Спорт
(ВИДЕО) Нова магија на Меси за Интер Мајами
![](https://makfax.com.mk/wp-content/uploads/2023/08/mesi-radost-1.jpg)
Интер Мајами се пласираше во четвртфиналето на Лига купот, натпреварување во кое за трофејот се борат екипи од МЛС и од мексиканското првенство. Повторно херој на Интер беше фантастичниот Лионел Меси, а Интер помина понатаму по подобро изведување на пенали, откако мечот против Далас по 90 минути заврши 4:4.
Интер поведе со прекрасниот гол на Меси во шестата минута на асистенција на Жорди Алба, а потоа следуваше пресврт.
Кињон во 37. и Камунго во 45. минута погодија за Далас, а Веласко во 63. зголеми на 3:1. Со голот на Кремаски во 65. минута, Интер намали на 3:2, а се чинеше дека Интер ќе биде елиминиран по автоголот на Тејлор во 68. минута, со кој Далас замина на 4:2.
Сепак, со автогол на Фарфан во 80. минута Интер дојде до 4:3, а потоа се појави брилијантниот Аргентинец. Во 85. минута Меси прекрасно погоди од слободен удар за 4:4 и му даде шанса на својот тим да победи преку пеналите.
Jordi Alba pass it to Messi and Messi scores for inter Miami ,just like old days 🐐#DALvMIA #MLS #Messi #Goat #MLSSeasonPass pic.twitter.com/gURsM7SErJ
— Adeoti Emmanuel (@wilsadeotii) August 7, 2023
HE DID IT AGAIN. 🤯
LEO MESSI. FREE KICK. EQUALIZER. 4-4. pic.twitter.com/Yh1TXFDENH
— Major League Soccer (@MLS) August 7, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Лупу: Романија и Словачка ќе го наместат натпрeварот
![](https://makfax.com.mk/wp-content/uploads/2024/06/euro-2024-romania-vs-ukraine-1-6929810-1718639718473.jpg)
Четири репрезентации во Е групата, во последното коло влегуваат со по три бода. Во последното коло Романија ќе игра против Словачка, а Белгија против Украина.
Јасно е дека четири бода ќе бидат доволни за пласман во осминафиналето, а вече се знае дека резултатот 0:0 ќе ги однесе Романија и на Словачка во нокаут фазата.
За ова зборуваше и поранешниот романски фудбалер Данут Лупу, кој тврди дека резултатот е договорен со репрезентацијата на Словачка.
„Ќе се квалификуваме понатаму, со реми против Словачка. Се е договорено, би било штета ако двете репрезентации не одат во следната фаза. Зошто да ризикуваме? На тоа ниво играчите се согласуваат многу добро. Зошто да ризикуваат и едните и другите“, изјави Лупа за романските медиуми.
Спорт
По Начо, и Хоселу се сели во Саудиска Арабија
![](https://makfax.com.mk/wp-content/uploads/2024/06/4aaa30d0-0d7f-11ef-bfe5-e023dac8347c.jpg)
Еден од хероите на Реал во походот на 15. титулата во Лигата на шампионите, Хоселу, во летниот преоден рок ќе го напушти клубот.
Искусниот напаѓач, процени дека со доаѓањето на Килијан Мбапе, конкуренцијата во нападот ќе биде толку силна поради што неговата минутажа ќе биде дополнително намалена.
Хоселу, ќе тргне по стапките на соиграчот Начо и ќе се пресели во Саудиска Арабија, пишуваат шпанските медиуми.
Неговиот следен клуб се уште не е познат, но јасно е дека следната сезона нема да го носи дресот на Реал Мадрид.
Хоселу во кариерата бил играч на Селта, Хофенхајм, Ајнтрахт, Хановер, Стоук, Њукасл, Алавес и Еспањол. Тој е дел од шпанската репрезентација на ЕП во Германија. За националниот тим има одиграно 11 натпревари, постигнал пет гола. Поранешниот романски фудбалер Данут Лупу тврди дека е договорен конечниот резултат на натпреварот против Словачка во третото коло на Европското првенство.
Спорт
И Аврамовиќ замина од Партизан
![](https://makfax.com.mk/wp-content/uploads/2024/06/58539_avramovic1_f.jpg)
По Кевин Пантер, Зек Лидеј, Френк Камински, Пи-Џеј Дожер и Алекса Аврамовиќ го напушти кошаркарскиот клуб Партизан.
Како што пренесува „Меридијан спорт“, дефинитивно завршува соработката помеѓу Партизан и Алекса Аврамовиќ, српскиот репрезентативец кариерата ќе ја продолжи во друг клуб.
Дел од српските медиуми тврдат дека Аврамовиќ ќе се пресели во редовите на новиот евролигаш, Париз, каде тренер наскоро во нов тренер треба да биде промовиран поранешниот капитен на Партизан, Петар Божиќ.
Аврамовиќ дојде во Партизан од шпански Естудијантес во 2021 година, ја освои АБА лигата во 2023 година.