Спорт
Хулигани со пиштоли им се заканувале на фудбалерите на Велез Сарсфилд
По поразот од Хуракан, хулиганите на Велез Сарсфилд ги нападнаа играчите и им се заканија дека ќе им пукаат во нозете.
Хулиганите на аргентинскиот Велез Сарсфилд му го распипаа прошталниот натпревар на легендарниот дефанзивец, Диего Годин.
Револтирани од поразот против Хуракан (0:1), тие ги чекале фудбалерите да се вратат во тренинг-центарот.
„Пристигнавме на стадионот да си ги земеме автомобилите и да си одиме дома. Беше темно кога дојдоа автомобилите на Бар Брава (навивачката група на Велез). Беа пет- шестмина“, изјави напаѓачот на Велез, Џанлука Престиани за И-ес-пи-ен.
„Двапати ме удрија по лицето. Бев премногу исплашен, а моите соиграчи не сакаа да си одат дома од страв дека некој нема да ги следи. На еден од нив му рекоа: „Излези од автомобилот или ќе ти пукаме двапати во нозете“.
Закани добил и Леонардо Хара, поранешниот дефанзивец на Бока Јуниорс.
-„Застана со автомобил пред мене, сакаа да излезам од мојот автомобил и рекоа дека ќе ми пукаат во нозете“, изјави Хара за локалното радио.
Локалните медиуми јавуваат дека играчите одлучиле да не поднесат пријави во полиција, но добиле покана да дадат изјави кои ќе помогнат во истрагата. Тренерот Себастијан Мендез го информира раководството дека тимот нема да се врати на тренинзите додека не им биде гарантирана безбедноста на играчите.
Велез со само пет победи во 27 натпревари, по поразот во последното коло од аргентинската лига се наоѓа на 25. место на табелата од 28 клубови.
Но само последниот испаѓа од лигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.