Свет
Пронајден пасош на двојникот на Пригожин во канцелариите на Вагнер: се користел за влез во Литванија
![](https://makfax.com.mk/wp-content/uploads/2023/06/гфх.jpg)
Литванската контраразузнавачка служба денеска соопшти дека пасошот пронајден при претрес на руските канцеларии на водачот на платеници Евгениј Пригожин му припаѓа на негов двојник. Тие тврдат дека во 2020 година двојникот на Пригожин го користел споменатиот пасош за да влезе во Литванија.
Шефот на Вагнер вчера полета за Белорусија во согласност со договорот со кој заврши бунтот на неговите борци.
Во неделата, рускиот медиум Фонтанка објави фотографии за кои се тврди дека се направени за време на рација на руските безбедносни служби во седиштето на канцеларијата на Пригожин во Санкт Петербург.
На фотографиите имало и пасош на негово име. Сликите потоа биле избришани, пренесува Ројтерс.
Руските медиуми во саботата објавија дека во канцеларијата на Пригожин била пронајдена огромна сума на пари.
Шефот на Вагнер набрзо објави дека парите се наменети за платите на војниците и трошоците за транспорт на загинатите борци од бојното поле.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Голема воена вежба во Србија: 1.500 војници, беспилотни летала, оклопни транспортери, хеликоптери…
![](https://makfax.com.mk/wp-content/uploads/2024/07/srpska-vojska-2.jpg)
Српската армија ја изведува заедничката тактичка вежба „Огнен удар 2024“ на полигонот „Пасуљанска ливада“.
Се вежба извршување на борбени дејствија со употреба на беспилотни летала за извидување и огнена поддршка, соопшти српското Министерство за одбрана.
Општите цели на вежбата се подобрување на способноста за собирање и дистрибуција на разузнавачки податоци, зголемување на ефикасноста на огнената поддршка на современото бојно поле и проверка на функционалноста на организацијата и единиците на армијата.
Во вежбата учествуваат единици на копнената армија, воздухопловство, противвоздушна одбрана, сили за специјални операции и контраелектронско војување и експерти од Воено-техничкиот институт, јавува Нова.рс.
Беа ангажирани околу 1.500 војници и повеќе од 300 борбени средства, вклучително и оние кои се во процес на модернизација, развој и тестирање.
Вежбата ќе трае две недели. Врз основа на вежбата ќе се утврдат ограничувањата и потребите за развој на нови тактички принципи, ќе се проверува можноста за заштита и одбрана од напади од воздушен простор и ќе се утврдат потребите за развој на нови софтверски и хардверски решенија.
Регион
Земјотрес ја погоди Црна Гора
![](https://makfax.com.mk/wp-content/uploads/2024/07/zemjotres-cg.jpg)
Земјотрес со јачина од 3 степени според Рихтеровата скала го потресе подрачјето на Црна Гора, јавува ЕМСЦ.
Епицентарот на земјотресот бил во близина на границата со Босна и Херцеговина, на околу 25 километри источно од Гацко, а бил почувствуван и на територијата на Херцеговина. Земјотресот е регистриран на длабочина од 9,2 километри.
Нема податоци за евентуална материјална штета предизвикана од земјотресот.
Свет
Шефот на кабинетот на Зеленски: Украина не е подготвена на компромис со Русија за да се стави крај на војната
![](https://makfax.com.mk/wp-content/uploads/2024/05/zelenski1.jpg)
Украина не е подготвена да постигне компромис со Русија и да отстапи од кој било дел од својата територија за да стави крај на војната, изјави началникот на кабинетот на украинскиот претседател Володимир Зеленски, Андриј Јермак.
Тој го изјави ова во вторникот во Вашингтон на новинарско прашање како ќе ја коментира изјавата на републиканскиот претседателски кандидат Доналд Трамп дека може бргу да го прекине конфликтот во Украина доколку биде избран за претседател на САД во ноември.
Јермак рече дека Украина ќе ги послуша сите совети за да постигне, како што наведе, праведен мир, но дека не може да прави компромиси кога станува збор за независноста, слободата, демократијата, територијалниот интегритет и суверенитет, пренесе „Ројтерс“.
Јермак е во посета на Вашингтон пред самитот на НАТО следната недела во главниот град на САД, каде што се очекува Украина да биде главна тема.
Досега САД испратија воена помош за Украина во износ од повеќе од 50 милијарди долари. Американскиот секретар за одбрана, Лојд Остин, во вторникот изјави дека САД набргу ќе објават повеќе од 2,3 милијарди долари нова воена помош за Украина.