Свет
Путин на „Вагнер“ му понуди три опции
Во понеделникот рускиот претседател Владимир Путин им се заблагодари на борците и на командантите на платеничката група „Вагнер“, кои се повлекоа за да избегнат крвопролевање, но и вети дека ќе ги казни одговорните за бунтот.
Рускиот претседател Владимир Путин во своето обраќање до нацијата на тема запрен вооружен бунт во саботата вети дека одговорните за вооружениот бунт што ја фрли неговата земја во хаос ќе бидат изведени пред лицето на правдата.
Путин рече дека ќе го почитува своето ветување дека ќе дозволи борците на „Вагнер“ да бидат префрлени во Белорусија доколку сакаат, да потпишат договор со Министерството за одбрана или едноставно да се вратат кај своите семејства.
Тој не го спомна шефот на „Вагнер“, Евгениј Пригожин, кој го почна вооружениот бунт.
Рече дека Русија во саботата докажала оти секоја уцена е осудена на пропаст и им понудила на членовите на групата „Вагнер“ да се приклучат на војската, да одат во Белорусија или да се вратат дома.
„Ви благодарам (Русите) за вашата издржливост, вашето единство и вашиот патриотизам. Оваа солидарност на граѓаните покажа дека секоја уцена (…) е осудена да пропадне“, рече тој во обраќањето до нацијата пред да им понуди на војниците од паравоената група да потпишат договор со редовната армија, да се „вратат во своите семејства и кај најблиските“ или „тие одат во Белорусија“, пренесе агенцијата АФП.
„Мнозинството во ‘Вагнер’ исто така се руски патриоти. Ја покажаа својата храброст во одбраната на Донбас, но беа охрабрени да се борат против своите сонародници“, рече тој.
„Со враќањето назад избегнаа понатамошно крвопролевање“, додаде Путин. „Мораме да размислиме за луѓето, кои всушност одлучија да го направат ова.
Путин исто така му се заблагодари на белорускиот лидер Александар Лукашенко, кој наводно посредувал за договор за ставање крај на кризата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
11-годишно момче со велосипед падна од три метри висина на Калемегдан во Белград
Единаесетгодишното момче вчера вечерта паднало од тврдината Калемегдан во Белград и се здобило со тешки телесни повреди. Како што пренесуваат српските медиуми, момчето возело велосипед во паркот Калемегдан и паднало од висина од три метри.
Белградската Итна помош соопшти дека со повреди момчето било пренесено во Ургентниот центар каде е задржано на лекување.
Европа
Без пратеници Роми остана Европскиот парламент
Со приближно 10 до 12 милиони жители во Европа, од кои околу шест милиони живеат во ЕУ, Ромите се едно од најбројните европски етнички малцинства. Сепак, во новиот состав на Европскиот парламент, избран минатата недела, првпат по 2004 година нема ниту еден европратеник припадник на ромската заедница.
Еден од најгласните застапници за правата на Ромите во Европскиот парламент досега беше Интергрупата за антирасизам и различности (АРДИ), чии цели се промовирање на расната еднаквост и информирање за проблемите со кои се соочуваат малцинствата. Без претставници на Ромите во ова тело, постои стравување од потенцијално поместување на приоритетите, како и намалување на сфаќањето на вистинските предизвици со кои се соочува ромската заедница.
Вклучувањето на претставниците на Ромите во процесот на одлучување би овозможил посеопфатно разбирање за потребите на заедницата, која има тешка историја низ целиот европски континент. Припадниците на ромската заедница се соочуваат со дискриминација низ цела Европа – 68 отсто од Ромите предвремено го напуштаат образовниот систем, а 80 проценти од нив живеат под прагот на сиромаштија.
Ваквите предизвици се вкоренети во стотиците години систематски предрасуди и социјална исклученост, кои продолжуваат да се одржуваат дури и до денес.
Една од земјите со процентуално најголема застапеност на Ромите во ЕУ е Романија. Според официјалните статистичките податоци 2,99 проценти од жителите на Романија се Роми, но според ромските организации реалната стапка на припадници на ромската заедница во земјата надминува осум отсто од вкупното население. Но, меѓу кандидатите за европратеници од Романија немаше ниту еден Ром, што е уште еден доказ за маргинализација на ромската заедница во земјата.
За споредба, унгарското малцинство кое сочинува 5,25 отсто од населението, освои два од вкупно 33-цата романски европратеници.
Отсуството на ромски кандидати за европратеници може да се припише на предизвиците со кои се соочуваат Ромите во политичкото мобилизирање, како поради систематското угнетување кое го одржува циклусот на сиромаштија во заедницата, така и поради бројните стереотипи кои ги спречуваат гласачите да се одлучат за ромските партии.
Свет
„Мамо, не те оставам“: oсумгодишно дете од Минесота убиено додека ја бранело мајка си од насилниот сопруг
Осумгодишно дете од Минесота било убиено додека ја бранело мајка си од сопругот насилник, минатата недела, соопшти семејството на детето, пренесува Law and Crime.
Амир Демарион Харден починал на 9 јуни од компликации откако бил застрелан во главата и вратот на 6 јуни, се вели во соопштението издадено од Канцеларијата на медицинскиот преглед на округот Хенепин.
Според медиумот, на денот на пукањето, таткото на момчето, Денер Харден, бил ослободен од затвор откако платил кауција по обвиненијата за семејно насилство. Тој се вратил во семејниот стан бесен и се обидел да ја убие сопругата.
„Неговиот татко се обиде да ме убие, но мојот син беше застрелан поради мене. Амир се обиде да му го одземе пиштолот од рацете на татко му. Му викав да оди кај соседите. Тој одби и рече – мамо, не те оставам!“, напиша Чериш Едвардс“, ожалостената мајка на Амир.
Кога видел дека го застрелал синот, таткото си пукал во глава, велејќи пред тоа дека „случајно пукал“ во детето, изјави Едвардс. Мајката на момчето додаде дека четирите браќа и сестри на Амир биле сведоци на шокантното насилство.