Новата сезона во Формула 1 ќе започне со трка во Австралија на 16. март и ќе биде прва во која ќе се возат 24 трки. Сезоната ќе заврши на 7. декември во Абу Даби.

Титулата ја брани Макс Ферстапен, кој со Ред Бул освои четири светски шампионски титули. Холанѓанецот е исто така најплатен возач во Формула 1.

Во сезоната 2025, Ферстапен ќе заработи 65 милиони долари.

А што е со платите на другите возачи:

Втор најплатен возач е новиот член на Ферари, седумкратниот светски шампион Луис Хамилтон, со плата од 60 милиони. Неговиот тимски колега, Шарл Леклер ќе заработи 34 милиони.

Фернандо Алонсо во Астон Мартин и Ландо Норис во Мекларен имаат плати од по 20 милиони долари, додека Џорџ Расел има 15 милиони долари во Мерцедес.

Карлос Саинц во Вилијамс и Пјер Гасли во Алпин ќе заработат по десет милиони оваа сезона. Вилијамс му плаќа на Алекс Албон два милиони помалку, а Нико Хулкенберг (Кик Заубер) и Естебан Окон (Хас) ќе добијат по седум милиони.

Оскар Пјастри ќе заработи шест милиони во Мекларен, Ленс Строл половина од оваа сума во Астон Мартин.

Габриел Бортолето (Кик Заубер), Јуки Цунода (Рејсинг Булс) и Кими Антонели (Мерцедес) ќе заработат по два милиони, додека Оливер Берман (Хас) и Лиам Лосон (Ред Бул) по еден милион. Сума меѓу 500.000 и еден милион евра ги чека Џек Духан (Алпин) и Исак Хаџар (Рејсинг Булс).

Денис Шрудер пред неколку дена го нарече самоволието на клубовите кога е во прашање периодот за „тргување“ со играчи во НБА „модерно ропство“. А потоа, во рок од 24 часа, „на своја кожа“ почувствува како функционираат работите. Неверојатно е дека за само 24 часа, Шрудер смени четири франшизи.

МВП на претходниот Мундијал ја започна сезоната во Бруклин Нетс, кој пред еден месец го трејдуваше во Голден Стејт Вориорс.

Пред неколку дена, шокантниот трејд на Лука Дончиќ за која сите зборуваа, Шрудер имаше многу јасен став:

„Ова е модерно ропство. И покрај тоа што имате договор, секој може да одлучи каде ќе одите. Се разбира, заработуваме многу, но кога се ќе се сведе на тоа, ако ти кажат – не доаѓај утре на работа, те пративме на друго место, тоа значи дека тие одлучуваат за се. Тоа би требало малку да се смени“.

А потоа сè се смени за германскиот кошаркар, и тоа повеќе пати за само 24 часа.

Вориорс прво го испратија во Мајами во замена за Џими Батлер, но Мајами веднаш го препрати во Јута во истиот трејд.

Шрудер дури се загреваше и се надеваше дека ќе дебитира за Јута кога го повикале во соблекувалната и го известиле дека е разменет во Детроит.

Тренерот на Пари Сен Жермен, Луис Енрике изјави дека не жали по Килијан Мбапе, кој минатото лето како слободен играч се пресели во Реал Мадрид.

Мбапе не му помогна на ПСЖ да ја освои Лигата на шампионите, ќе видиме дали ќе го направи тоа во „кралскиот клуб“, но факт е дека не се раздели со „светците“ во најдобри односи.

Ниту со тренерот Луис Енрике, инаку легенда на Барселона.

„Бев многу храбар минатата сезона кога ви кажав дека ќе бидеме подобри во нападот и одбраната. Тоа постојано го кажувам и бројките го потврдуваат тоа. Сите го сакаа Килијан, но тимот реагира позитивно. Сакав повеќе играчи да постигнуваат голови. Зрелоста е многу важна работа”, изјави Енрике.

Затоа, од друга страна, тој е презадоволен од настапите на Усман Дембеле оваа сезона.

„Го познавам од Барселона, тој е многу отворен тип. Тој игра спектакуларно, статистиката покажува дека „експлодира“ оваа сеозна. Не го ограничуваме, тој мора да биде важен за тимот, да носи одлуки. Тој треба да биде лидер и мислам дека може да го направи тоа“, подвлече Луис Енрике.