Македонија
(Видео) Стоилковски: Ковачевски наметнува нови даноци, Фрчкоски не му враќа 4 милиони долари, а нема санкција
Ниту Бујар Османи ниту Димитар Ковачевски не одговори каде се 4 милиони долари од поделбата на имотот на поранешна Југославија што ѝ припаднаа на Македонија? Зошто Фрчкоски не ги враќа парите во буџетот? Дали ќе се санкционира ваквото однесување на Фрчкоски во моменти кога Ковачевски воведува нови даноци поради празната државна каса, а Фрчкоски не враќа 4 милиони долари, прашува портпаролот на ВМРО-ДПМНЕ Наум Стоилковски.
Ова, како што вели е огромен скандал.
„Недозволиво е два дена да нема одговор зошто Љубомир Фрчкоски не ги префрла 3 милиони и 400 илјади американски долари од сметката на Постојаната мисија на Македонија при ОН во државниот буџет? За потсетување, 3,4 милиони веќе се префрлени на сметка на Мисијата на Фрчкоски, а се очекуваат уште 600 илјади американски долари“, додава Столковски.
Османи и Ковачевски, вели тој, мора да одговорат дали во декември лани и во јуни годинава испратиле инструкции до Фрчкоски парите да бидат префрлени во државниот буџет?
„Османи и Ковачевски мора да одговорат зошто е потребно дури на два пати, декември и половина година потоа, во јуни годинава по втор пат да праќаат исти инструкции амбасадор да врати пари од сметка во буџетот? Дали Фрчкоски одбива соработка со министерството и со владата? Дали е тоа дозволено самоволие и непочитување на инструкции од Фрчкоски – парите не ги префрла во буџетот на државата, тоа одбива да го направи и ги држи на сметката на Мисијата.
Мора да се знае какви инструкции има амбасадорот Фрчкоски за трошење на државните 4 милиони долари? За што се планирани овие пари, дали воопшто се планирани ако се бараат во буџетот, или на повидок е потенцијална матна зделка? И најважното прашање – зошто Димитар Ковачевски молчи за скандалот, ако не бил информиран, сега веќе би требало да знае за сето ова“, додава портпаролот на ВМРО-ДПМНЕ.
Прашува дали Македонија ќе доживее уште еден скандал од транзицискиот политичар, којшто веројатно смета дека како амбасадор може да не почитува инструкции и на сметка на Мисијата да присвои пари на граѓаните на Македонија, за можни матни зделки практикувани во 90-тите години како на пример за скапи коњи, луксузни очила за сонце, кога амбасадорот беше министер.
Според Стоилковски, Македонија тоне во сиромаштија, се измислуваат нови даноци и давачки, криминалот, корупцијата, неказнивоста и самоволието цветаат, а само избори се спасот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
117 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 117 мерки, меѓу кои за возење без возачка дозвола седум санкции, четири мерки за прекршоци што ги прават возачите на мотоцикл, седум санкции за користење мобилен телефон при возење. Изречени се осум мерки за минување на затворен сигнал – црвено светло, шест санкции за непрописно престројување при возење…“, извести МВР.
Сообраќајните контроли продолжуваат и во наредните денови.
Македонија
„Филипче, Петровска и Деспотовски кои им асистираа на Заев и Ковачевски, сега сакаат да ги заменат“, вели ВМРО-ДПМНЕ
„СДС продолжува по ист пат, Филипче, Петровска и Деспотовски кои им асистираа на Заев и Ковачевски сега сакаат да ги заменат. Во СДС нема свежина, нема нови идеи, ниту нов правец“, вели ВМРО-ДПМНЕ.
„Венко Филипче е министерот за здравство кој во ек на корона туркаше матни тендери и бркаше милионски провизии.
Славјанка Петровска е министер за одбрана која народот ќе ја памети по криењето на луксузната хациенда.
Јован Деспотовски е директорот на ФИТР, каде се даваа грантови за се само не за иновации.
Кадрите на Заев и Ковачевски не можат да донесат ништо ново“, соопшти ВМРО-ДПМНЕ.
Македонија
Доколку во Европа се случеше скандал како овој со хируршките сали, истиот ден одговорните функционери ќе беа „искуферени“, велат ВМРО-ДПМНЕ
„Цели дваесет дена владее хаос на Клиниката на хирургија, 20 дена владее тотален колапс во терцијалното здравство во Македонија. Клучната клиника кај што се изведуваат најкомплицираните хируршки операции и кај што се третираат најтешките случаи во Македонија, не функционира поради неодговорноста на власта во заминување“, велат ВМРО-ДПМНЕ.
„Министерот за здравство префрла вина, заменичката министерка прославува родендени, а 12 директори молчат и се кријат за овој скандал. Неброени операции се одложени, животи на луѓе се загрозени, а десетици луѓе дневно се препраќаат во други здравствени установи или приватни клиники и некој си игра пинг понг со нивните судбини.
20 дена не се врши санација на хируршките сали, ниту пак се наоѓа решение за состојбите, што е врв на негрижата која СДС и ДУИ ја покажаа кон народот сега на заминување. Не би сакале да веруваме дека нивната ваква неодговорност е одговор на волјата на граѓаните изразена на изборите. Скандалот да биде поголем се работи за санација која чини се на се 120 илјади евра и оваа екипа од СДС и ДУИ во 7 години власт не најде простор да ја реализира. Ако овие 7 години работеа како што треба, немаше да се доведеме во ситуација како држава здравјето на толку голем број граѓани и здравствениот систем во целина да бидат доведени во прашање. Да се случеше нешто слично во европска држава, досега раководните функционери не само што ќе беа „искуферени“ од нивните фотелји истиот ден, туку следниот ден ќе беше поведена постапка за нивна одговорност пред законите“, соопшти ВМРО-ДПМНЕ.