Свет
Почина првиот и најпознат хакер во светот, Кевин Митник: основа компанија за сајбер-безбедност
По долга борба со ракот на панкреасот, на 59-годишна возраст почина Кевин Митник. Некогаш кошмар за администраторите на компјутерските системи на американската влада, подоцна угледен експерт за сајбер-безбедност.
Митник беше еден од првите хакери што го прекршија законот. Роден е на 6 август 1963 година во Ван Најс, предградие на Лос Анџелес, а уште од мал покажал голем интерес за технологијата и компјутерите и бил еден од првите хакери што стекнале меѓународна слава.
Тој беше уапсен во 1995 година по двегодишна потера од страна на ФБИ. Федералните власти во САД го обвинија за низа хакерски активности, вклучително и нелегален пристап до воени и корпоративни мрежи.
Меѓу другото, Митник беше обвинет дека украл тајни податоци од компјутерите на поголем број фирми, при што им нанел голема материјална штета. Тој беше осуден на пет години затвор. Иако првично негира сè, на крајот се изјасни за виновен по седум обвиненија. Осум години му беше забрането да користи компјутер, мобилен телефон или кој било уред што може да се поврзе на интернет.
Кога мерката беше укината во 2003 година, тој ја основа консултантската фирма за сајбер-безбедност „Митник секјурити консалтинг“ ставајќи ги своите вештини за хакирање компјутер на правната страна. Тој беше признат експерт за сајбер-безбедност и автор на неколку книги за хакирање и компјутерска безбедност.
За него првпат се слушна во 1979 година кога упадна во системот на Digital Equipment Corporation (DEK) повикувајќи го администраторот на телефон и убедувајќи го дека е еден од менаџерите на кои системот не им дозволува пристап. Администраторот веднаш му креирал профил и му дал лозинка, која Митник ја споделил со колегите хакери, кои го предизвикале да упадне во DEK. Тој беше обвинет за отштета од 160.000 долари.
Кевин Митник често е цитиран за хакирање и безбедност. Една од неговите најпознати изјави гласи:
„Само затоа што не можете да видите нешто, не значи дека тоа не може да ве убие“.
Оваа изјава обично се толкува како предупредување за скриени закани во светот на сајбер-безбедноста, каде што најопасните напади доаѓаат од неочекувани агли и извори, кои на прв поглед изгледаат безопасни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Израел бомбардираше јеменско пристаниште, објавена снимка
Израелските воздухопловни сили извршија серија воздушни напади врз пристаништето Ходеида во западен Јемен.
„Израелски борбени авиони извршија серија напади врз пристаништето Ходеида, се слушнаа пет силни експлозии“, изјави извор за руската новинска агенција РИА Новости. Според информациите објавени од агенцијата, во пристаништето избувнал голем пожар.
Снимки од нападите циркулираат на социјалните мрежи.
— Video X (@videoxtr) September 16, 2025
Израелската војска ги потврди нападите, велејќи дека тие биле извршени како одговор на ракетен напад од страна на движењето Ансар Алах (Хути). Минатата недела, израелските сили го бомбардираа јеменскиот главен град Сана и северозападната покраина Ал-Џаф.
Израелскиот министер за одбрана Израел Кац изјави дека нападот врз пристаништето Ходеида во Јемен имал за цел да продолжи „морската и воздушната блокада на терористичката организација Хути“.
„Терористичката организација Хути ќе продолжи да прима удари и ќе плати болна цена за секој обид за напад врз Државата Израел“, додаде тој.
Свет
АП: ИДФ проценува дека има до 3.000 милитанти на Хамас во градот Газа
Израелски воен претставник, анонимно зборувајќи за Асошиејтед Прес (АП), изјави дека „главната фаза“ од операцијата во градот Газа започнала, при што трупите се движат од периферијата на градот кон неговиот центар. Воздушните напади го напаѓаат градот Газа веќе некое време како подготовка за операцијата, уривајќи облакодери во градот, објави АП.
Службеникот рече дека израелската војска проценува дека има приближно 2.000 до 3.000 милитанти на Хамас во градот Газа, како и тунели што ги користи милитантната група. Воените капацитети на Хамас се сериозно намалени за време на речиси двегодишната војна и сега главно извршува герилски напади, при што мали групи борци поставуваат експлозиви или напаѓаат воени позиции пред да се повлечат.
