Македонија
Спасивме четири животи и испишавме историја во македонското здравство: Меџити во посета на државната Кардиохирургија
![](https://makfax.com.mk/wp-content/uploads/2023/07/kardiohirurgija-poseta-fot.3-1.jpg)
Министерот за здравство, д-р Фатмир Меџити, денес ја посети Клиниката за државна кардиохирургија, каде што е хоспитализиран пациентот кој пред пет дена доби нова шанса за живот по извршената трансплантација на срце.
Четириесетгодишниот пациент од Скопје, во чии гради сега чука ново срце благодарение на хуманоста на едно семејство, во моментот се наоѓа во стабилна здравствена состојба.
Министерот Меџити изрази голема благодарност до лекарскиот тим и до семејството на дарителот, кое го препознало органодарителството како највисок акт на хуманост.
„Сведоци сме на еден историски чин во македонското здравство, првпат од еден донор беа експлантирани четири органи и четири пациенти добија шанса за поквалитетен живот. Сите пациенти во моментот се стабилни и сакам да изразам огромна благодарност како до хуманото семејство на дарителот така и до сите здравствени работници. Нашите здравствени работници се големи професионалци, кои безрезервно се заложија и успеаја да спасат четири животи“, истакна министерот Меџити.
Министерот Меџити потенцира дека се гордее на овој значаен успех во македонското здравство и на сите пациенти им посака брзо и лесно закрепнување. Мeџити ги охрабри здравствените работници да продолжат посветено да работат и да се борат за квалитетен живот за секој пациент.
„Свеста за органодарителството расте и сè повеќе семејства се одлучуваат да ги донираат органите на своите блиски во време на голема тага кога губат свој близок. Овие луѓе ја заслужуваат нашата најголема почит“, истакна министерот Меџити.
Од 2020 година досега имало вкупно 19 донори на органи, а од нив се трансплантирани 34 бубрези, три црни дроба, направена e 21 експлантација на коскени ткива и извршена е трансплантација на девет срца, со што е направен значаен напредок во здравствениот систем.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
ЦУК: Невреме и штети во Светиниколско и Неготинско
![](https://makfax.com.mk/wp-content/uploads/2024/06/Screenshot-2024-06-26-090447.jpg)
Центарот за управување со кризи информира дека имало вкупно 2.281 повици на единствениот повикувачки број за итни случаи 112 во последното деноноќие.
Биле добиени пријави за настанати штети од невремето во непосредна близина на с.Кадрифаково.
Според ЦУК, од поројниот дожд и големата количина вода што надошла бил поплавен надвозникот кај с.Кадрифаково, при тоа на самиот регионален пат Штип – Свети Николе имало насобрано големо количество гранки, ѓубре, наноси од кал и песок, а имало и оштетување на патот од поројната вода, при што била направено голема дупка.
„На лице место беа екипа од полицијата – ПС Свети Николе, ЈП за одржување и заштита на магистрални и регионални патишта, пожарникарите од ТППЕ Свети Николе, а и од ЦУК – раководителот на РЦУК Свети Николе се додека последиците од невремето беа веднаш расчистени.
На 112 е добиена и пријава од гром во Неготино, по што на улица „Пано Калајџиски“ и околината, имаше прекин на електрична енергија и штети на уништени апарати во домаќинството како последици од громот. Екипите на „ЕВН Македонија“ веднаш реагираа на лице место и го отстранија дефектот“, соопштија надлежните.
ЦУК информира и за четири пожари на отворено и неколку помали интервенции во последното деноноќие.
Пожари имало спроти касарната Прилеп (горела ниска вегетација), во Струмица – на вливот на брана „Водоча“ (горела борова шума), во Валандово кај Анска Река на месноста „Мичкин Мост“ (горела ниска вегетација) и кај Млекара Тетово (каде што горела ниска вегетација).
Според УХМР, до петок ќе се задржи променливо облачно и нестабилно време. На повеќе места ќе има појава на невреме со обилен пороен дожд за кратко време, грмежи, силен ветер (над 60 км/час) и на места град. Затоа на граѓаните се препорачува на внимателност пред и за време на локалните метеоролошки нестабилности.
Македонија
На Табановце за влез во Македонија се чека околу 15 минути
![](https://makfax.com.mk/wp-content/uploads/2022/07/18072022_Tabanovce_Otvoren-Balkan_novi-zeleni-koridori_3.jpeg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен.
На ГП Табановце се бележи зголемена фреквенција на возила, времето на чекање за влез во Македонија е околу 15 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Дел од Скопје без струја и вода
![](https://makfax.com.mk/wp-content/uploads/2023/07/DSC_4799.jpg)
Регионалниот центар за управување со кризи на Град Скопје, ги известува граѓаните дека, поради технички зафати во електро дистрибутивната мрежа, од 09:00 до 14:30 часот, без електрична енергија ќе останат, корисниците од населените места: Дивље, Сушица и Катлановска Сушица. (Општина Петровец)
Регионалниот центар за управување со кризи на Град Скопје исто така ги известува граѓаните дека
• поради отстранување дефект на водоводна мрежа со пречник од ф- 500 мм на Бул. Кочо Рацин (спроти Олимписки Базен), од 08:00 часот до завршување на интервенцијата, прекинато водоснабдување ќе имаат корисниците од: Бул. Кочо Рацин (потегот од ул.11-ти Октомври до Кеј 13-ти Ноември), ул. Тетовска, ул. Стив Наумов, дел од ул. Раде Јовчевски Корчагин, како и објектите на Амбулантата на МВР, Полициската станица – Пролет и ресторанот Ла Тана. (Општина Центар)
• поради изведување на водоводен приклучок ф – 80 мм на ул. 852 бб (кај Салонот Мерцедес), од 09:00 часот до завршување на интервенцијата, прекинато водоснабдување ќе имаат корисниците од зградите на ул. 852. (Општина Гази Баба)