Македонија
Со 6.000 единки крап и пастрмка порибена акумулацијата „Стрежево“

Денеска, министерот за земјоделство, шумарство и водостопанство, Љупчо Николовски, заедно со директорот на ЈП „Стрежево“ – Битола, Методија Граматковски, учествуваше во порибувањето на водите на акумулацијата „Стрежево“ со 1.000 единки подмладок од крап и 5.000 единки подмладок од пастрмка како дел од активностите за зачувување и заштита на животната средина, спречување еколошки проблеми и зачувување на биодиверзитетот.
Локацијата на порибувањето беше браната „Стрежево“ (крајбрежниот појас во близина на командната зграда и шахтниот преливник на акумулацијата „Стрежево“). Порибувањето се реализира со подмладок од крап со единечна маса од 50 до 800 грама и пастрмка со единечна маса од 10 до 70 грама. Подмладокот потекнува од регистрираниот репроцентар „Акватика“.
„Ние како ресорно министерство постојано се грижиме за одржување на рибниот фонд во езерските и речните води на територијата на целата држава водејќи грижа за континуирано унапредување на рибараството и аквакултурата во државава. Неодамна успешно завршивме проект финансиран од ЕУ – ‘Усогласување на законодавството и имплементација на правото на ЕУ во областа на рибарството и аквакултурата во Република Северна Македонија’. Придобивките на проектот се значајни не само за МЗШВ туку и за целата држава бидејќи со резултатите на проектот одиме чекор понапред во усогласувањето на нашето законодавство со тоа на ЕУ за Поглавјето 13 – Рибарство, а со тоа и чекор понапред кон нашата стратешка цел – членство во Европската Унија“, изјави Николовски.
Министерот искажа задоволство од работата на ЈП „Стрежево“, од каде што покажаа дека во досегашниот период ја оправдаа довербата за управување со водите на акумулацијата и успешно се грижат за зачувување на рибниот фонд преку редовно порибување.
„Јавното претпријатие ‘Стрежево’ со сопствени средства обезбеди подмладок од вкупно 6.000 единки, кои денеска ги пуштивме во водите на ‘Стрежево’. Ние како концесионер постојано се грижиме за одржување на рибниот фонд во акумулацијата ‘Стрежево’. Со тоа овозможуваме одржување и зголемување на популацијата на риби, а воедно тоа значи и зачувување и заштита на автохтони (домородни) и загрозени видови риби, како и грижа за нивната видова разновидност, старосна структура и бројност“, изјави директорот Граматковски.
„Стрежево“ плански управува со рибите во акумулацијата, овозможува трајно користење на рибите преку одржлив развој на рекреативниот и спортскиот риболов, како и развојот на аквакултурата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВЛЕН: Паднаа во вода тврдењата на ДУИ за наводен атентан врз Зеќирија Шаини

Коалицијата ВЛЕН реагира за случајот во кој беше повреден активистот и носител на листата на НАИ во Липково, Зеќирија Шаини.
Од таму велат дека особено загрижува фактот што политичките опоненти, предводени од ДУИ, се обидоа да ѝ дадат политичка димензија на оваа трагедија, грубо манипулирајќи со семеен конфликт во сред изборна кампања.
„Но случајот се покажа како семеен проблем и нема никаква врска со политиката. ДУИ доживеа тежок пораз, бидејќи не ѝ успеа обидот да ја искористи ситуацијата за сопствена политичка корист. Тие беа демантирани и од самиот нивен активист, Зеќирија Шаини, кој јавно изјави дека нема политичко непријателство со никого, со што паднаа во вода сите тврдења за наводен „политички атентат“.ДУИ сакаше да се претстави како херој во туѓи сметки – но тоа не помина. Наместо да придонесе за смирување на ситуацијата, партијата повторно приредува политички театар, обидувајќи се, како и секогаш, да создаде перцепција дека „некој работи против нив“. Помогната од неколку платени новинари, кои дење и ноќе шират лаги против власта, ДУИ ги злоупотребува дури и проблемите на сопствените партиски членови. Ова е стар модел на јавна манипулација и политичка виктимизација, кој има цел да го прикрие падот на довербата и губењето на електоратот“, велат од ВЛЕН.
Македонија
Сончево со мала локална облачност, максималната температура до 21 степен

Сончево со мала до умерена локална облачност. Ќе дува слаб до умерен, наместа долж Повардарието повремено засилен ветер од северен правец. Минималната температура ќе биде во интервал од 4 до 10, а максималната ќе достигне од 14 до 21 степен.
Во Скопје, сончево со мала до умерена облачност. Ќе дува слаб до умерен, во делови од котлината повремено засилен ветер од северен правец. Минималната температура ќе се спушти до 8, а максималната ќе достигне до 20 степени.
Времето во наредните денови
До почетокот на следната седмица ќе преовладува стабилно, сончево и релативно топло време со локална појава на облачност во текот на денот. Ќе дува слаб до умерен, а во сабота долж Повардарието повремено засилен северен ветер.
Македонија
Делови од Гази Баба и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 08:30 до 13:30 часот, корисниците од улица Благоја, улица Маџари, Пекара КИС МИ Стефковски и улица Ордан Поп Јорданов (општина Гази Баба)
– во периодот од 09:00 до 10:00 часот, локалите во трговскиот центар до пазарот (општина Ѓорче Петров)