Свет
ЕУ го повика Израел да ја прекине офанзивата во Газа
Европската Унија денес го повика Израел да ја запре копнената инвазија на северна Газа. „Офанзивата ќе доведе до поголемо уништување, повеќе смртни случаи и поголемо раселување“, изјави портпаролот на Европската комисија, Ануар Ел Ануни. „Тоа исто така ќе ја влоши веќе катастрофалната хуманитарна ситуација и дополнително ќе ги загрози животите на заложниците“.
Шефицата за надворешна политика на ЕУ, Каја Калас, утре ќе презентира предлози до националните парламенти за зголемување на притисокот врз Израел во врска со неговата воена кампања во Газа, објави АП.
Замрзнување на средства за Израел
Минатата недела, претседателката на Европската комисија, Урсула фон дер Лајен, изјави дека ќе побара одобрение од земјите-членки на ЕУ за нови санкции против крајнодесничарските израелски екстремисти и делумно суспендирање на трговскиот договор со Израел.
Таа, исто така, изјави дека ќе замрзне милиони евра што извршната власт на ЕУ ги доделува на Израел, што нема да бара одобрение од сите земји-членки.
фото: принтскрин
„Ќе бидеш моја или ќе бидеш мртва“ – Росица сведочела за заканата од Илија кој подоцна ја уби
Обвинителството го објави записникот од испитувањето на Росица Коцева (31) од Велес, даден на 9 септември годинава, само неколку дена...
Јас не сум од вчера во политиката, Левицата фрли гума за спасување на ДУИ со кандидатите во Струга, Гостивар и во Тетово, вели Мицкоски
Партијата Левица предложи кандидати за градоначалници во Струга, Гостивар и во Тетово само за да ги раслои анти-ДУИ гласовите во...
Обвинителството испитува одговорност за големиот пожар во Трубарево, утре увид на терен
Утре, ќе почне увидот на самото место за причините за големиот пожар во Трубарево. Увидните екипи ќе работат под координација...
Подметнување пожар ќе биде тероризам, а фрлање отпад на недозволени места ќе се казнува со затвор над пет години, Мицкоски најави итни законски измени
Премиерот Христијан Мицкоски, денес, при посетата на Јегуновце најави законски измени со кои најстрого ќе се казнува подметнување пожар и...
Идентификувани 20 лица осомничени за подметнување пожари во Скопје
Премиерот Христијан Мицкоски денес изјави дека дваесетина лица се идентификувани како осомничени за серијата подметнати пожари во Скопје. Според него,...
Пред убиството Росица го пријавувала Стефановски за насилство и непочитување на забраната за приближување, го запалил и автомобилот на татко ѝ
Против Илија Стефановски, осомничен за убиството на Росица Коцева (31) и на татко ѝ Киро Коцев (68) во Велес, претходно...
Намалена активната транспарентност на Владата и на министерствата, најмалку информации има за финансиите, објави Центарот за граѓански комуникации
Центарот за граѓански комуникации го објави редовното годишно рангирање на институциите според Индексот на активна транспарентност, односно според активното објавување...
Синоќа повторно предизвикан пожар на „Дрисла“
Синоќа, пред 23 часот, повторно беше предизвикан пожар на депонијата „Дрисла“, на сосема друго место, подалеку од местото што беше...
Рубио: Трамп е единствениот лидер што може да разговара со Русија, Украина и со Европа
Американскиот претседател Доналд Трамп би можел да се сретне со украинскиот лидер Володимир Зеленски следната недела во Њујорк, објави американскиот...
„Марш за ангелите” во Кочани и мирен протест во Скопје: шест месеци од трагедијата во дискотеката „Пулс“
Денеска се навршуваат шест месеци од трагедијата во дискотеката „Пулс“ во Кочани, во која животот го загубија 62 млади лица....
Изгаснат тежок пожар пред Пинтија, под контрола се пожарите на „Дрисла“ и во Трубарево, активен пожарот на Кожуф
Рано утрово пред 4 часот избувна тежок пожар во сервис за возила пред Пинтија (над „Стакларата“ на местото наречено Каменик)...
Мицкоски треба да одговара за ширење страв и паника по признанието на Тошковски дека нема центри на моќ зад пожарите, велат од СДСМ
Панче Тошковски во интервју призна дека нема осомничени дека одреден центар на моќ влијаел да се подметне пожарот во Трубарево...
Зеленски до Трамп: Покажете јасен став и сопрете го Путин
Украинскиот претседател Володимир Зеленски го повика Доналд Трамп да заземе јасна позиција за да го запре Владимир Путин и да...
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
Повреден 18-годишник, велосипедист во Чаир испукал кон него неколку куршуми и избегал
Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено...
