Македонија
Кои политичари се фотографирани со криминалци од подземјето – од пријателства до случајни средби
![](https://makfax.com.mk/wp-content/uploads/2023/07/356802680_1014673326555499_7993125690441775137_n.jpg)
Последниве четири години стана правило по секоја мафијашка пресметка со убиство, во јавноста да испливаат фотографии од политичари со криминалците. Насмеани, многу често и прегрнати, македонските политичари и високи функционери имаат разни објаснувања за нивниот однос со криминалците.
Дали се работи за средби кои биле намерни или случајни? Некои од политичарите ја коментираат заднината на фотографиите, други не. Додека едни велат моментот е овековечен од заедничка средба со граѓани, други во минатото јавно проговорија за пријателствата, трети молчат.
Последна во низата вакви фотографии беше онаа на претседателот Стево Пендаровски со Орхан Бајрами-Оки, кој беше убиен викендов во Грција.
Ликвидираниот Оки ѝ е познат на македонската јавност како дел од мафијашкото подземје. Го сметаа за неформален лидер на групата „Дуќанџик“. Беше инволвиран во неколку вооружени инциденти, а познат е и за македонската полиција.
![](https://makfax.com.mk/wp-content/uploads/2023/07/pendarovski-1.jpg)
Орхан Бајрами-Оки со претседателот Стево Пендаровски
Од претседателскиот кабинет за „Макфакс“ посочија дека Пендаровски се фотографирал со сите што ќе побарале. Според нив, фотографијата е направена пред четири години за време на кампањата за претседателските избори. Прашани како може Пендаровски да биде во друштво на водачи на наркокланови, како што се сметаше Оки, тие рекоа дека безбедносни процени за лица што спонтано приоѓаат за фотографирање не се прават.
,Бајрами бил виден и во друштво со градоначалникот на општина Сарај, Блерим Беџети, кој е дел од огнената група на ДУИ. Фотографијата е направена во угостителски објект.
![](https://makfax.com.mk/wp-content/uploads/2023/07/оки-1.jpg)
Орхан Бајрами-Оки и градоначалникот на Сарај, Блерим Беџети
„Макфакс“ испрати прашање до Беџети дали се познавал лично со Бајрами и дали бил запознаен дека станува збор за лице од подземјето, но од таму до овој момент не е пристигнат одговор.
Пред убиството на Оки, во март годинава беше убиен негов близок пријател, Јетон Кривањева-Жила во Старата скопска чаршија. Слично како и убиството на Оки, и во случајот на Жила убиството беше извршено од неколку лица, кои со автоматски пушки влегоа во кафуле и пукаа.
Жила, исто како и Оки, важеше за еден од главните водачи на „Дуќанџик“, двајцата имаат многу заеднички фотографии.
![](https://makfax.com.mk/wp-content/uploads/2023/07/м1.jpg)
Шеваљ Муареми, Јетон Кривањева-Жила и Орхан Бајрами-Оки
![](https://makfax.com.mk/wp-content/uploads/2023/07/м2.jpg)
Јетон Кривањева-Жила, Шеваљ Муареми и Орхан Бајрами-Оки
По убиството на социјалните мрежи, осамна фотографија од Жила со претседателот на Собранието, Талат Џафери, во неговиот кабинет, а за чија заднина „Макфакс“ не доби одговор од кабинетот на Џафери.
![](https://makfax.com.mk/wp-content/uploads/2023/07/jeton-krivanjeva-zila-talat-dzaferi-960x696.jpg)
Јетон Кривањева-Жила и претседателот на Собранието, Талат Џафери
Фотографии се појавуваа и по убиствата поврзани со браќата Идризи.
На крстосница во Чаир со 80 куршуми беше убиен Камер Идризи, а само една година подоцна на истото место и неговиот брат Јонуз Идризи. Името Камер Идризи допре до јавноста откога стана извесно дека е едно од лицата врз кое беше пукано во хотелот „Александар палас“ во 2019 година.
Непосредно по убиството, повторно се појавија фотографиите. Вниманието беше насочено кон фотографија на Камер Идризи со тогашниот градоначалник на Бутел, Велимир Смилевски, но и со ексгенералниот секретар на Владата, Мухамед Зекири.
