Регион
Детали за трагедијата во Албанија: луѓето на плажата ги реанимираa таткото и неговите синови, но немаше спас

Денеска напладне се случи трагедија на плажата Виле-Боштово во Албанија кога се удавија таткото Елвис Халилај (50) и неговите двајца малолетни синови на возраст од 13 и 15 години. Семејство од Тирана решило да го помине викендот на ова крајбрежје, но радоста се претворила во трагедија.
Албанската Еј-Би-Си ги пренесе изјавите на некои од сведоците на оваа трагедија, а еден од нив рекол дека другите туристи кои во тој момент биле на плажата ги донеле телата на брегот, а потоа се обиделе да ги спасат. Тој исто така додаде дека на плажата наводно бил поставен црвен сигнал поради временските услови, но никој не знаел за тоа.
„Во еден момент едно лице во кајак почна да вреска. Некои од нас видоа дека нешто не е во ред и влегоа во водата. Тој се приближи, и ние влеговме и видовме три лица како лежат таму. Ги фативме, ги извлековме до брегот, а кој стигна се обиде да ги реанимира“ изјави очевидец за албанската „Еј-би-си“ и додаде:
„Подоцна дознавме дека е даден црвен сигнал, никој овде не дозна каков е сигналот, каква е опасноста, само што ја видовме со своите очи.
Друг сведок рече дека кога телата биле изнесени на брегот, двајцата малолетни синови дале надеж со тоа што првично реагирале, додека таткото бил безнадежен.
Како што рече понатаму во интервју за албанската Еј-Би-Си, на плажата треба да има чувари и да има линија на разграничување за секој што влегува во морето.
„Не разбравме што точно се случи додека ги извлекуваа телата на брегот. Прво мислевме дека никој не е повреден, но кога дознавме дека се мртви татко и неговите двајца малолетни синови, останавме шокирани“, објасни тој.
Во моментот на трагедијата на плажата имало многу луѓе
Друг очевидец објасни дека во моментот на трагедијата имало многу луѓе на плажата кои со сите сили се труделе да ги реанимираат таткото и неговите двајца малолетни синови, но за жал не успеале во тоа.
„Не бев сам, имаше многу луѓе, имаше и медицинска сестра. Сите се бореа, тие што знаеја. Се обидовме да дадеме се од себе“, рече тој.
Според очевидците, брзата помош дошла подоцна, а како што додаваат, во последните две недели колку што доаѓаат на таа плажа не виделе ниту спасувачи, ниту лекари, ниту полиција, ниту некој што може да пружи прва помош.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Црна Гора го прогласи 14 август за Ден на жалост поради смртта на војникот

Владата на телефонска седница одлучи задутре, 14 август, да го прогласи за Ден на жалост поради смртта на војникот, кој денес загина при превртување на цистерна додека помагаше во гаснење пожар.
Помладиот водник Дејан Божовиќ од Даниловград загина, а водникот Марко Иковиќ се здоби со тешки повреди при гаснење пожар во областа Кучи, во Црна Гора, објави Министерството за одбрана на Црна Гора.
Војската на Црна Гора, во соработка со надлежните органи, спроведува истрага за да се утврди причината и околностите на несреќата.
Регион
Објавен идентитетот на војникот кој загина во Црна Гора кога се преврте цистерна за гаснење пожар

Помладиот водник Дејан Божовиќ од Даниловград загина, а водникот Марко Иковиќ се здоби со тешки повреди при гаснење пожар во областа Кучи, во Црна Гора, објави Министерството за одбрана на Црна Гора.
Помладиот водник Божовиќ бил припадник на 1-ви пешадиски баталјон, оженет и татко на четири деца. Тој бил во Армијата од 2006 година и бил митралезец на 120-милиметарски минофрлач.
Повредениот водник Иковиќ, исто така припадник на 1-ви пешадиски баталјон, бил лекуван и префрлен на медицинска помош. Тој има сериозни повреди, но во моментов е во стабилна и свесна состојба.
Војската на Црна Гора, во соработка со надлежните органи, спроведува истрага за да се утврди причината и околностите на несреќата.
Фото: Принтскрин
Регион
Додик ја откупи едногодишната затворска казна

Претседателот на Република Српска, Милорад Додик, ги исплати парите што ги искористи за замена на едногодишната затворска казна што ја доби по конечната пресуда за непочитување на одлуките на високиот претставник, објави Кликс.ба.
„Одлучувајќи по барањето на одбраната на осудениот Милорад Додик за замена на изречената затворска казна со парична казна, Судот, во согласност со законските прописи, донесе одлука со која, по изјавата на Обвинителството на БиХ, беше усвоен горенаведениот предлог на одбраната, а затворската казна на осудениот Милорад Додик беше заменета со парична казна“, соопшти Судот на БиХ.
Додик платил 36.500 КМ 18.662 (евра), или 100 КМ за секој од 365-те дена што требало да ги помине зад решетки.
Покрај затворската казна, на Додик му е забрането и политичко дејствување во траење од шест години. Поради овој дел од пресудата, Централната изборна комисија на Босна и Херцеговина му го одзеде мандатот како претседател на Република Српска.
Одлуката на Комисијата денес ја прими неговиот адвокат, Горан Бубиќ, кој поднесе жалба. Се очекува одлуката на Жалбениот совет да биде објавена следната недела.
фото: принтскрин