Македонија
(Видео) За министерот – 78 отсто, за докторите – 3.000 денари покачување – Меџити смета дека го решил проблемот со платите
Министерот за здравство, Фатмир Меџити, смета дека со покачувањето од 3.000 денари го решил проблемот со платите во здравството. Тој во интервју за „Макфакс“ вели дека со ова не се фали, а призна дека добил покачување, кое е повисоко 78 проценти. Меџити за платите на докторите вели: „Тоа што две години не се договараше за покачување на платите во здравството, јас го решив“.
„Значи, јас не бев тој што договарав такви материјални средства. Моите одлуки точно ги знае јавноста, јас и дента кога беше покачувањето, кога потпишав макотрпно, борејќи се со сите институции, потпишав, и тоа лично многу се залагав за тоа да бидат потпишани затоа што имавме опструкции од другите министерства, кои се одговорни за тоа. Кога потпишав, реков дека ова не е тоа што го заслужуваат лекарите и медицинскиот персонал“, вели Меџити во интервјуто за „Макфакс“.
Покачувањето на платите на функционерите не го критикува.
„Апсолутно, јас сум доктор, претпочитам да бидам доктор и по ова, пак ќе бидам доктор и нормално дека докторите инвестираат во себе 40 години и треба да добиваат повеќе. Јас не седам со скрстени раце, работам и тоа што го направив е моја иницијатива и го пративме во Владата, т.е. информацијата за да ги нема тие економски, организациски директори, да се тргнат, тоа што го потврди премиерот, рече на еден километар, знаете, 66 директори, 33 управни одбори, јас бев тој што се нафатив за тој проблем затоа што Словенија ист случај е, но има еден клинички“, додаде Меџити.
Меџити во интервјуто зборува и на други прашања од граѓаните, како и за катастрофалната состојба со здравството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.
Македонија
Одбиена тужбата на „Европскиот фронт“ за избирачкото место во Долнени
Управниот суд ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024.
„Европскиот фронт“ поднесе седум тужби против решенија на ДИК на Парламентарните избори 2024.
Досега Управниот суд ja одби како неоснована и тужбата за избирачкото место 1194, во Општина Крушево.
Македонија
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“
Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот.
„Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој.