Свет
Потивка ноќ во Франција и помалку апсења
![](https://makfax.com.mk/wp-content/uploads/2023/07/francija-2.jpg)
Најмалку 78 лица беа приведени на разни места во Франција синоќа, од кои 20 во Париз, пренесува BFMTV.
Се чини дека беа слушнати повиците за смиреност на властите и роднините на 17-годишниот Нахел, кој беше застрелан од полицаец, бидејќи ситуацијата во земјата беше многу помирна и од 1.30 часот по локално време и немаше извештаи за поголеми инциденти.
Сè уште имаше ескалација на некои локации за што беше потребна интервенција на полицијата со солзавец, но, генерално, ноќта беше мирна во однос на претходните пет вечери, а бројот на приведени беше многу помал.
Во Франција беа распоредени 45.000 полицајци со оклопни возила.
Францускиот претседател Емануел Макрон подоцна денеска ќе ги прими претседателите на двата дома на парламентот, Јаел Браун-Пиве и Жерар Ларше. Утре, ќе има средба со над 220 градоначалници на населените места погодени од немирите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Четворица загинати во страшна сообраќајка во Грција, пожарникарите го сечеа возилото за да ги извадат телата (ВИДЕО)
![](https://makfax.com.mk/wp-content/uploads/2024/06/soobrakajka.jpg)
Во сударот меѓу автобус и автомобил, што се случи денес наутро пред Токсотес Ксанти, на стариот национален пат Ксанти-Кавала во Грција, четири лица загинаа, а три се повредени.
Според првите информации, во судирот што се случил нешто по 08:00 часот, едно возило изгубило контрола и удрило во автобус што минувал.
Патниците загинале на лице место, а пожарникарите го сечеле возилото за да дојдат до телата на настраданите во автомобилот.
Регион
Црвен аларм за туристите на Јадранот: месојадни црви забележани на плажите во Будва, Црна Гора и во Италија
![](https://makfax.com.mk/wp-content/uploads/2024/06/crvi.jpg)
Месојадни црви се забележани на плажите во Будва, Црна Гора и во италијанските региони Сицилија, Калабрија и Апулија. За туристите и за жителите од овие региони издаден е црвен аларм за инвазија од месојадните црви, пишуваат денес српските и црногорските медиуми.
Невротоксинот во што го испуштаат месојадните црви предизвикува главоболка и вртоглавица. Долги се од 20 до 30 сантиметри и главно живеат на камено но и во песочното морско дно. Вообичаени се на Карибите и во тропските региони на западниот Атлантик.
Институтите за истражување на црви предупредуваат дека ваквите црви прават штета на рибарската индустрија оти се фаќаат за риболовната опрема. Многумина истражувачи работат на ограничување на ширењето на овој вид црви и на социјалните мрежи поттикнуваат секој што ќе ги забележи да пријави.
За оние кои ќе дојдат во допир со вакви црви, експертите советуваат боцките да се отстрануваат со суви прсти или леплива лента за да се избегне триење на кожата. Освен дезинфекција, препорачуваат да се измијат со ладна вода зафатените делови од телото и посета на лекар доколку се појават алергиски симптоми или покачена телесна температура.
На социјалните медиуми, минатиот месец, вакви црви првпат беа пријавени во Будва, Црна Гора.
Свет
Затворениците кои држеа затворски чувари како заложници во градот Ростов се убиени
![](https://makfax.com.mk/wp-content/uploads/2024/03/rusija-moskva-policija.jpg)
Руските безбедносни сили влегоа во притворниот центар на југот на Русија и ликвидираа шест затвореници кои ги држеа двајцата затворски чувари како заложници, објавија руските медиуми, пренесе Бета.
Шест затвореници кои земаа двајца чувари како заложници во притворниот центар во градот Ростов на Дон се „ликвидирани“, објавија руските медиуми.
„Заложниците во притворот во Ростов на Дон се неповредени“, соопшти Федералната затворска служба на Русија.
Претходно беше објавено дека шестмината затвореници имале гумени палки, ножеви и секири, а меѓу нив има и обвинети за врски со групата Исламска држава.