Свет
Пекинг му врачи демарш на Вашингтон: „Изјавата на Бајден е политичка провокација“
Кинеската влада упати протест до американскиот амбасадор во Кина поради коментарите на претседателот Џо Бајден, кој го нарече кинескиот претседател Шји Џјинпинг диктатор.
Николас Барнс ја добил дипломатската нота неколку часа по изјавата на Бајден за Шји за време на донаторска конференција во Калифорнија, пренесе „Волстрит журнал“, цитирајќи тројца неименувани американски претставници.
На собирот во вторникот, Бајден рече дека Шји не знаел за наводниот кинески шпионски балон што бил соборен во воздушниот простор на САД во февруари, додавајќи: „Тоа е голем срам за диктаторите. Кога не знаат што се случува“.
Портпаролот на кинеското Министерство за надворешни работи, Мао Нинг, во средата изјави дека крајно апсурдните коментари на Бајден сериозно му наштетиле на политичкото достоинство на Кина и претставуваат политичка провокација.
Но, американските официјални лица кои ја објавија веста за протестот на Пекинг до Барнс, забележаа дека кинеските државни медиуми не ја објавиле дипломатската нота, позната како демарш, за да ја зачуваат добрата атмосфера создадена од посетата на американскиот државен секретар Ентони Блинкен на Кина.
Изјавата на Бајден дојде еден ден откако Блинкен се сретна со Шји во долгоочекуваната посета со цел да се запре надолната спирала во односите меѓу САД и Кина.
Американскиот претседател рече дека се уште очекува да се сретне со Шји во блиска иднина и ја пофали посетата на Блинкен на Пекинг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Зеленски допатува во Шпанија, ќе биде потпишан важен договор
Претседателот на Украина, Володимир Зеленски, денеска пристигна во Мадрид каде, како што е најавено, ќе потпише билатерален безбедносен договор со Шпанија.
Шпанскиот крал Фелипе Шести го пречека Зеленски на аеродромот Барахас во главниот град, пренесе АП. Украинскиот лидер потоа разговарал со шпанскиот премиер Педро Санчез за, како што претходно објавија локалните медиуми, планираниот договор од 1,13 милијарди евра врз основа на кој Шпанија ќе и испорача повеќе оружје на Украина, објави Ројтерс.
Volodymyr Zelenskyy has arrived in Spain for talks with the country's prime minister and royal family
Ukraine is expected to receive a large aid package from Spain today. pic.twitter.com/pwYjceX9lK
— NEXTA (@nexta_tv) May 27, 2024
Зеленски требаше да ја посети Шпанија во средината на месецот, но ги одложи сите свои патувања во странство откако руските сили започнаа офанзива во североисточниот регион Харков. Шпанскиот весник „Паис“, повикувајќи се на неименувани извори запознаени со содржината на билатералниот договор, објави дека договорот ќе вклучува и серија од 12 системи за противвоздушна одбрана „Патриот“ од американско производство, кои Украина долго време ги бараше.
Останатите ставки се однесуваат на 19 тенкови Леопард и артилериски гранати од 155 милиметри, кои Украина најмногу ги користи на бојното поле, наведува „Паис“. Шпанија, исто така, ќе продолжи да ги обучува украинските војници и да ги лекува своите ранети војници.
Свет
(Видео) Четири малолетни девојчиња избодени во кино во Бостон: маскиран влегол без билет и почнал да боде
Маж избодел четири девојчиња со нож во кино лоцирано на околу 20 километри јужно од Бостон околу 18 часот по локално време, соопшти полицискиот оддел.
Полицијата соопшти дека мажот влегол во киното без билет, отишол до салата, а потоа неиспровоциран нападнал четири девојчиња на возраст од 9 до 17 години. Девојчињата се хоспитализирани со повреди кои не се опасни по живот, соопшти полицијата.
„Толку е потресно што она на што ќе мислам е тие деца како слегуваат по скалите и само плачат. Изгледаа навистина исплашено, како да гледале хорор, а не детски филм“, рече Матео Рохас, кој бил во салата во моментот на нападот.
