Ракометната репрезентација на Хрватска доживеа пораз од Данска (26:32) во финалето на Светското првенство. Данска ја освои четвртата последователна титула светски шампион. До победата ги предводеше најдобриот играч на турнирот и најдобар стрелец, Матијас Гидсел, кој постигна 10 гола.

Последниот гол на натпреварот го постигна капитенот на Хрватска Домагој Дувњак. Данците како вистински џентлмени му дозволија на Дувњак да го постигне својот последен гол во дресот на Хрватска на десетина секунди до крајот.

36-годишниот Дувњак вечерва стави крај на репрезентативната кариера. Еден од најдобрите и најголемите играчи во историјата на хрватскиот ракомет се прости со сребро на Светското првенство, што е негов деветти медал со Хрватска. За жал, ниту еден од нив не беше златен, но без разлика на тоа, Дувњак одбележа цела ера на хрватскиот спорт.

A lovely moment at the end of a fierce battle. Domagoj Duvnjak scores one final international goal, honoured by the Danish players before they wheel away in celebration of their 4th consecutive World title! pic.twitter.com/5a4OfkHfY6

— (Un)informed Handball Hour (@HandballHour) February 2, 2025

Милан во 93.минута остана без победа во дерби дела Мадонина. Во 23.коло Милан и Интер одиграа 1:1 (1:0).

Милан една минута го делеше од третата победа над градскиот ривал оваа сезона. Водеа до 93. минута со голот на Рајндерс во 45. минута, но Де Фрај во 93.минута спаси бод за Интер.

„Росонерите“ го совладаа Интер со 3:2 во финалето на италијанскиот Суперкуп во Ријад пред еден месец, а во првиот дел од сезоната во Серија А победија како гости со 2:1.

Првото полувреме на „Сан Сиро“ донесе очекувано тврд натпревар, Интер имаше нешто повеќе игра, два гола му беа поништени, додека Милан претпазливо стоеше зад топката и чекаше да нападне од контранапад.

И тоа го направи во 45. минута, кога сурово ја казни ноншаланцијата на Хакан Чалханоглу.

Турскиот играч за врска и поранешен играч на Милан беше невнимателен на средината на теренот, на противничката половина Абрахам му ја зеде топката и започна молскавична транзиција за „росонерите“, а Рајндерс го совлада Зомер.

Во вториот дел Милан во најголем дел ја контролираше ситуацијата на теренот, се до последните 15 минути кога Интер со сите сили тргна во напад.

Во последните минути имаше три колосални шанси, а среќата беше голем сојузник на Милан, бидејќи Бисек, Турам и Дамфрис ја погодија рамката од голот. Но Милан не успеа да се одбрани, во 93.минута Де Фрај го постави конечниот резултат.

Бранителот на титулата Интер останува втор во поредокот со 51 бод, два помалку од Наполи. Милан е осми со 35 бодови, но заостанува само пет поени зад четвртопласираниот Јувентус.

Ракометната репрезентација на Данска четврти пат по ред стана светски шампион. Данска, во финалето во Осло, убедливо ја совлада Хрватска со 32:26 (16:12)

Ракометарите на Данска ја оправдаа улогата на фаворити во дуелот за златниот медал.

Селекторот Николај Јакобсен, кој ја предводи Данска од 2017 година, ја предводеше својата земја до четвртата последователна светска титула. Таа серија започна во 2019 година со убедливата победа над Норвежаните (31:22) на домашен терен во Хернинг. Славеа во Египет (финале против Шведска – 26:24) две години подоцна, а хет-трикот беше комплетиран во Стокхолм против Французите (34:29).

Скандинавците го диктираа темпото уште од стартот. Хрватска во првите 10 минути постигна само еден гол. Данска оствари предност од трии гола и таа предност лесно ја одржуваше во првиот дел.

Во вториот дел Данците влегоа фуриозно, а практично го решија мечот во 42.минута кога дојдоа до двоцифрена разлика (24:14).

Без сомнение, играч на натпреварот е 24-годишниот Матијас Гидсел. Десниот бек на Фуксе Берлин имаше импресивни учинок 10 гола од 11 удари, како и четири асистенции и една украдена топка. Извонреден на голот беше и Емил Нилсен со 14 интервенции.

Избраниците на исландскиот стручњак Дагур Сигурдсон беа комплетни аутсајдери во ова финале и не го повторија подвигот од Португалија во 2003 година.

Финалниот меч беше последен за Домагој Дувњак и Игор Карачиќ во дресот на Хрватска. Дувњак е рекордер според бројот на постигнати голови и одиграни натпревари во националниот тим.