Контакт

Топ

Жена смртно прегазена на скопската обиколница, возачот избегал

Објавено пред

Вчера попладне, во 15 часот, во СВР Скопје било пријавено дека на автопатот – обиколница на град Скопје, во близина на надвозникот за Раштански Пат, патничко возило удрило во пешакот, 80-годишната Р. И. од Скопје, и го напуштило местото, извести МВР.

dobivaj vesti na viber

„Од добиените повреди на местото на несреќата Р. И. починала, а смрт констатирал лекар од итната медицинска помош“, додаваат од МВР.

Извршен бил увид од екипа од СВР Скопје.

Македонија

Арсовска: Аценце, те чекам на ТВ дуел

Објавено пред

Градоначалничката на Град Скопје, Данела Арсовска преку социјалните мрежи го повика градоначалникот на Ѓорче Петров на ТВ дуел.

dobivaj vesti na viber

„Во меѓувреме да ти го разбијам интервјуто со факти: ‘Аце рекол: Ги демантирам ставовите на градоначалничката на Град Скопје за наводна изградба на хемиска фабрика на територија на општина Ѓорче Петров’ не се тоа ставови Аце туку факти, еве секој во Македонија кај тебе на веб страна може да ги види па и ти.

Аце рекол: „Ова се обиди на градоначалничката на Град Скопје да создаде хаос меѓу граѓаните“ – многу јако, јас сама, а ти против мене со целата владеачка партија од 4-тата економија во Европа со која изгласавте ДУП со хемиски фабрики

Аце рекол: „Како да е фиксирана за општината Ѓорче Петров“ – па нели на Чаир бев фокусирана, што си се уплашил толку

Аце рекол: „Арсовска работи, инвестира на други места додека пак во Ѓорче Петров не работи ништо“ – Аце од сите нови 29 улици што ги имаш во Ѓорче, 27 ти ги направив јас!!!

Аце рекол: „Најодговорно тврдам пред целата македонска јавност дека на тој потег, ниту пак на било кој друг дел на територијата на општина Ѓорче Петров не постои локација на која што е предвидено или ќе се градат било каков тип на објекти од тешка индустрија“ – Аце многу директно ти кажав 157.000м2 објекти хемиска индустрија која е класифицирана како загадувачка

Аце рекол: „Објектот (Лафома) поседува сопствена пречистителна станица, под постојан надзор на Министерството за животна средина и сите релевантни државни органи“ – Аце нели не загадува хемиската индустрија, што тогаш пречистува фабриката и што го истура во Лепенец? Бидејќи знаеш многу за фирмата и ги застапуваш, ајде чекаме да ни кажеш??

И за сѐ ова јас имам докази, а ти соопштение што ти го напишале во штаб.

Ајде уште еднаш да те прашаме, дали ти ги праша жителите на Ѓорче Петров дали тие сакаат хемиски фабрики на 157.000 m2 и над 30 висококатници да се градат сред општината? НЕ!“, напиша Арсовска на својот фејсбук профил.

Прикажи повеќе...

Македонија

(Фото) ДЗС: Пронајдени артилериска граната од 75 mm и рачна бомба од Првата светска војна

Објавено пред

Во последното деноноќие, вчера во пределот на преспанскиот дел од Национален парк Галичица, беа пронајдени една артилериска граната 75 mm и рачна бомба, при што од страна на Дирекцијата за заштита и спасување е интервенирано за безбедно отстранување неексплодирани убојни средства (НУС) од минатите војни, извести ДЗС.

dobivaj vesti na viber

Дирекцијата за заштита апелира до граѓаните, при прошетки во природата во случај кога ќе пронајдат неексплодирани убојни средства да не ги фаќаат и поместуваат, туку едноставно да се јават на Единствениот повикувачки број за итни случаи 112 во ЦУК, по што надлежните институции и служби ќе се погрижат безбедно да бидат отстранети или неутрализирани, согласно конкретните пронајдени НУС. Така ќе бидат заштитени животите и безбедност на тие што ги пронаоѓаат тие потенцијално опасни заостанати оружја од минатите војни, а и животите на идните посетители во природата.

Пронајдените гранати веќе биле употребени, а неексплодирани и претставувале потенцијална опасност за граѓани коишто се на прошетка во природата или пак за пожарникари коишто гаснат шумски пожари во тој предел. Конкретно, артилериска граната од 75 mm со потекло од Прва светска војна била истрелана и помината низ топовска цевка и имала временска запалка којашто од непознати причини не извршила активација на гранатата кога со нејзе се дејствувало. Опасноста за активирање, кај вакви веќе истрелани гранати, постои при дејство, удирање, врз запалката и при висока температура, на пример при пожар и слично.

Рачната бомба, од германско производство, била одбранбена бомба од Прва светска војна со активирана каписла од времето кога била фрлена, употребена.

Двете неексплодирани убојни средства (НУС) од минатите војни се безбедно подигнати и транспортирани на безбедно место за понатамошна постапка до нивно уништување, според оперативните стандардни процедури. од пиротехничарот во ДЗС Битола, Ѓорги Стефанов и овластениот пиротехничар Митко Ташков од ДЗС Гевгелија, соопшти Дирекцијата за заштита и спасување.