Еден вработен, кој работел во киното во моментот на нападот, опишал дека осомничениот носел „преголемо палто, очила за сонце и долга перика“.
Осомничениот побегнал од местото на настанот со црн џип, но полицијата успеала да го види бројот на регистарска табличка на снимка и го лоцирала во Плимут, откако тој наводно учествувал во „сличен напад“ таму, соопшти полицијата.
Полицајците дознале дека вториот потенцијален напад се случил околу 19 часот во ресторанот Мекдоналдс, каде наводно биле избодени 21-годишна жена и 29-годишен маж. Двете жртви се здобиле со повреди кои не се опасни по живот и се згрижени во блиската болница. Полицијата соопшти дека „злосторствата се чини дека се поврзани“.
„Прелиминарната истрага сугерира можна поврзаност со претходен инцидент во кино во Брејнтри, кој резултираше со повреди кои не се опасни по живот на четири малолетници“, соопшти државната полиција на Масачусетс.
Осомничениот е приведен и се наоѓа на лекување во блиската болница.
Името на осомничениот и обвиненијата со кои се соочува не беа веднаш објавени.
Регион
Снимка од нападот на братот на потпретседателот на Владата на Босна и Херцеговина на игралиштето во Белград: се слуша викање, а потоа хулиганите бегаат
Српскиот медиум Н1 објави снимка од инцидентот во населбата Медаковиќ во Белград, а на видеото се гледа кога хулиганите бегаат по нападот на Ѓорѓе Мијатовиќ, кој почина подоцна во вечерните часови во Ургентниот центар.
Нападот се случи во неделата нешто по 18:00 часот.
Инаку, групата хулигани кои го нападнаа Ѓорѓе Мијатовиќ, кој веднаш по тој инцидент почина во Ургентниот центар, со месеци им прави проблеми на жителите од зградите во населбата Медаковиќ, а само ден пред инцидентот кршеле клупи и му се заканувале на граѓанин кој ги замолил да не го прават тоа. Граѓанинот веднаш го пријавил случајот во полиција која излегла на местото на настанот и разговарала со нив. Како што велат станарите, таа не ги легитимирала бидејќи се малолетни, пренесува Нова.рс.
UZNEMIRUJUĆE: Deo snimka napada na Mijatovića na kom se vide huligani https://t.co/E85iPZTqvO (VIDEO)
— TV N1 Beograd (@n1srbija) May 27, 2024
Жителите се загрижени за својата безбедност и пред се за безбедноста на нивните деца кои излегуваат во паркот, поради група тинејџери кои се секогаш таму кога е убаво времето, прават врева, го нарушуваат јавниот ред и мир, а децата се плашат од нив. Како што пренесуваат српските медиуми, станува збор за млади мажи, но и девојчиња на возраст од 15 до 17 години.
Како што рече министерот за внатрешни работи Ивица Дачиќ во утринската програма, жртвата, брат на потпретседателот на Владата на Федерацијата на Босна и Херцеговина и министерот за развој и претприемништво, Војин Мијатовиќ, излегол да разговара со хулиганите бидејќи неговиот син се пожали дека му е украдена топката.
Дачиќ во емисијата изјави дека се утврдуваат околностите на смртта и дали настанала како последица на нападот, додавајќи дека лекарите рекле дека Ѓорѓе Мијатовиќ имал епи-напади и дополнителни болести, па причината за смртта ќе ја утврди обдукцијата. Но, веднаш потоа таблоидите, меѓу кои и Блиц, објавија информација дека човекот (по инцидентот) паднал и со главата удрил во бетон.
„Кога се вратил дома и рекол на сопругата дека сам паднал, по што добил епилептичен напад“, вели изворот.
Српското МВР соопшти дека има двајца осомничени и дека по нив се трага, како и дека телото е пренесено во Институтот за судска медицина за обдукција, пишува Н1.
Вишото јавно обвинителство во Белград и нареди на полицијата да ги идентификува учесниците на настанот и да ги собере сите потребни податоци и информации за настанот по што Ѓ.М. почина во Ургентниот центар во Белград.