Регион
Уште една војска во регионот нагло се зајакнува: во план се три големи набавки
Словенечката армија во следните три години ќе набави шест нови хеликоптери, систем за противвоздушна одбрана, дополнителен транспортен авион „спартан“ и 106 оклопни борбени возила „8х8“.
Потребни се дополнителни средства за изградба на средна баталјонска група и извидувачки баталјон, соопшти денеска словенечкото Министерство за одбрана и тврди дека цената на набавката на борбени возила на тркала е намалена за речиси половина милијарда евра, пренесува порталот „24 УР“.
Според извештаите, набавката на оружје е дел од претходното ветување дека армијата на земјата ќе биде модернизирана до 2026 година.
При купувањето на „спартан“, наместо 87.844 евра, владата ќе издвои 159.030 евра, а оваа промена е резултат на одлуката за набавка на дополнителен авион „спартан Ц-27К“.
Словенија во моментот нема сериозен систем за противвоздушна одбрана, освен рачни ракетни фрлачи, набавката на нов ќе чини најмалку 200 милиони евра, а според порталот, Словенија е многу блиску до договор за купување на германскиот систем „Ирис-Т“.
Исто така, се додава дека Словенија развива нов дрон, противвоздушен пиштол на далечински управувач и митралез. Во меѓувреме, сакаат да ја подобрат мобилноста на словенечката армија со набавка на повеќенаменски воени хеликоптери, а некои хеликоптери би поддржале единица за специјални операции, лесен хеликоптерски транспорт, потрага и спасување.
Почетната вредност на новите хеликоптери, кои имаат намера да ги купат по 2028 година, а кои покрај конкретни воени задачи ќе бидат наменети и за двојна употреба, изнесува 195 милиони и 200.000 евра. Истовремено, владата го заврши и проектот за набавка на 45 борбени возила на тркала „8х8 бокер“ (БКВ) во вредност од над 412 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Регион
Силен земјотрес во Грција
Земјотрес со јачина од 4,6 степени според Рихтеровата скала ја погоди јужна Грција, објави ЕМСЦ.
Земјотресот е регистриран на 44 километри од Пиргос, на длабочина од 20 километри.
Во близина е островот Закинтос.
Засега нема информации за повредени или материјална штета.
#Earthquake (#σεισμός) confirmed by seismic data.⚠Preliminary info: M4.6 || 41 km S of #Pýrgos (#Greece) || 3 min ago (local time 15:18:15). Follow the thread for the updates👇 pic.twitter.com/7n5aGlNhsu
— EMSC (@LastQuake) September 28, 2024
Регион
(Видео) Невреме во Словенија: по обилните дождови се излеа река, поплавени патишта, подруми и ниви
Реката Соча и нејзините притоки на запад од Словенија се излеаjа по обилните дождови во областа Бовец и поплавија патишта, подруми и ниви, јавија денеска словенечките медиуми.
Противпожарните служби евакуирале 30 лица откако одрон го блокирал патот во градот Лепена, јавува агенцијата СТА.
Едно лице е повредено при отстранување на паднато дрво во општина Толмин.
Дирекцијата за цивилна заштита и помош при катастрофи соопшти дека пожарникарите цела ноќ ја испумпувале водата од подрумите и ги отстранувале паднатите дрвја од коловозите.
Во западните делови на земјата врнежите се ослабени од четвртокот навечер, а невремето денеска го зафати и источниот дел на Словенија.
Најголемо количество врнежи се регистрирани во Бохињ и Посочје, објави порталот Метеоинфо.
Рекордни врнежи за Словенија се забележани во Вогел кај езерото Бохињ, при што за 24 часа наврнале 378 литри дожд на метар квадратен.