Црна хроника
180 санкционирани возачи во Скопје, 54 за брзо возење
![](https://makfax.com.mk/wp-content/uploads/2023/01/policija-brzo-vozenje-1-1000x600-1.jpg)
Секторот за внатрешни работи Скопје во текот на вчерашниот ден (3.7.2023) продолжи со контролите во областа на сообраќајот.
На територијата на град Скопје изречени се вкупно 180 мерки, меѓу кои за возење повеќе од дозволената брзина 54 санкции, 14 мерки за возење без возачка дозвола, четири санкции за прекршоци што ги прават возачите на мотоцикл.
„Изречени се осум санкции за користење мобилен телефон при управување возило, две мерки за возење под дејство на алкохол, осум мерки за некористење сигурносен појас. Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат од Министерството за внатрешни работи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Во ноќен клуб на патот Тетово-Скопје приведени осум странски државјанки
![](https://makfax.com.mk/wp-content/uploads/2023/07/tancerki-devojki-klub.jpg)
Во контрола во ноќен клуб на регионалниот пат Тетово – Скопје ноќеска во периодот од 00.00 до 02.00 часот полицијата затекнала осум странски државјанки на возраст од 22 до 32 години од Русија, Молдавија и Албанија, кои го злоупотребиле престојот, односно престојувале во државата спротивно на целта.
МВР денеска соопшти дека тие се приведени и задржани во полициска станица за понатамошна постапка.
Црна хроника
Машко лице најдено со тешки повреди на улица во Скопје
![](https://makfax.com.mk/wp-content/uploads/2024/01/brza-pomosh1.jpg)
Во СВР Скопје вчера било пријавено дека на подрачје на Центар во Скопје било пронајдено машко лице со повреди и во бессознание.
Лицето било пренесено во Комплекс клиники „Мајка Тереза“, каде што лекар констатирал тешки телесни повреди.
Се преземаат мерки за расчистување на случајот.
Црна хроника
Малолетник осомничен за обљуба врз малолетничка со која заедно живееле
![](https://makfax.com.mk/wp-content/uploads/2019/07/siluvanje-1-640x432-163518.jpg)
Постапувајќи по претходна пријава дека малолетник од Кочани живеел во вонбрачна заедница со малолетничка од Скопје и дека извршил обљуба врз неа, полициски службеници од полициската станица Кочани презеле мерки и во неговиот дом малолетникот бил затекнат со малолетничката.
Во присуство на претставник од Центарот за социјални работи Кочани, со малолетничката бил извршен службен разговор и бил направен преглед во здравствена установа.
По целосно документирање на случајот ќе следува соодветен поднесок.