Европа
Поранешен офицер на ФСБ: Членовите на „Вагнер“ се подготвени да убијат Руси ако тоа им нареди манијакот Пригожин
![](https://makfax.com.mk/wp-content/uploads/2022/05/igor-girkin-x-epa.jpg)
Поранешниот агент на ФСБ и руски воен блогер, Игор Гиркин, познат и како Игор Стрелков, предупреди дека членовите на приватната воена компанија „Вагнер“ нема да се двоумат да убиваат Руси доколку тоа им биде наредено од нивниот лидер Евгениј Пригожин. Да потсетиме, членовите на „Вагнер“ минатиот месец почнаа краткотраен вооружен бунт против руското воено раководство.
Пригожин потоа ги обвини редовните руски сили дека ги напаѓаат позициите на „Вагнер“ во Украина. За време на бунтот, тие зазедоа воени позиции во Ростов на Дон и се упатија кон Москва. Сепак, сè набргу заврши благодарение на договорот со посредство на белорускиот претседател Александар Лукашенко.
Вчера, Стрелков на својот канал на „Телеграм“ напиша дека за време на бунтот „вагнеровците“ совршено ја покажале својата подготвеност во иднина да ги убиваат своите сограѓани во согласност со наредбите на „манијакот“ (Пригожин), пренесува „Њусвик“.
„Слоганите на таканаречениот марш на правдата станаа референтна точка во понатамошното постоење на овој „Вагнер“, а оние сили што останаа во гореспоменатата нелегална вооружена формација под команда на (Пригожин) се истите предавници на Русија, таков каков што е и тој“, изјави Стрелков.
Тоа е сосема исто. Приватната војска на Пригожин нема морално право да се смета себеси за бранител на татковината. Стрелков истакна дека „Вагнер“ не претрпел ни најмала казна за својот неуспешен бунт против Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Членките на НАТО договорија 40 милијарди евра воена помош за Украина
![](https://makfax.com.mk/wp-content/uploads/2024/07/zelenski1.jpg)
Сојузниците на НАТО се согласија да финансираат воена помош за Украина со 40 милијарди евра следната година, изјавија двајца западни дипломати за Ројтерс во средата, една недела пред самитот на алијансата во Вашингтон.
Генералниот секретар на НАТО, Јенс Столтенберг, побара од сојузниците да се согласат на повеќегодишна посветеност да продолжат да му помагаат на Киев на исто ниво како од почетокот на руската инвазија во 2022 година, во износ од речиси 40 милијарди евра годишно. Земјите членки, сепак, не го поддржаа првичното барање на Столтенберг, но договорот вклучува одредба дека придонесите на сојузниците ќе бидат разгледани на идните самити на НАТО, според дипломатот.
Сојузниците одлучија да подготват два извештаја во текот на следната година за да одредат која земја што испраќа во Украина, рече дипломатот, за да се исполнат барањата за поголема транспарентност во распределбата на товарот меѓу сојузниците.
Земјите членки „ќе имаат цел да го исполнат ова ветување преку пропорционални придонеси“, се вели во договорот. Финансиската обврска е дел од поширокиот пакет за Украина за кој лидерите на НАТО ќе се договорат на состанокот во Вашингтон од 9 до 11 јули.
Европа
(Видео) Страшен руски ракетен напад врз Днипро, многу мртви и ранети
![](https://makfax.com.mk/wp-content/uploads/2024/07/napad-ukraina1.jpg)
Во руски напад со проектили и беспилотни летала врз украинскиот град Днипро во средата загинаа четворица цивили, а 27 беа ранети, оштетени се градинки, училишта и болници, а предизвикаа и пожари во градот, соопштија регионалните власти.
Украинскиот претседател Володимир Зеленски сподели драматично видео од ракетниот напад врз Днипро.
„Утрото не беше добро за нас. Непријателот изврши комбиниран напад врз нашиот град“, рече Серхиј Лисак, гувернер на околниот регион Днепропетровск, во видео објавено на „Телеграм“.
Russian terrorist attack struck Dnipro this morning. Four civilians have been killed, and 27 injured, with two in critical condition. pic.twitter.com/GWYpzqVFjs
— Iryna Voichuk (@IrynaVoichuk) July 3, 2024
Од повредените 11 се пренесени во болница, а двајца се во тешка состојба, рече тој.
Лисак објави фотографии од работниците на итната помош како отстрануваат скршено стакло и го гаснат пожарот.
Украинските воздухопловни сили објавија дека руските сили ја гаѓале областа Днепропетровск со седум проектили и пет беспилотни летала „Шехид“.
Противвоздушната одбрана успеала да собори пет проектили и сите беспилотни летала, се наведува.
Градоначалникот на Днепро, Борис Филатов, прогласи ден на жалост за четврток. Тој рече дека се оштетени две училишта и три градинки.
Фрагменти од проектил паднале врз детската болница, а оштетени се уште две болнички згради. Оштетени се и деловни згради, соопштија властите.
Русија во последните месеци ги засили воздушните напади врз украинските градови.
Москва негира дека цели на цивили, иако илјадници се убиени откако Русија ја почна својата инвазија на Украина во февруари 2022 година.
Европа
Огромна количина оружје пристигнува во Украина од Америка
![](https://makfax.com.mk/wp-content/uploads/2024/07/raketi-ukraina.jpg)
Соединетите Држави ќе испратат на Украина нов пакет воена помош во вредност од дури 2,3 милијарди долари, потврди денеска американскиот секретар за одбрана Лојд Остин. Пакетот ќе вклучува клучни системи за противвоздушна одбрана, како и противтенковско оружје. Тоа е еден од највредните пакети за воена помош од почетокот на војната.
Потврдата за новиот пакет воена помош доаѓа во време кога ослабените и побројни украински сили се обидуваат да ја задржат руската офанзива, при што Русите во последно време често освојуваат села во источна Украина.
„САД наскоро ќе објават пакет воена помош во вредност од над 2,3 милијарди долари“, рече Остин на почетокот на средбата со неговиот украински колега Рустем Умеров.
„Пакетот ќе вклучува противвоздушни одбранбени системи за пресретнување на ракети, противтенковско оружје и разновидна критично потребна муниција. Сето ова ќе дојде од американските резерви“, рече Остин.
„Новиот пакет помош ќе им овозможи на САД да испратат повеќе противвоздушни ракети Патриот и НАСАМС, кои ќе бидат испратени по итна постапка“, додаде тој.
Умеров му се заблагодари на Остин за помошта, велејќи дека „благодарение на помошта на сојузниците, ќе ја запреме Русија и нејзината агресија“.
Америка е клучен сојузник на Украина во одбраната од руската агресија која трае речиси 2,5 години. Од почетокот на војната, САД испратија оружје и друга воена опрема во вредност од 51 милијарда долари.