Свет
Бил Клинтон ѝ порача на косовската влада: Да ги запреме глупостите на северот на земјата
Поранешниот американски претседател Бил Клинтон, кој во голема мера е одговорен за завршувањето на војната во Косово пред повеќе од две децении, вчера ѝ порача на косовската влада да ги прекине акциите на северот. Тензиите на северот на Косово, каде што Србите се мнозинство, се разгореа во последните неколку месеци, пишува „Ројтерс“.
Северно Косово, дом на 50.000 етнички Срби, неодамна ги доживеа најтешките тензии откако Приштина прогласи независност од Србија во 2008 година. Насилството избувна кон крајот на мај кога градоначалниците, етнички Албанци, ја презедоа функцијата по локалните избори, на кои одѕивот беше само 3,5 отсто бидејќи Србите го бојкотираа гласањето.
Во судирите со српските демонстранти беа повредени триесетина мировници на НАТО, кои бранеа три градски собранија на северот на Косово.
„Лесно е за Албанците, кои сега се мнозинство, да се обидат да го искористат моментот за да поентираат. Но, вистинската работа што треба да направиме е да ги запреме овие глупости“, рече Клинтон за време на церемонијата во Тирана, каде што доби медал од премиерот Еди Рама.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.