Македонија
Форумот на жените на ЛДП повикува на правда за трагичната смрт на младата жена во Тополница, Радовишко
Форумот на жените на Либерално-демократската партија ја изразуваат нивната загриженост за трагичната загуба на младата жена, 24-годишна мајка на две деца од село Тополница, Радовишко.
„Овој потресен инцидент нè остави сите нас длабоко потресени и исполнети со прашања што бараат итни одговори“, стои во партиското соопштение.
„Мистеријата за прераната смрт на оваа млада жена е остар потсетник за важноста на нашата мисија – да бараме правда за сите жени и да обезбедиме нивна заштита од насилство. Сметаме дека е алармантно и неприфатливо што таа беше погребана без темелна обдукција, дури и непотврдувајќи дали можеби била жртва на сексуален напад или бремена во моментот на смртта“, реагираат од Форумот на жените на ЛДП.
Тие ги поставуваат прашањата: Дали е ова трагично самоубиство, како што се тврди, или ова тврдење е измама за заштита на наводниот сторител на психичко и физичко насилство врз жртвата – нејзиниот сопствен сопружник? Бараме да се знае дали е поведена постапка против брачниот другар и другите лица што во видеопораката на жртвата се наведени како поттикнувачи на нејзината смрт. Особено од клучно значење е да се истражи дали некој од овие лица навистина ѝ дал смртоносна супстанција, што ја предизвикало нејзината смрт.
Форумот на жените на ЛДП апелира итно до сите надлежни институции да преземат итна акција за расветлување на овој трагичен настан. На споменот на оваа млада жена, нејзините деца и секоја жена во нашето општество ѝ должиме да ја откриеме вистината и да ја донесеме правдата. Тие повикуваат за пошироки општествени и правни реформи за подобра заштита на жените од вакви ужасни случувања.
„Апелираме секој што има какви било информации за овој случај да се јави и веднаш да контактира со надлежните органи. Ние стоиме обединети во нашата борба против насилството и угнетувањето и нема да мируваме додека правдата не биде задоволена“, додаваат од Форумот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бебе почина на Клиниката за детски болести во Скопје
Рано утринава на Клиниката за детски болести во Клиничкиот центар „Мајка Тереза“ во Скопје, почина 14-месечно девојче. Околу 04.50 часот на Детската клиника во Клинички центар „Мајка Тереза“, (В.С.) 29-годишен маж од село Гошинце и неговиот брат, оштетиле инвентар во болницата откако починало детето на В.С., информира МВР.
Бебето било донесено со Итна медицинска помош во болницата околу 03.45 часот, а причините за смртта дополнително ќе се утврдуваат.
„Денеска (05.10.2024) во СВР Скопје е пријавено дека околу 04.50 часот на Детската клиника во Клинички центар ‘Мајка Тереза’ В.С. (29) од с. Гошинце и неговиот брат Б.С. (35) од с. Гошинце оштетиле инвентар во болницата откако починала едногодишната ќерка на В.С., која, според пријавеното, била донесена со Итна медицинска помош во болницата околу 03.45 часот. Се преземаат мерки за расчистување на настанот“, велат од МВР.
Македонија
Поплави во Тетово, над 20 повици за помош добиле пожарникарите
Над 20 повици добиле ноќеска пожарникарите од Тетово за интервенци и испумпување на вода од поплавени куќи, дворови, подруми и улици. Најголем дел од поплавените куќи се во селата Мала Речица и Голема Речица. Интензивниот дожд траеше повеќе часа, а претпладнево нема врнежи.
Силниот и интензивен дожд што вчера попладнево и вечерва ја зафати Општина Тетово е причина за зголемување на бројот на повици до пожарникарите од страна на луѓе кои имаат потреба од нивна интервенција. Пожарникарите во текот на вчерашниот ден извлекуваа и неколку возила кои заглавиле кај поплавените подвозници.
Пред две недели, на 20 септември, силен дожд предизвика делумно поплавување на улици, дворови и куќи во градот како и во Мала Речица.
Македонија
Нормализиран е сообраќајот на патот Струмица-Валандово
АМСМ информира дека од 10 часот сообраќајот на регионалниот пат Струмица – Валандово, на излез од селото Костурино, е нормализиран.
Поради сообраќајна несреќа утрово од 6:40 часот регионалниот пат Струмица – Валандово беше затворен.