јувентус. Играчот на Астон Вила постигнал договор со италијанскиот клуб и во следните четири години би требало да заработува околу пет милиони евра по сезона. Луиз е еден од најдобрите играчи за врска во Премиер лигата, а минатата сезона постигна десет гола и исто толку асистенции на 53 натпревари.
Според „Трансфермаркт“, Бразиелцот вреди 70 милиони евра. Јувентус нема толку пари, па Италијанците смислија опција која Англичаните ќе ја прифатат. Имено, Јувентус ќе плати нешто повеќе од 20 милиони евра и ќе ги испрати во Астон Вила, Вестон Мекени (25) кој вреди 28 милиони евра и англиското крило Семјуел Илинг-Џуниор (20) кој вреди 13 милиони евра.
Вила сака да ги донесе двајцата и е подготвена да се откаже од својот клучен играч.
Сепак, овој трансфер ќе има и една многу необична ставка.
Освен Луиз, Јувентус ќе го реализира и трансферот на неговата девојка Алиша Леман (26). Таа е една од најпопуларните фудбалерки во светот и е дел од женската екипа на Астон Вила. Таа е репрезентативка на Швајцарија, за која има 53 настапи и постигнато девет голови.
Покрај тоа што игра добро фудбал, Леман е популарна и поради атрактивниот изглед и има речиси 17 милиони следбеници на Инстаграм, а нејзиното доаѓање во женската екипа на Јувентус во пакет со Луиза не само што би било фудбалски туку и маркетиншки потег.
Луиз наводно инсистирал и Леман да биде вклучена во неговиот трансфер.
Спорт
Пикси: А зошто да не ги нападнеме Англичаните?
Фудбалската репрезентација на Србија, вечерва во Гелзенкирхен, ќе дебитира на Европските првенства под ова име. Србите, во Д групата за противник ја имаат селекцијата на Англија.
Во Србија за разлика од Светското првенство во Катар, нема некоја голема еуфорија. Целта е да се помине групата, во која уште се Данска и Словенија.
„Многу сум порелаксиран, помирен во споредба со Катар. Верувам, ги чувствувам и играчите… Тогаш имавме мала болница со нас, сега е многу подобро“, рече српскиот селектор, Драган Стојковиќ и дополни.
„Зошто да не ги нападнеме Англичаните? Ја почитуваме моќта на Англија, Србија нема да чека и да гледа како игра еден од фаворитите на првенството. Ќе се обидеме да одиме напред, офанзивно. Го познавам тимот, би било глупо да не го знам. Убеден сум дека играчите ќе дадат се од себе за да ги испочитуваат договорите. Исто така го знам и англискиот тим, но тука ќе го оставам Саутгејт да зборува“.
Дуелот Србија-Англлија во Гелзенкирхен ќе започне во 21 часот.