![](https://makfax.com.mk/wp-content/uploads/2023/07/37717157_228448467987721_8019936292303273984_n.jpg)
Камер Идризи и ексгенералниот секретар на Владата, Мухамед Зекири
Зекири тогаш не одговори на повиците за да каже од каде се познаваат со Идризи, а Смилевски рече дека биле другари цел живот.
Ексградоначалникот во таа пригода за „А1он“ рече дека не знае за неговиот бизнис, ниту разговарал за тоа. Се дружеле, рече Смилевски, а за разлика од коментарите во јавноста, каде што Идризи е преставен како „лице познато на полицијата“, градоначалникот рече дека не го познава како таков.
![](https://makfax.com.mk/wp-content/uploads/2023/07/44319745_294861988013035_6424480659099615232_n.jpg)
Камер Идризи и ексградоначалникот на Бутел, Велимир Смилевски
Прашан дали знае зошто Идризи бил убиен, градоначалникот на Бутел рече дека не знае.
„Сме разговарале за фамилијарни работи, се консултирал со мене, а за други работи – не. Тој главно работеше во ‘Комунална хигиена’ и беше контролор на трета смена, како внатрешна контрола. Од дете, од 17 години, мислам дека работеше таму“, рече тогаш Смилевски.
Во минатото не изостануваа ни фотографии од политичари со избеганиот Шеваљ Муареми, кој важи за познат наркобос од Грчец, а се споменуваше и во дел од бомбите.
Муареми, исто како и во случајот со Оки, Жила и со Идризи, се поврзуваше и со пукањето во „Александар Палас“ на крајот на 2019 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Без вода дел од општина Кисела Вода
![](https://makfax.com.mk/wp-content/uploads/2024/05/voda-chesma.jpg)
Од ЈП Водовод и Канализација известуваaт дека денеска поради изведување на водоводен приклучок на ул. Борис Трајковски 39, прекинато водоснабдување ќе имаат корисниците на дел од истата улица и ул. Иван Козаров.
Водоснабдувањето ќе биде прекинато од 08:00 часот до завршување со работните активности.( општина Кисела Вода ).
Македонија
Извлечено девојчето кое падна во дол над Струмица, има повреди на главата
![](https://makfax.com.mk/wp-content/uploads/2024/06/planina-akcija.jpg)
Шестнаесетгодишното девојчето кое падна во дол над Струмица е извлечено и во моментот се наоѓа во струмичката болница, соопшти директорот на Центарот за управување со кризи, Стојанче Ангелов.
Како што претходно информираа од ЦУК, девојчето вечерва паднало во дол кај манастирот Свети Илија над Струмица.
Случајот на 112 го пријавила мајката и известила дека нејзината ќерка има повреди на главата, но не ја знаела точната локација.
„По барање на операторите, и тинејџерката потоа се јавила на 112 и вознемирена раскажала за повредите, но не знаела да го посочи точното место на кое што паднала“, вели директорот на Центарот за управување со кризи, Стојанче Ангелов.
Операторите преку системот на 112 ја утврдиле точната локација, а спасувачките екипи веднаш излегле на терен, ја пребарале посочената локација и откако најпрво викајќи оствариле гласовен контакт со повреденото и исплашено лице набргу потоа успеале да ја најдат.
Македонија
Во тек спасувачка акција во Струмица: се извлекува 16-годишно девојче кое паднало во дол
![](https://makfax.com.mk/wp-content/uploads/2024/06/planina-akcija.jpg)
Спасувачките служби се обидуваат да извлечат 16-годишно девојче кое вечерва паднало во дол кај манастирот Свети Илија над Струмица.
Случајот на 112 го пријавила мајката и известила дека нејзината ќерка има повреди на главата, но не ја знаела точната локација.
„По барање на операторите, и тинејџерката потоа се јавила на 112 и вознемирена раскажала за повредите, но не знаела да го посочи точното место на кое што паднала“, вели директорот на Центарот за управување со кризи, Стојанче Ангелов.
Операторите преку системот на 112 ја утврдиле точната локација, а спасувачките екипи веднаш излегле на терен, ја пребарале посочената локација и откако најпрво викајќи оствариле гласовен контакт со повреденото и исплашено лице набргу потоа успеале да ја најдат.
Во моментот се работи на нејзино извлекување.