Свет
Ким Џонг Ун му покажа на Шојгу забранети балистички ракети
Рускиот министер за одбрана Сергеј Шојгу се сретна во Пјонгјанг со севернокорејскиот лидер Ким Џонг Ун, кој го однесе на изложба на оружје.
Меѓу другото, на изложбата беа претставени и забранетите балистички ракети на Северна Кореја. Ракетите со нуклеарен капацитет се забранети со резолуциите на Советот за безбедност на ОН усвоени со поддршка на Русија и Кина.
Ким Џонг Ун им го покажа на рускиот министер Сергеј Шојгу и на членовите на руската воена делегација најновото севернокорејско оружје, вклучително и забранетите интерконтинентални балистички ракети во камуфлажа и со ознаки на борбените единици, нивните мобилни фрлачи, како и тенкови и оклопни возила.
Станува збор за „Изложба на оружје – 2023“ спонзорирана од Министерството за одбрана на Северна Кореја по повод 70-годишнината од победата во Големата патриотска војна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Министерството за одбрана на Русија: поради мито, уапсен истакнат руски генерал
Шефот на главната кадровска управа на Министерството за одбрана на Русија, Јуриј Кузњецов, е уапсен под сомнение дека примил големо мито, изјави официјалниот претставник на Истражниот комитет на Русија, Светлана Петренко.
„Главната истражна управа на Истражниот комитет на Русија покрена кривична постапка против шефот на кадровската управа на Министерството за одбрана на Русија, Јуриј Кузњецов. Тој е осомничен за примање голем поткуп“, рече Петренко.
Според информациите на истрагата, Кузњецов во периодот 2021-2023 година кога бил на чело на Осмата управа на Генералштабот примил поткуп од претприемач „за извршување одредени дејствија во нивна корист“.
При претресот кај генералот биле пронајдени пари во вкупен износ од над 100 милиони рубљи во различни валути (околу милион долари), златници, колекционерски часовници и луксузни предмети.
На Кузњецев судот му определи мерка притвор.
Медиумите потсетуваат дека во април беше уапсен заменик министерот за одбрана на Русија, Тимур Иванов под сомнение дека примил поткуп, пренесува Спутник.
Свет
Во Индија падна огромен билборд, загинаа 14 лица
Најмалку 14 лица загинаа, а 75 други се повредени откако врз нив падна билборд поголем од олимписки базен за време на невремето во индискиот финансиски центар Мумбаи, соопштија властите во вторникот.
Видео снимката од понеделникот покажа дека билбордот се тресе од ветрот пред да удри во куќи и бензинска пумпа до прометниот пат во источното предградие Гаткопар. Градот го зафати невреме што го запре патниот сообраќај и летовите на авионите.
Локалните власти соопштија дека најмалку 75 повредени лица се пренесени во болница по несреќата и дека 31 оттогаш се пуштени.
Агенцијата во чија сопственост е билбордот немала дозвола од надлежните да го постави, соопшти локалната власт. Панелот беше околу 1.300 квадратни метри, што е девет пати повеќе од максималната дозволена големина. Агенцијата доби наредба веднаш да ги отстрани сите свои билборди.
„За да не се повторат вакви несреќи, наредена е структурна проверка на сите складишта во Мумбаи за веднаш да се отстранат опасните“, рече Екнат Шинде, шеф на државата Махараштра.
Околу 25 лица се уште се заробени под билбордот, а акцијата за спасување продолжува, успорена од близината на бензинската пумпа.
Регион
Бебе најдено во контејнер во близина на Загреб
Новородено бебе кое синоќа беше пронајдено во Запрешич кај Загреб завиткано во ќебе и фрлено во контејнер е надвор од животна опасност, потврдија за „Индекс“ од загрепската полиција.
Полицијата пријавата ја добила околу 23 часот. Новороденчето е пренесено во болница во Загреб.
„Новороденчето било донесено во КБСД околу полноќ. Тој е во добра физичка состојба, со редовни витални функции и без знаци на надворешни повреди“, велат од болницата.
Според првите информации, на местото каде што е пронајдено бебето имало и 15-годишно дете, кое побарало помош од минувачите, но полицијата ја демантираше оваа информација.
Полицијата се уште го истражува случајот и продолжува со утврдување на околностите и идентитетот на мајката.