Прикажи повеќе...

Свет

Хронологија на масакрот: Австриецот нишанел во главите на децата, оставил видео-порака за мајката

Објавено пред

Првиот училишен ден по долгиот викенд. Потоа започнува ужасот: некои деца се преправаат дека се мртви, други очајно им се јавуваат на своите родители додека бегаат од напаѓачот: „Мамо, бегам за да го спасам мојот живот“. Најмалку десет ученици и наставници чекаат залудно…

dobivaj vesti na viber

„Сцените што досега ги поврзувавме со Америка ќе бидат длабоко врежани во колективната меморија на Австрија: деца кои трчаат за својот живот, хеликоптери на брза помош слетуваат еден по друг, вооружени полицајци скриени зад жива ограда, родители кои се расплакнуваат на улица. Масовно убиство во училиште“.

Вака пишува австрискиот „Кронен Цајтунг“, кој ја реконструираше хронологијата на ужасниот масакр во училиште во Грац во кој беа убиени најмалку десет лица. Единаесеттиот мртов е напаѓачот.

Вчера наутро околу 10 часот, полицијата доби неколку итни повици. Во средното училиште БОРГ на улицата Драјершиценгасе во округот Грац-Ленд, се слушнале истрели: „Дојдете брзо, некој пука насекаде!“ Сведоштвата и видеата покажуваат паничени средношколци како се кријат под своите клупи, додека во позадина се слушаат истрели. Експлозивите одекнуваат низ белата, повеќекатница со 20 училници, додека наставата сè уште е во тек. Стотици луѓе се наоѓаат во училиштето во тој момент.

„Безбедни сме, но има пукање“

Наставничка се крие со своите ученици и му се јавува на сопругот: „Безбедни сме, но ситуацијата е драматична. Постојано се пука.“ Потресни пораки од девојчиња и момчиња се појавуваат на социјалните мрежи. Некои се преправаа дека се мртви, некои првично мислеа дека се петарди, а многумина им се јавија на своите родители, се збогуваа и им кажаа дека ги сакаат. Дури и ранетите деца посегнаа по мобилните телефони.

Убиецот е поранешен ученик на училиштето, 21-годишен Австриец

Артур А., 21-годишен Австриец од Калсдорф во близина на Грац, извршил масакр за 15 минути. Тоа било во училиштето што самиот го посетувал, но никогаш не го завршил. Во службата за вработување бил регистриран како невработен. Тој ден, без никакви пречки, влегува во две училници, од кои едната наводно била негова поранешна, и почнува да пука од пиштол и пушка, кои легално ги поседувал. Пука ладнокрвно одново и одново, таргетирајќи ги учениците и наставниците. Телата на ранетите и убиените паѓаат крвави, некои се застрелани во главата.

Во исто време, започнува најголемата полициска и спасувачка операција во историјата на Штаерска. Бројни полициски единици и специјални сили од единицата Кобра брзаат кон училиштето, полициски и спасувачки хеликоптери полетуваат, а Црвениот крст испраќа 65 возила. Кога првите полицајци со шлемови и панцири влегуваат во училиштето, напаѓачот се застрелува во главата во училишниот тоалет.

„Безбедноста е обновена по 17 минути“
Полицијата во соопштението наведува: „Безбедноста е обновена по 17 минути“. 21-годишникот претходно бил непознат на полицијата. Во неговиот стан е пронајдена самоубиствена порака. Тој тврди дека бил жртва на малтретирање и најверојатно сакал одмазда.

Спасувачите наишле на ужасна сцена. Ранетите со прострелни рани лежеле насекаде, а амбулантните возила ги транспортирале до градските болници. Во меѓувреме, болниците се подготвувале за таканаречениот „масовен прилив на повредени“. Лекарите со часови се обидувале да ги спасат животите на учениците и наставниците, но не можеле да им помогнат на многумина.

До вечерта беше потврдено: најлошиот училишен напад во австриската историја одзел најмалку единаесет животи. Покрај напаѓачот, загинале седум девојчиња и четири момчиња. Уште 12 лица биле повредени, од кои девет потешко.

Убиецот оставил самоубиствено писмо, но и видео-порака за неговата мајка

Heute.at пишува дека покрај самоубиствената порака, убиецот оставил и видео за неговата мајка. Самоубиствената порака е пронајдена во куќата каде што живеел 21-годишникот, во предградието на Грац, но писмото не содржи јасен мотив за злосторството.

Heute пишува дека тој снимил и видео кое потоа ѝ го испратил на неговата мајка. Во него, тој го најавил злосторството и изјавил дека дејствувал „по своја слободна волја“. Таа ја видела пораката на својот син 24 минути подоцна и веднаш ја известила полицијата. Сепак, дотогаш тој веќе оставил крвава трага низ неговото поранешно средно училиште.

Истражителите потврдиле за Heute дека на неговата домашна адреса е пронајдена и цевна бомба. Сепак, таа наводно не била функционална.

Прикажи повеќе...

