Европа
Зеленски до Русите: Ако продолжите да ги напаѓате нашите пристаништа, може да останете без бродови
Украинскиот претседател Володимир Зеленски ја предупреди Русија дека може да остане без бродови доколку продолжи да ги напаѓа украинските пристаништа.
„Немаме толку многу оружје, но ако продолжат да пукаат, може да останат без бродови до крајот на војната“, рече Зеленски на прес-конференција во неделата.
Да потсетиме, неодамна украински беспилотни летала погодија руски танкер за нафта и воен брод. „Ова е она што сакаме да им го покажеме. Украина дефинитивно ќе одговори на сите напади врз цивилното население и коридори за жито. Ако Русија продолжи да доминира во Црното Море и да го блокира со истрелување проектили, тогаш Украина ќе го стори истото. Фер одбрана“, додаде Зеленски, како што пренесува Си-Ен-Ен.
Обединетите нации ги осудија неодамнешните руски напади врз украинските магацини за жито.
„Одлуката на Москва да се повлече од Црноморскиот договор и нејзините повторени напади врз украинските пристаништа и инфраструктура предизвикуваат огромна штета на земјоделскиот сектор во Украина и може дополнително да го зголемат гладот кај најсиромашните луѓе во светот“, рече во саботата Дениз Браун, хуманитарна координаторка на ОН за Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Маж заѕидал тело на жена во стан, полицијата го пронашла трупот по сомнителен разговор: хорор во Германија
Романец (47) е осомничен дека ја убил својата партнерка и го заѕидал нејзиното тело во стан во Штутгарт.
Роднините ја пријавиле жената за исчезната на 16 октомври бидејќи со месеци не се слушнале со неа.
По пријавата, истражителите го испрашувале нејзиниот партнер, кој на распитот „се збунил“, поради што веднаш му извршиле претрес во станот.
„Кога истражителите го отворија ѕидот, го открија телото во шуплината и го уапсија осомничениот“, изјави портпаролот на полицијата во Штутгарт.
Осомничениот во вторникот е изведен пред судија и му е одреден притвор.
Европа
Експлозија во Тојота во Болоња: двајца работници загинаа, неколку се повредени
Вчера во попладневните часови, во фабриката „Toyota Material Handling“ во Болоња се случи силна експлозија која однесе два животи, а повредени уште неколку работници.
Експлозијата одекнала нешто по 17 часот, а работниците и жителите во околината почувствувале силен удар, како земјотрес, раскажуваат.
Жртвите се Лоренцо Кубело (37) и Фабио Тоси (34), двајцата од Болоња, вработени во фабриката. Двајца работници се во тешка состојба, додека другите се здобиле со полесни повреди и се пренесени во болницата Маџоре.ж
#Bologna, dalle 17:20 intervento dei #vigilidelfuoco in corso a Borgo Panigale per un’esplosione e successivo crollo in un capannone di un'azienda. Tragico il bilancio, con due persone ferite e due decedute, una dopo il trasporto in ospedale [#23ottobre 19:30]
— Vigili del Fuoco (@vigilidelfuoco) October 23, 2024
Експлозијата се случила во магацинот на фабриката, каде во моментот на несреќата имало 300 работници. Според првичните информации, експлозијата најверојатно била предизвикана од дефект на компресорот.
Итната помош и пожарникарите веднаш пристигнаа на местото на настанот, а градоначалникот на Болоња, Матео Лепор, ја посети фабриката и им изрази сочувство и поддршка на семејствата на настраданите.
BOLOGNA: Esplosione in un capannone della Toyota Material Handling in via Persicetana Vecchia a Borgo Panigale: 2 morti e 11 feriti pic.twitter.com/JaSKtGrSzd
— BreakingItalyNews (@BreakingItalyNe) October 23, 2024
По експлозијата, пред фабриката се собрале загрижените членови на семејството и соработниците кои биле внатре во зградата во моментот на несреќата.
Градоначалникот ја нарече трагедијата уште една во низата страдања на работното место, апелирајќи на потреба од поголема безбедност и заштита на работниците.
Европа
(Видео) Украинците со дронови нападнаа фабрики за алкохол во Русија, објавени снимки
Украински беспилотни летала синоќа нападнаа четири фабрики во регионите Тула, Тамбов и Воронеж во Русија, соопштија руските локални власти.
Руското Министерство за одбрана тврди дека руската воздушна одбрана уништила 11 беспилотни летала над регионот Брјанск, три над регионот Белгород, два над регионот Курск, еден над регионот Тула и еден над регионот Орел.
Во Тамбовската област, украинско беспилотно летало наводно ја запалило дестилеријата Биохим во градот Расказов, според гувернерот Максим Егоров.
Според веб-страницата на Биохим, дестилеријата произведува „производи од стратешко значење за земјата“, особено етанол, растворувач кој често се користи во производството, вклучително и за експлозиви.
Во населбите Ефремов и Лужковски во областа Тула во текот на ноќта биле нападнати уште две дестилерии, изјави гувернерот Дмитриј Миљаев.
💥 Russia: Two alcohol distilleries struck by Ukrainian drones in Tula region – Efremov and Luzhkovsky. pic.twitter.com/y7sPMPfL94
— Igor Sushko (@igorsushko) October 22, 2024
Александар Гушев, гувернерот на регионот Воронеж, тврди дека нападот со дрон предизвикал мал пожар на еден од катовите на индустриското претпријатие. Нема извештаи за жртви.
Украинската војска допрва треба да ги коментира извештаите, кои не можат да бидат независно проверени. Украина започна серија напади врз воздушни бази и други воени објекти во обид да ги ослаби помоќните руски воздушни сили и да ја ограничи способноста на Москва да изврши разорни воздушни напади врз украинските градови.