Македонија
Наместо да прашува цело време за Дрин Ахмети, Мицкоски да каже на колку години изградил прва хидроцентрала, вели Стевчо Јакимовски
Стевчо Јакимовски, градоначалникот на општина Карпош, го обвини лидерот на опозициската партија ВМРО-ДПМНЕ, Христијан Мицкоски, дека единственото прашање што го посочува е како внукот на господинот Али Ахмети на 25 години стекнал толку големо богатство како што е дел од сопственоста во трговскиот центар „Соравија“. Но, тој, според Јакимовски, не кажува на колку години ја направил својата првата хидроцентрала и стекнал милионски имот.
„Прашањето за богатството на внукот на Али Ахмети како го стекнал имотот е легитимно прашање и нормално е да се истражи дали средствата се обезбедени на легален начин. Но, сакаме да го прашаме Мицкоски да одговори на колку години тој ја направи првата хидроцентрала. Дали тоа беше пред да биде советник во владата на Груевски, беше пред да биде директор или откако стана директор на ‘Електростопанство на Македонија’. Во опис и попис на работни задачи на директорот на ‘Елекстростопанството’ стои да гради хидроцентрали, да овозможува производство на електрична енергија, но да гради хидроцентрали за државата и за народот, не за себе. Во конкретниот случај тој има градено за себе, мислам дека е легитимно прашањето да го прашаме на колку години тој стекна таков милионски имот“, посочи Јакимовски на денешната конференција.
Од СДСМ претходно обвинија дека Мицкоски од државата добил 33 илјади метри квадратни за изградба на хидроцентрала, а денеска не ја дава струјата на граѓаните, во време на најголема светска енергетска криза кога секој енергетски капацитет е од суштинска важност.
„Срамно е Мицкоски да прави споредба на периоди на нормално функционирање на светот и период на постпандемија, на енергетска и економска криза, која го тресе целиот свет. Ако толку е загрижен за состојбата со енергетиката, Мицкоски нека ја даде струјата на граѓаните и нека ги повика пратениците да се откажат од блокадите на важни закони во Собранието“, рекоа претходно од СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Муртезани, поранешниот генерален директор во МЕПСО и МЖ е кандидат за министер за европски прашања на Алтернатива
Орхан Муртезани е кандидатот од Алтернатива за министер за евроинтеграции, додека Љуљзим Алиу е предложен за заменик министер за образование, а Сафије Садики Шаини за заменик министерка за односи меѓу заедниците, информира Алтернатива.
Муртезани е поранешен генерален директор во МЕПСО и во Македонски Железници – Транспорт, како и актуелен секретар за односи со јавноста и портпарол на Алтернатива.
На оваа средба се разговарало и за кандидатот за заменик министер за образование и наука, при што исто така едногласно било одлучено да биде проф. д-р. Лулзим Алиу, универзитетски професор и продекан на Педагошкиот факултет, поранешен заменик министер за образование, а моментално секретар на Секретаријатот за стратегиски политики во Алтернатива.
„Бидејќи Алтернатива презеде одговорност и за заменик-министерот во Министерството за етнички заедници, за ова име Централното претседателство едногласно одлучи кандидат на Алтернатива за оваа функција да биде Сафије Садики Шаини – универзитетски професор, поранешен пратеник и потпретседателка на Алтернатива“, стои во соопштението.
На средбата се разговарало и за оставката на поранешниот претседател на Алтернатива, Африм Гаши, кој е избран на функцијата Претседател на Собранието на Република Северна Македонија.
„Судејќи дека во интерес на партиското претставување е партијата да има претседател со полн легитимитет, Централното претседателство на Алтернативата одлучи да му предложи на Централното собрание да донесе одлука за организирање на вонреден конгрес за избор на новиот претседател на Алтернатива“, соопштија од партијата.
Македонија
Лифт потиснал и заробил куче, го спасија пожарникари од Прилеп
Центарот за управување со кризи информира за несекојдневна ситуација во Прилеп каде пожарникари спасиле куче заглавено во лифт.
„Пожарникарите од ТППЕ Прилеп, покрај гасењето на пожарите во населени места и на отворено имале имале уште една помала техничка интервенција за безбедно извлекување на куче коешто било потиснато и заробено од лифт во ООУ ‘Кочо Рацин’. Интервенирано е со едно возило и двајца пожарникари“, велат од Центарот за управување со кризи.
Македонија
Филипче: Младите бараат нешто ново, не бараат ригидна партиска структура
„Сметам дека оваа организациска поставеност на партијата го дала својот максимум во некои минати времиња. Луѓето бараат нешто ново. Младите бараат нешто ново, не бараат ригидна партиска структура во којашто ќе слушнат наредба во која не учествувале. Сакаат да дадат свој придонес. А ќе дадат свој придонес кога ќе може да комуницираат на соодветен начин и соодветно ќе бидат вклучени и вреднувани“, истакна Венко Филипче на првата од осумте партиски трибини во рамки на кампањата на СДСМ за избор на претседател.
Тој рече дека е овој модел на организација мора да се менува со цел да се прилагоди на потребите и начините на комуникација на луѓето во денешно време, но и да се обезбеди поголема и постојана вклученост на членовите.
Филипче смета дека е потребно основата на политиките и одлуките да доаѓаат од најниско кон највисоко ниво, каде на база на реалните потреби на граѓаните понатаму ќе обликуваат решенијата.
„Најголемиот проблем со којшто се соочивме изминатиот период и кое луѓето најдиректно ни го кажуваат е дека имале затворени врати. Едноставно не можеле да си ги кажат ни барањата, ни потребите и идеите. И што прават луѓето? Нормално се повлекуваат. Така да ако се отвори партијата, ако се симне структурата кон општинските организации каде што ќе се градат политиките и после тоа дојдат до централното ниво каде што понатаму ќе се дообликуваат е вистинскиот пристап. Само така ќе можеме да кажеме дека сме креирале политики согласно реалните потреби на луѓето“, рече Филипче.