Спорт
Влаховиќ доби страшна закана: Ако дојдеш, ќе ти отсечеме три прста

Навивачите на ПСЖ испратија морбидна порака до Душан Влаховиќ, откако стана јасно дека е извесен неговиот трансфер од Јувентус на „Паркот на принцовите“.
Француските медиуми тврдат дека Влаховиќ прифатил кариерата да ја продолжи во ПСЖ. Трансферот ќе биде реализиран кога клубовите ќе ја договорат оштетата.
Остра, дури и неочекувана реакција имаше и од навивачите на ПСЖ, кои се противат на доаѓањето на српскиот центарфор. Станува збор за дел од симпатизерите на овој клуб, кои пред стадионот на ПСЖ истакнаа транспарент на кој на француски пишува:
„Дојди во Париз, ќе ти отсечеме три прста“.
Споменатите симпатизери на ПСЖ објавија и слика од српските репрезентативци Немања Радоњиќ, Стефан Митровиќ и Душан Влаховиќ, со три прста кренати високо. Радоњиќ и Влаховиќ носат маици со натпис „Радувај се , српски народе“.
Инаку, меѓу симпатизерите на ПСЖ има и голем број српски навивачи, кои ја сочинуваат една од најсилните фракции на трибините на овој клуб.
🚨🤯 PSG Ultras’s message to Vlahovic :
“You come to Paris, we cut your three fingers off!“
This is because of a past “incident" where Vlahovic wore a shirt showing Kosovo as part of the Serbian map & his celebration with 3 fingers that is said to symbolize “Serbian victory“. pic.twitter.com/zpL9bwQhEp
— Juve Canal (@juve_canal) July 16, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.