Свет
(Видео) Берлин, Дрезден, Прага, Љубљана – сите ќе бидат наши, вели пропагандист на Путин
![](https://makfax.com.mk/wp-content/uploads/2023/08/еф.jpg)
Гостин во емисија на руската државна телевизија сугерираше дека Русија, по Украина, може да премине во други европски земји. Аналитичарот и експерт за Кина, Николај Вавилов, го кажа ова за време на гостувањето во емисијата „60 минути Олга Скабеева“, пренесува Newsweek.
Вавилов изјави дека во минатото Русија била присутна низ цела Европа, најмногу во Франција и Германија и дека тоа ќе се повтори и во иднина. На социјалните мрежи почна да се шири видео од неговото телевизиско појавување, а го сподели и советникот на украинскиот министер за внатрешни работи Антон Герашченко.
‼️ «Russia is the greatest country in the world, Berlin, Dresden, Prague, Ljubljana, Paris will be ours», – Russian propagandist Nikolay Vavilov on Skabeyeva’s show pic.twitter.com/6PEUwZZeON
— Anton Gerashchenko (@Gerashchenko_en) August 7, 2023
“Се повеќе ќе ја добиваме улогата што ја имаше Руската империја. Не се шегував во последната емисија дека Берлин, Дрезден, Прага, Љубљана – сè ќе биде наше. Видете, кога влеговме во Париз во 1815 година и во Берлин во 1945 година, тоа не е случајно“, рече тој.
„Русија е најголемата земја во Европа, огромна сила“, нагласи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Полска: Укината е поддршката за домаќинствата кои обезбедуваат помош за украинските бегалци
![](https://makfax.com.mk/wp-content/uploads/2024/07/jm.jpg)
Полските власти најавија дека од денеска ќе стапат на сила измените на законот за помош на граѓаните на Украина, а во рамките на новите регулативи полските домаќинства кои обезбедуваат засолниште за бегалците повеќе нема да добиваат финансиска поддршка од полската влада.
Досега Полјаците кои беа домаќини на Украинците добиваа по 40 злоти дневно за секој кој престојуваше во нивното сместување, пренесува Полското радио.
Заменик министерот за внатрешни работи и државна администрација Мачеј Душчик рече дека системот се укинува поради големите злоупотреби.
Свет
Невработеноста во Австрија во јуни падна на 6,2 отсто, што е најниско ниво во последните девет месеци
![](https://makfax.com.mk/wp-content/uploads/2024/07/bx.jpg)
Стапката на невработеност во Австрија падна во јуни од 6,4 отсто во мај на 6,2 отсто и сега е најниска во последните девет месеци, објави денеска австриската јавна служба за вработување (АМС).
Бројот на регистрирани невработени во Австрија се зголемил за 24.700 на годишно ниво, се наведува на веб-страницата на АМС.
Невработеноста во Австрија е во согласност со трендовите во еврозоната.
Свет
Од израелскиот затвор ослободени 55 Палестинци, меѓу кои и директорот на болницата Ал-Шифа
![](https://makfax.com.mk/wp-content/uploads/2024/07/vc.jpg)
Неименуван функционер на палестинското Министерство за здравство во окупираниот Појас Газа потврди дека Израел денеска ослободил 55 Палестинци од заробеништво, меѓу кои и Мохамед Абу Селми, директорот на главната болница Ал-Шифа.
Мохамед Абу Селмија беше уапсен во ноември 2023 година кога израелските сили извршија рација во болницата Ал-Шифа, според АП.
Во видео изјава емитувана на палестинските медиуми по неговото ослободување, Абу Селми ги обвини израелските власти дека ги подложуваат палестинските затвореници на „секојдневно физичко и психичко понижување“, но Израел веднаш ги отфрли таквите обвинувања.