Свет
Макрон најави испраќање ракети во Украина: Москва итно реагира – „ќе има последици“
![](https://makfax.com.mk/wp-content/uploads/2021/05/w_56878507.jpg)
Франција ќе почне да ја снабдува Украина со ракети со долг дострел за да може да се брани, изјави денеска францускиот претседател, Емануел Макрон. Набргу стигна реакција од Москва, во која се наведува дека оваа одлука е погрешна и полна со последици за украинската страна.
Имено, по пристигнувањето на самитот на НАТО во Вилнус, Литванија, Макорн одби да даде детали колку и кои проектили ќе ѝ бидат доделени на Украина.
„Одлучив да ја зголемам испораката на оружје и опрема што ќе им овозможи на Украинците да имаат капацитет да удрат длабоко, додека ја одржуваме нашата доктрина, да ѝ дозволиме на Украина да ја брани својата територија“, рече Макрон.
Портпаролот на Кремљ, Дмитриј Песков, изјави дека оваа одлука воопшто не е добра и додаде дека останува да се види колкав е обемот.
„Од наша гледна точка ова е погрешна одлука, оптоварена со последици за украинската страна, бидејќи таа, се разбира, ќе нè принуди да преземеме контрамерки“, рече Песков.
Песков рече дека одлуката на Париз нема да влијае на текот на специјалната воена операција, како што Москва ја нарекува војната во Украина.
„Уште еднаш го повторуваме принципиелниот пристап кон ваквите одлуки: овие одлуки не може да влијаат на текот на настаните во рамките на специјалната воена операција. Тие може само да ја отежнат судбината на режимот во Киев“, додаде Песков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Во два региона на Русија прогласена вонредна состојба поради шумски пожари
![](https://makfax.com.mk/wp-content/uploads/2024/07/fds.jpg)
Во два региона на Русија, Тува и Јакутија, денеска е прогласена вонредна состојба поради шумски пожари предизвикани од високите температури, пренесоа руските агенции.
Шефот на сибирскиот регион на Република Тува, Владислав Ковалиг, изјави дека вонредната состојба е воведена поради шумските пожари предизвикани од високите температури и силните ветрови.
Ковалиг на „Телеграм“ изјави дека во моментот на територијата на Републиката се регистрирани 23 шумски пожари и дека зафатиле околу 1.700 хектари.
Свет
Зеленски: Украина го зголемува производството на дронови и сè што е потребно на бојното поле
![](https://makfax.com.mk/wp-content/uploads/2024/06/677z381_12290882-zelenski.jpg)
Украинскиот претседател Володимир Зеленски денеска изјави дека Украина го зголемува производството на беспилотни летала, оружје, муниција, опрема, машини за деминирање и сè што е потребно на фронтот.
„Украина го зголемува производството на беспилотни летала, одредени видови оружје, муниција, опрема, машини за деминирање и многу други основни предмети – сè што е потребно на првите линии за да се спасат животите на нашиот народ со моќта на технологијата“, напиша Зеленски на каналот „Телеграм“, пренесува „Укринформ“.
Според него, оваа војна покажува дека технологијата на бојното поле е ефикасна одбрана од агресија во современиот свет.
Регион
Трагедија во Грција: британски нуркач се удави додека истражуваше познат потонат брод
![](https://makfax.com.mk/wp-content/uploads/2024/07/potonat-brod-grcija.jpg)
Британски турист трагично загина нуркајќи во близина на познат грчки потонат брод, пишува „Сан“.
33-годишниот маж се удавил додека нуркал кај потонатиот брод „Епаноми“ во Солун поради немирно море, јавуваат локалните медиуми.
Нуркачот влегол во неволја во неделата попладне поради лошото време.
Официјален претставник на крајбрежната стража изјавил дека кога пливал, времето се променило и почнало да врне.
„Веднаш се испратени чамец за спасување и брза помош, но додека пристигнале, тој бил извлечен од водата без свест“, вели службеникот.
Тој изјавил дека од водата го извлекол храбар пливач.
Службеникот додаде дека Капетанијата на пристаништето Миханион ја истражува несреќата и дека ќе биде извршена обдукција.
Трагедијата го зголеми бројот на загинати туристи во Грција на 9 од почетокот на јуни откога минатиот петок во Спецес беше откриено телото на британскиот морнар.