Најново

Македонија2 часа

Арсовска: Аценце, те чекам на ТВ дуел

Градоначалничката на Град Скопје, Данела Арсовска преку социјалните мрежи го повика градоначалникот на Ѓорче Петров на ТВ дуел. „Во меѓувреме...

Македонија2 часа

(Фото) ДЗС: Пронајдени артилериска граната од 75 mm и рачна бомба од Првата светска војна

Во последното деноноќие, вчера во пределот на преспанскиот дел од Национален парк Галичица, беа пронајдени една артилериска граната 75 mm...

Свет3 часа

Хронологија на масакрот: Австриецот нишанел во главите на децата, оставил видео-порака за мајката

Првиот училишен ден по долгиот викенд. Потоа започнува ужасот: некои деца се преправаат дека се мртви, други очајно им се...

Европа4 часа

Словачка се заканува дека ќе ги блокира новите санкции кон Русија

Словачка би можела да го блокира новиот пакет санкции на Европската Унија кон Русија доколку Европската комисија не понуди решение...

Свет5 часа

Трамп: Нѐ напаѓаат странски непријатели, сакаат да предизвикаат инвазија

Американскиот претседател Доналд Трамп во вторникот изјави дека „странски непријатели“ го напаѓаат Лос Анџелес, каде што беснеат немири од петокот...

Европа5 часа

Жителите на Грац запалија свеќи во центарот на градот за да оддадат почит на жртвите од нападот

Граѓаните на Грац се собраа на главниот плоштад во градот за да запалат свеќи и да им оддадат почит на...

Европа5 часа

(Видео) Масовен напад врз Харков, гори станбена зграда: има мртви и многу повредени

Во новите руски напади врз североисточниот украински град Харков во текот на ноќта во вторник загинаа две лица, а повеќе...

Свет14 часа

Америка до Русија: Веднаш престанете со нападите врз украинските градови

Руските напади врз украинските градови мора веднаш да престанат, изјави денес портпаролот на американскиот Стејт департмент, осудувајќи го еден од...

Свет14 часа

Трамп: Грета е чудна и бесна; Грета: Искрено, на светот му требаат повеќе бесни жени

Шведската активистка Грета Тунберг му возврати на американскиот претседател Доналд Трамп откако тој ја опиша како „чудна“ и „бесна“ поради...

Европа16 часа

(Видео) Убиецот оставил писмо пред масакрот во училиштето во Грац: расте бројот на жртвите

Масовниот убиец Артур А. (21) кој денес уби девет лица со пиштол и пушка во училиште во Грац, потоа изврши...

Свет16 часа

Трамп: Демонстрантите низ САД ќе се соочат со иста или поголема сила отколку во Лос Анџелес

Претседателот на САД, Доналд Трамп, им рече на новинарите во Овалната соба дека ако протестите против имиграциските политики продолжат во...

Европа17 часа

ЕУ подготвува нов удар врз Путин, објавени се деталите

Европската комисија (ЕК) денес предложи 18-ти пакет санкции против Русија, главно насочени кон руските приходи од енергија и банкарскиот сектор....

Македонија18 часа

Сергеј Попов ги матираше СДММ, извади документ од кој се гледа како лажат, велат од ВМРО-ДПМНЕ

„Се е пријавено дечки, затоа вчера ви рековме два пати да размислите пред да излезете на прес. Ама толку слушате,...

Европа18 часа

Зеленски за масакрот во Австрија: Длабоко сме потресени

Украинскиот претседател Володимир Зеленски го коментираше денешното пукање во училиште во Грац, во кое беа убиени 10 лица, од кои...

Македонија19 часа

(Видео) „УМС фатени во лага – законот за пиротехника е прекрешен, а Тошковски молчи“, велат од СДММ

„Откако ја предизвикаа згрозеноста кај младите со срамната журка со пиротехника додека Македонија тагува за изгубените млади животи во Кочани,...

Топ19 часа

(Фото) Кривична против 29-годишен скопјанец: нелегално поседувал автоматска пушка и друго оружје и муниција, а ја истепал и сопругата

СВР Скопје – Единицата за насилен криминал поднесе кривична пријава по брза постапка против А.Р.(29) од Скопје поради постоење основи...

Македонија20 часа

Пониква станува рехабилитациски центар за повредените од пожарот во Кочани

Повредените од пожарот во Кочани ќе бидат испратени на рехабилитација во Пониква. На денешната седница на Владата и официјално се...

Топ22 часа

(Видео) Кузеска: Власта ги покачи платите на функционерите за 200 евра

Срамно и дрско – народoт едвај преживува, а власта ги покачува само платите на функционерите, обвини Богданка Кузеска, портпаролка на...

Свет23 часа

(Видео) Објавени снимки од училиштето во Грац: се слушаат истрели, седум ученици убиени

Најмалку девет жртви во пукањето во училиштето во австрискиот град Грац. Потврдени се девет смртни случаи – вклучувајќи го и сторителот....

Македонија23 часа

Студентите ќе добијат по 250 евра за набавка на електронски уреди од септември, најави Мицкоски

Премиерот, Христијан Мицкоски денес изјави дека Владата планира ученички стипендии за наредната година, а во однос на новинарското прашање за...