Македонија
ВМРО-ДПМНЕ по средбата со министрите за Европа: Уставни промени во околности на политички диктат не се прифатливи

Делегација на ВМРО-ДПМНЕ и парламентарните партии од Коалицијата за обнова на Македонија, денес оствари средба со висока делегација предводена од министрите за Европа на Сојузна Република Германија, Република Франција и Република Полска.
На средбата беше дискутирана актуелната општествено-политичка состојба во Македонија, особено во врска со пристапувањето на Македонија кон Европската унија во овие предизвикувачки времиња.
Од страна на претставниците на ВМРО-ДПМНЕ и Коалицијата беше истакнат недвојбениот став дека се залагаме за членство на Македонија во Европската Унија со силно зачуван и зајакнат идентитет, јазик, култура и вредности.
Претставниците подвлекоа дека остануваат на ставот дека уставни промени во околности на политички диктат од соседството не се прифатливи. Улогата на соседите треба да биде улога на поддршка на нашите европски интеграции, а не негирање на македонскиот национален идентитет, велат од опозициската партија.
„Опозицијата воопшто не беше вклучена во преговорите кои резултираа со ултиматуми и барања кои отстапуваат од европските вредности и принципи. Оттука, за да се заштити процесот на пристапување од билатерализација, односите мора да се базираат на Копенхагеншките критериуми со взаемна почит, поддршка и соработка“м, се истакнува од страна на ВМРО-ДПМНЕ.
Гостите, според соопштението биле информирани и за високото ниво на корупција во државата, за криминалот но високите ешалони во владата на СДС и ДУИ, како и за како што велат, катострофалните политики во секој сектор во државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Приведен прилепчанецот кој пукаше од балкон, се трага по уште едно лице

Приведен е 51-годишен прилепчанец од селото Црнилиште Општина Долнени поради пукање, а врз основа на видео споделено на „Фејсбук“.
Од МВР информираа дека во домот на 51-годишниот Џ.Ќ. во селото Црнилиште, прилепко, најдени се полуавтоматска ловна пушка, репетирачки карабин и полуавтоматски пиштол кои ги поседувал со дозвола, како и 395 куршуми различен калибар, 17 парчиња ловен патрон и еден ресивер поврзан на видеонадзор инсталиран во домот.
„Пронајдените предмети се одземени поради сомнение за предвизвикување општа опасност“, велат од МВР.
Со оглед на тоа што оружјето го поседувал со дозвола, привремено е одземено по што ќе следи постапка за одземање на дозволата.
Тој е приведен, а се преземаат мерки за пронаоѓање на неговиот син.
Македонија
Студено време со врнежи од дожд, а на повисоките места снег

Времето денес е претежно облачно и студено со врнежи од дожд, а на повисоките места од дожд и снег. На планините врнежите ќе бидат од снег. Ќе дува умерен до засилен северен ветер (наместа над 70 km/h).
Дневната температура ќе биде во интервал од 5 до 13 степени.
Во Скопје, облачно и студено со врнежи од дожд.
Попладне и во вечерните часови на повисоките делови од котлината врнежите ќе бидат од дожд и снег. Ќе дува умерен до засилен северен ветер. Дневната температура ќе достигне до 9 степени, јавува УХМР.
Македонија
Ледено невреме доаѓа кон Македонија: се очекува силен ветер, дожд, снег и минусни температури

Денешниот ден донесе вистинска пролет во Македонија и сончево време во најголемиот дел од земјата, но во наредните часови следува бурна промена на времето.
Моќен циклон во овој момент носи обилен снег и силен ветер во источна и североисточна Европа.
Снегот и бурните ветрови како дел од студениот фронт стигнаа до северот на Романија и Словачка.
Во исто време, во Македонија се уште е топло, температурата во Скопје е 14 степени, а за само неколку часа студениот фронт ќе ја намали температурата за повеќе од 10 степени за многу краток временски интервал.
Според информациите од Управата за хидрометеоролошки работи (УХМР) ќе има продор на студена воздушна маса од север, кој ќе предизвика значителна промена на времето.
Ќе преовладува претежно облачно време со врнежи од дожд, а на повисоките места од дожд и снег.
На планините врнежите ќе бидат од снег и ќе се формира снежна покривка од 10 до 15 сантиметри.
Ќе дува засилен северен ветер со брзина од над 70 километри на час и температурите значително ќе опаднат.
Во понеделник со засилен северен ветер наместа повремено ќе провејува слаб снег.
Потоа времето ќе биде стабилно и ветровито со утринските температури кои насекаде ќе бидат негативни и ќе се спуштат до минус 7 степени.
Кон крајот на следната недела се очекува постепен пораст на температурите.