Македонија
По 5.000 денари линеарно зголемени платите на административците во Град Скопје
![](https://makfax.com.mk/wp-content/uploads/2023/07/362305137_313495151017015_8039412992852838144_n.jpg)
Повисоки плати за 5.000 денари до крајот на годината ќе добијат административците од Град Скопје. Советот на Скопје го прифати амандманот за зголемување на платите предложен од советничката група на СДСМ во рамките на ребалансот на буџетот.
Секретарот на Град Скопје, Зоран Глигоров, го одби овој амандман, како и сите други на денешната седница, но Советот го изгласа.
Во согласност со одлуката, од ставката привремени вработувања се одземаат 12 милиони денари, кои се префрлаат во ставката основни плати. Со овие средства се обезбедуваат за 5.000 денари повисоки плати за 470 вработени во градската администрација, без јавните претпријатија и противпожарната служба.
![](https://makfax.com.mk/wp-content/uploads/2023/07/Малиша-Станковиќ.jpeg)
„Ќе помине месец дена и ќе видите дека од овие 5.000 денари што сега ги најавувате, вработените нема да видат ништо“, рече советникот Малиша Станковиќ
Советникот Малиша Станковиќ, од коалицијата ВМРО-ДПМНЕ – СПМ, за овој амандман ги обвини советниците од СДСМ за популизам и рече дека тој реално не може да се исполни.
„Јас сакам да им укажам на вработените во Град Скопје и на јавноста дека амандманот еве не е спорно, ќе го изгласаме, но тој не може да се примени. Законски не може да им се зголеми плата на сите подеднакво со одлукава на Совет. Јас тврдам дека нема да може да се реализира и дека вработените нема да добијат 5.000 денари плус, како што најавува СДСМ. Тоа сакам да го знаете и затоа кажувам дека СДСМ глуми популизам. Онаму каде што можат да интервенираат, а тоа е преку општиот колективен договор, таму не интервенираат и не ги покачуваат платите на сите во администрацијата подеднакво, а овде каде што не можат да интервенираат поднесуваат амандман кој што е популистички, а кој што е неостварлив. Еве ќе го изгласаме, ќе видите дека нема да може да се оствари. Зошто тоа не го кажуваат од службите не знам. Ќе помине месец дена и ќе видите дека од овие 5.000 денари што сега ги најавувате вработените нема да видат ништо. Ќе ги видат само оние 10 % со септемвриската плата кои им се во општиот колективен договор“, рече советникот Станковиќ.
Во реплика, советничката Љубица Јанчева од СДСМ објасни дека поднесениот амандман ќе подлежи на анализа.
„Нема ништо од популизам. Ние не тврдиме дека вака како што сме го поднеле ќе биде реализиран. Стои убаво во амандманот, кој го прочитал, дека ќе подлежи на соодветна анализа, што од сектор за финансии, што од правниот сектор“, објасни Јанчева.
Советот на Скопје на денешната сеница изгласа ребаланс на буџетот, кој сега изнесува 7 милијарди 503 милиони денари, односно зголемен е за 408 милиони 699 илјади денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Почина поранешниот пратеник на СДСМ, Миле Андонов
![](https://makfax.com.mk/wp-content/uploads/2024/06/pratenik.jpg)
На 62-годишна возраст, денес во Кочани, почина поранешниот пратеник од редовите на СДСМ, Миле Андонов.
Неговите сопартијци се збогуваа со него на социјалните мрежи.
„Сочувство до семејството, роднините и пријателите на трагично починатиот Миле Андонов, наш почитуван другар и сопартиец. Андонов даде значен придонес во развојот на Кочани, но и во политичко-економскиот живот во земјата, како пратеник во Собранието од редовите на СДСМ, но и како силен поддржувач на реформските процеси, на прогресивните, социјалдемократски политики. Нека почива во мир“, се наведува на страницата на СДСМ на „Фејсбук“.
Тој беше дипломиран економист, а во три мандати, во периодот од 2008 до 2016 година беше дел од пратеничката група на СДСМ.
Македонија
Парада на гордоста во Скопје под мотото „спектакуларно непослушни“
![](https://makfax.com.mk/wp-content/uploads/2024/06/parada-na-gordosta-skopje.jpg)
Под мотото „Спектакуларно непослушни!“ вечерва во Скопје се одржува петтата Парада на гордоста.
Учесниците се собраа во паркот „Жена-борец“, по што го почнаа протестниот марш низ градските улици кој завршувa на стадионот на АРМ во Градскиот парк со богата музичка програма.
Организаторите велат ова е еден ден кога ЛГБТИ луѓето можат да бидат видливи, свои и автентични.
Македонија
(Видео) Ковачевски: Владината Програма во делот на економијата е општа, без бројки за просечната и минималната плата
![](https://makfax.com.mk/wp-content/uploads/2024/06/thumbnail_Димитар-Ковачевски.jpg)
Во владината програма има неконзистентни делови и ставови. Што се однесува до економијата која е најзначајна за едно општество, најавите се општи, без конкретни бројки за зголемување на просечната и минималната плата, рече претседателот на СДСМ и пратеник во македонското Собрание, Димитар Ковачевски во денешното обраќање.
-Добро е што има продолжување на досегашните владини политики за поддршка на инвестициите и за македонските компании. За разлика од периодот до 2016 година кога од страна на ВМОР-ДПМНЕ беа поддржувани само странски компании. Но има неконзистентност во ставовите на ВМРО-ДПМНЕ да не се зголемува задолжувањето на државата. Сега кога заврши кризата несоодветно и неконзистентно е да се најавува зголемување за 8% на националниот долг на Македонија. Со каматите некаде на крајот на тој период ќе дојде до 10% зголемување на јавниот долг. Неконзистентност од јавно декларирање за не зголемување на долгот кон зголемување на долгот од 10% веднаш при доаѓањето на новата Влада, рече Ковачевски.
Во делот на инфраструктурата сите предложени елементи во делот на програмата се продолжување на сите стратешки проекти на досегашната Влада предводена од СДСМ, додаде Ковачевски.
-Тука пред се мислам на Коридорот 8 и Коридорот 10Д коишто исто така од ВМРО-ДПМНЕ беа квалификувани како криминални проекти, изведувачите беа квалификувани како криминални организации. Дури како што ја читам програмата провејува дека ќе им бидат доверени и други проекти, додаде Ковачевски.
Во однос на персоналниот состав на Владата, Ковачевски посочи дека од сегашното владино мнозинство беа искажувани негативни лични квалификации за луѓе кои сега се предложени за министри, како што е примерот со Таравари.
-Укажав на тројца пратеници дека давање лични квалификации не е добро. Со оглед на тоа дека господинот Таравари беше најнапаѓан за политичка корупција. Им укажав дека неговата политичка траекторија имплицира дека еден ден ќе треба да гласаат за него. Сега доаѓа тој ден кога ВМРО-ДПМНЕ ќе треба да гласа за Таравари за министер за здравство, рече Ковачевски.