Регион
(Видео) Масовна тепачка меѓу азиланти во Загреб, сведоци на инцидентот: Се плашиме
Полицијата во Загреб во средата вечерта добила дојава од граѓани за тепачка меѓу неколку баратели на азил во Загреб. Избила тепачка, а за време на конфликтот биле употребени дрвени летви и камења. Во конфликтот полесно се повредени тројца мажи.
Како што објави хрватски Индекс, од полицијата потврдиле дека како последица на конфликтот се приведени шест лица, кои потоа со обвинителен акт се изведени пред надлежниот суд за прекршоци поради сомнение дека сториле прекршок нарушен јавен ред и мир.
„Во кривичната истрага било утврдено дека еден од тројцата повредени, 30-годишен маж, бил удрен со дрвена летва во главата. Со преземените дејствија, полициските службеници го утврдиле идентитетот на лицето кое е поврзано со горенаведениот, а се работи за 25-годишен странски државјанин. Мажот е уапсен и против него се води кривична истрага поради постоење основи на сомнение за сторено кривично дело тешка телесна повреда во обид“, изјавија од Полициската управа во Загреб.
Жителите во овој дел од градот велат дека не се чувствуваат безбедно.
„Јас живеам во тој дел од 2008 година и сите бевме шокирани од инцидентот со азилантите, иако претходно слушнавме дека имало инциденти со нив. Нашите деца си играат надвор секој ден, а сега се плашиме бидејќи не знаеме што може да се случи, затоа што тие можат да настрадаат во случајно поминување“, вели жител, пренесува Индекс.хр.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Драма во Хрватска: мал авион ја промаши пистата и удри во луѓе, има повредени
Во несреќата што се случи на Хвар, Хрватска, кога помал авион ја промаши пистата, три лица се полесно повредени, јави ХРТ.
Несреќата се случила во Староградско поле, кога авионот ја промашил пистата при слетување и удрил во двајца велосипедисти.
Повредените со хеликоптер се пренесени во сплитската клиничка болница.
Регион
Тепачка пред средно училиште во Сараево: повредено едно лице
Денеска во 11 часот и 40 минути пред Средното машинско-техничко училиште во Сараево дошло до физичка пресметка меѓу две лица во која едно лице е повредено, пренесува порталот „Radiosarajevo.ba“.
Според забележаното од порталот „Radiosarajevo.ba“ пред Средното машинско-техничко училиште, биле припадници на КС МУП и вршеле истрага.
„Пред училиштето се е оградено со жолти ленти, а полицијата е на терен“, пренесува порталот.
Според последните информации, непознат маж бил повреден од камен и во моментов се наоѓа во здравствена установа за да му биде укажана соодветна лекарска помош.
Регион
Владимир не знаел дека не смее да го носи синот на стрелиште: адвокатката на родителите на момчето убиец од „Рибникар“
Во Вишиот суд во Белград денеска продолжи граѓанската постапка против Миљана и Владимир Кецмановиќ, родителите на момчето убиец што на 3 мај минатата година уби девет ученици и обезбедувањето на основното училиште „Владисалв Рибникар“, по тужба на ранетиот малолетник Д.Ј.
„Имаме нови докази за поднесување, поточно петиција потпишана од повеќето родители, чија тема беше насилството во училиштата. Во петицијата посочија дека е потребно да се реагира и да се спречи насилството во училиштето, за да нема смртни последици, училиштето ништо не направило на овој план. Исто така, го повлекувам судскиот предлог за сведочењето на Владимир и Миљана затоа што тие не се во можност да сведочат и не сакаат да ги повредат жртвите и родителите на жртвите со приказната дека тие внимателно го воспитувале своето дете“ – изјави Марина Ивеља, адвокатката на семејството Кецмановиќ и додаде:
„Исто така, би сакала да поднесам извештај од советот на родители каде детално се анализирани 21 ученик и нивната психичка состојба по пандемијата на коронавирусот. Тогаш било утврдено дека кај децата имало зголемени мисли за самоубиство, како и депресија. Приложив и фотографии од кампот на кои јасно се гледа дека Владимир не го тренирал Коста да пука, туку претседателот на стрелачкото друштво, а Владимир не разбрал дека е забрането да се носи дете на стрелиште“, вели таа.
Судот побара да се достави и решението за разрешување на директорката Снежана Кнежевиќ, која даваше исказ пред обвинителството цели шест часа.
Марина Ивеља побара и допис од Министерството за образование.
„Ве молиме доставете допис и од Министерството за образование, каде што училиштето е опоменато и препорачано да ја откаже активноста на дежурниот ученик. Да се почитуваше одлуката на тогашниот министер Бранко Ружиќ, наместо двете девојчиња во ходникот ќе беа наставниците, можеби ќе го спречеа или децата немаше да загинат“, изјави Ивеља.
Правниот застапник на училиштето Сања Дуњиќ одговори на оваа забелешка на адвокатот на семејството Кецмановиќ и рече дека писмото од министерството стигнало до сите училишта по масакрот во август минатата година.
Следното рочиште е закажано за 20 септември во 10 часот кога ќе бидат изведени писмени докази и ќе биде сослушано семејството на повредениот малолетник.
Судот нареди и вештачењето на оштетениот Д.Ј. од страна на ортопедот, но и психијатриско вештачење на момчето убиец Коста Кецмановиќ, кој беше прегледан од комисијата.