Свет
Пожари на југот на Италија, температурите до 48 степени: Климата станува тропска
![](https://makfax.com.mk/wp-content/uploads/2023/07/пожар-италија.jpg)
Пожарникарите денеска се борат со шумските пожари во јужниот италијански регион Калабрија, бидејќи метеоролозите предупредуваат дека температурите ширум земјата повторно ќе се зголемат во наредните денови. Пожарите горат во шумите и ниската вегетација низ најјужниот континентален регион на Италија. Минатата недела таму температурите беа над 40 степени.
Поради пожарот, повикано е засилување од Кампанија и Лацио, како и од сицилискиот град Месина. Топлотен бран го погоди југот на Европа за време на шпицот на туристичката сезона, соборувајќи ги температурните рекорди. На грчкиот остров Родос, пак, шумски пожар принуди илјадници туристи да се евакуираат, а жителите да се засолнат во училиштата и стадионите.
Метеоролозите предупредуваат дека во понеделник на југот на Италија, островите Сицилија и Сардинија ќе пристигнат екстремни горештини до 48 степени, по што температурата ќе се спушти на нормалното летно ниво. Италија е една од европските земји најпогодени од климатските промени.
Во мај беше погодена од разорни поплави. Северните делови на Италија, исто така, беа погодени од екстремни временски услови во последните денови. Во вториот по големина италијански град Милано се појави торнадо, а североисточниот дел на земјата го зафати град и бурни ветрови.
„Нашата клима станува се потропска, менува сè и има директно влијание врз економијата“, изјави министерот за економија Жилберто Пичето за весникот Ла Република.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Запалена куќата на вујкото осомничен за убиството на 11-годишното девојче во Грција
![](https://makfax.com.mk/wp-content/uploads/2024/06/3904361_stric_ls-1.jpg)
Куќата на вујкото, кој е осомничен за убиство и обид за силување на 11-годишното девојче во Грција, вчера пред нејзиниот погреб била опожарена.
Објектот бил запален неколку минути пред погребот на малата Василика која исчезна во неделата, а нејзиното тело со бројни повреди беше пронајдено во понеделникот на нива, пренесуваат медиумите во регионот.
Осомничениот за убиството признал дека сакал да има односи со девојчето, но кога таа го одбила и се заканил дека ќе им каже на родителите и ја избодел со шрафцигер и и го фрлил телото во поле.
Локалните медиуми јавуваат дека група непознати лица фрлиле факели кон домот на вујкото, а се верува дека станува збор за чин на одмазда за бруталната смрт на девојчето.
Пожарникарите брзо пристигнале на местото на настанот и го локализирале пожарот, а како што се наведува, во куќата во моментот на нападот не биле членовите на семејството на осомничениот, бидејќи претходно го напуштиле селото, стравувајќи дека може да се случи такво нешто.
Според написите, бројни членови на семејството на убиената девојка и нивни пријатели сакале да го линчуваат осомничениот додека тој вчера беше донесен во обвинителството да даде исказ. На крајот, обвинителот мораше да оди во притворското одделение за да го сослуша осомничениот.
Свет
Г7 испраќа 50 милијарди долари профит од замрзнатите руски средства во Украина
![](https://makfax.com.mk/wp-content/uploads/2024/06/677z381_g7.jpg)
Г7 постигна договор да и обезбеди на Украина 50 милијарди долари до крајот на годината користејќи ги добивките од замрзнатите руски средства, соопшти француското претседателство.
Во вторникот беше најавено дека Г7 ќе создаде фонд за поддршка на Украина користејќи ги приходите од замрзнатите руски средства, потсетува „Киев Индипендент“.
Фондот наводно ќе биде создаден во рамките на меѓународна организација како што е Светска банка, со придонеси во форма на заеми за „извонредно забрзување на приходите“.
Додека западните земји замрзнаа руски средства од 300 милијарди долари, тие можат да пристапат само до приходот генериран од овие средства, приближно 3,2 милијарди долари годишно.
Со формирање на фонд за заем што ќе се отплаќа со користење на овој приход, земјите можат да понудат непосредна поддршка на Украина над оваа сума.
Француски функционер, цитиран од медиумите, предупреди дека „ако поради некоја причина незамрзнатите руски средства или приходите од руските средства не се доволни за финансирање на заемот, тогаш ќе треба да се размисли како да се сподели товарот на тој заем“.
САД предложија целосна конфискација на руските средства во согласност со неодамна усвоениот РЕПО акт, додека ЕУ се двоумеше, плашејќи се од правни и фискални замки како последица на таа конфискација, пишуваат медиумите.
Свет
(Видео) Солзавец и водени топови на протестите во Буенос Аирес: илјадници луѓе излегоа на улиците против реформите на владата
![](https://makfax.com.mk/wp-content/uploads/2024/06/3905508_hapsenje_ls.jpg)
Илјадници луѓе излегоа на улиците на Буенос Аирес за да протестираат против реформите на владата.
Протестите беа организирани недалеку од националниот конгрес како одговор на реформите предложени од претседателот на Аргентина, Хавиер Милеи.
Demencia total lo que está pasando. La policía bloquea el acceso a sus viviendas a los vecinos. Intentó pasar a su casa, le tiraron gas pimienta y se lo llevaron detenido. Un policía tapa con la mano para que no filmen pic.twitter.com/OLGdjTRdqQ
— Arrepentidos de Milei (@ArrepentidosLLA) June 12, 2024
Протести организираа левичарски партии и групи, како и синдикати кои се противат на предложените измени во различни сегменти.
Опозицијата е особено силна кога е во прашање приватизацијата, можното укинување на фондот за поддршка на просветните работници, како и уредбите со кои ќе се поедностави процесот на отпуштање работници.
Горниот дом на парламентот синоќа до доцна во ноќтаго разгледуваше предлог-законот за реформи.
Пратениците прво ќе гласаат за законот во целина, а подоцна и за секоја одредба посебно.