Спорт
Кансело се договорил со Барселона, се чека одговорот од Манчестер сити
![](https://makfax.com.mk/wp-content/uploads/2023/08/download-1.jpg)
Барселона очекува сериозен финансиски прилив во моментот кога ќе се официјализира трансферот на Усман Дембеле во Пари Сен Жермен. Во меѓувреме, се чини дека Каталонците го најдоа своето следно засилување.
Шпанските медиуми објавија дека клубот постигнал договор со Жоао Кансело и дека Португалецот е подготвен да го засили клубот од „Ноу Камп“.
Сега Барселона треба да го најде моделот по кој ќе го заклучи овој трансфер. Наводно Барселона прво сака да го позајми Кансело, па во текот на сезоната да се разговара за неговиот конечен статус.
Последниот збор ќе го има Пеп Гвардиола, со кого Кансело не е во најдобри можни односи, меѓу другото и поради тоа вториот дел од минатата сезона го мина на позајмица во Баерн.
Клубот од Минхен не сакаше да го купи, па Кансело се врати во Манчестер и го чека исходот од преговорите меѓу „граѓаните“ и шпанскиот тим.
Репрезентативецот на Португалија има договор со Сити до летото 2027 година, според „Трансфермаркт“, тој се проценува на 50.000.000 евра, но Барселона во моментов не е подготвена да потроши толку пари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
![](https://makfax.com.mk/wp-content/uploads/2024/06/12327019.jpg)
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
![](https://makfax.com.mk/wp-content/uploads/2024/06/12326963.jpg)
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.