Економија
Opel Experimental дава јасна визија за иднината на брендот
- Германска енергија: Opel Experimental отелотворува три столба на брендот
- Смел и елегантен: отвара следно поглавје на дизајнерската фолозофија на Opel, со 4D Opel Vizor.
- Обоен со светлина: електрохромните ткаенини им овозможуваат на патниците светла амосфера во кабината.
Opel со својот неверојатен нов Opel Experimental концепт автомобил, го прикажува својот пристап кон иднината. Со ултра модерен надворешен дизајн, Opel Experimental дава јасна визија за насоката во која ќе движи брендот Opel во наредните години. Како карактеристики кои е значајно да се истакнат се аеро-ефикасност, пространа и осветлена внатрешност во која ќе има ултра конфорни седишта и напреден дисплеј од најновата генерација. Електричниот кросовер ќе ја доживее својата светска премиера на овогодинешниот IAA Mobility саем во Минхен (од 5 до 10 септември 2023 година), каде што сигурно ќе го привлече вниманието и ќе донесе нова публика кои ја поддржуваат визијата на Opel за одржлива индивидуална мобилност.
„Opel Experimental овозможува перспектива за претстојните модели и технологии, за идниот дизајн, дури и за новата ера и иднината на брендот. Овој неверојатен концепт автомобил, претставува водечко светло и уште еднаш го покажува пионерскиот дух на Opel“, изјави Извршниот директор на Opel, Florian Huettl.
„Нашиот нов Opel Experimental дава поекстремна интерпретација на нашата смела и елегантна дизајнерска филозофија. Тоа ѝ дава облик на нашата визија за иднината. Многу од елементите на неговиот дизајн и начинот на размислување зад него, ќе бидат видливи во идните возила од сериско производство. Надворешниот дизајн обезбедува оптимизирани аеродинамични перформанси во комбинација со неверојатна силуета, додека внатрешноста овозможува извонредно и емотивно корисничко искуство“, додаде Mark Adams, Потпретседател за дизајн.
Една од најпривлечните работи на елегантната силуета кај Opel Experimental е отсуството на хром. Наместо тоа, додавањето на надворешно осветлување и смелите контрастни графики, го истакнуваат карактерот и софистицираноста на веќе импресивните пропорции. Севкупно,
ефикасниот електричен кросовер се базира на најсовремена платформа Stellantis BEV, а исто така е опремен со електричен погон на сите тркала. Драматичниот заострен профил има смел и впечатлив дизајн со елегантна површина за подобрување на неговото неверојатно присуство. Дури и традиционалните крилни ретровизори отворија место за целосно интегрирани камери од 180 степени на C-столбовите, додека острите, спортските лакови на тркалата го нагласуваат самоуверениот став.
Напред, новиот осветлен Opel Blitz гордо е сместен во центарот на препознатливиот Opel Compass, водечки елемент на дизајнерската филозофија на Opel. Тој е опкружен со светлосниот потпис на издолженото крило на хоризонталната оска, додека осветлениот средишен набор додава дополнителна возбуда. Ова потоа се повторува на задниот дел со препознатливото compass стоп светло создадено од технологијата за осветлување на рабовите и софистицираната стаклена транспарентност. Ова се комбинира со елегантно задебелени букви на Opel, наместо логото на Blitz одзади, за да го формира централниот елемент. Дел од предниот compass формира и најновата генерација на 4D Opel Vizor. Дополнителна димензија додаваат напредните технологии за видливост, вклучувајќи сензори, лидар, радар и камера.
Паметни решенија за аеро и просторна детоксикација
Совршено конструирана елегантна и беспрекорно извиена силуета кај Opel Experimental. Овој концепт автомобил овозможува и паметни и оптимизирани аеро решенија. Аеро-клапите напред и назад ја зголемуваат аеродинамичната ефикасност како и задниот дифузер. Се проширува или се повлекува во зависност од ситуација при возење. Пневматиците развиени во соработка со Goodyear се направени од рециклирана гума и се сместени на 3-зонски тркала Ronal за уште повеќе да се зголеми аеродинамичната ефикасност.
Додека надворешните димензии го ставаат Opel Experimental во компактниот C-сегмент, внатрешноста може да се пофали со просторност од D сегментот. Ова е овозможено со ослободувањето на просторот (детоксикација на просторот) во Opel Experimental. Управувачот неприметно се преклопува и истото е овозможено со системот steer-by-wire, кој дополнително ја намалува тежината со елиминирање на механичките компоненти на управувачот. Лесните адаптивни седишта комбинираат витка, но издржлива структура со ткаенини со 3D мрежна технологија. Тие обезбедуваат извонреден комфор за седење на кој клиентите се навикнаа од
возилата на Opel, а истовремено придонесуваат дополнително за ослободување на просторот во концептниот автомобил.
Чисто искуство, Pure Pad – чисто задоволство
Пристапот за детоксикација продолжува со Pure Experience. Возачите можат да ги персонализираат информациите според нивните потреби на тенкиот Tech Bridge, нова интерпретација на Pure Panel-от кој може да се види во сегашните модели на Opel. Наместо конвенционалните екрани, информациите или содржината за забава се претставени со помош на технологија за зголемена проекција поддржана од вештачка интелигенција и природна гласовна контрола.
Лебдечкиот, транспарентен Pure Pad се наоѓа пред предниот потпирач за раце. Може да се конфигурира според личните преференции на возачот, со што се овозможува моментален пристап до најчесто користените контроли.
Иако Opel Experimental ги отелотворува основните постулати на брендот Opel: Detox (детокс), Modern German (модерен германски дух) и Greenovation, исто така прави чекор напред во изразувањето на емотивниот пристап на брендот кон одржлива мобилност. Електрохромните ткаенини им овозможуваат на патниците светла атмосфера во кабината што создава совршена средина на спокојство. Покрај тоа, реактивните ткаенини можат да ги подобрат функционалните атрибути. На пример, кога возило влегува во слепа точка, се појавува предупредување на соодветниот ретровизор на вратата, како и на предниот екран, со што се обезбедува дополнителна безбедност за патниците и другите учесници во сообраќајот.
Со својот фокус и прикажување на јасната визија за брендот, Opel Experimental ја продолжува долгата и успешна традиција на концептните автомобили „направени во Rüsselsheim“, традиција која започна во 1965 година кога Opel стана првиот европски бренд кој презентираше дизајнерска студија во форма на легендарниот Experimental GT.
За ЕУРОИМПЕКС:
Компанијата Еуроимпекс е основана 1990 година како мала трговска фирма за увоз-извоз. Започнува скромно и по осамостојувањето на Македонија, Еуроимпекс е првата приватна компанија чие работење е насочено кон трговија со автомобили и моторни возила од лесна категорија уште од далечната 1992 година, со првиот увоз на Peugeot автомобили. Соработката со брендот Opel ја започнува кон крајот на 2020та година со што прераснува во Генерален увозник и дистрибутер на брендот OPEL за Македонија, Србија, Црна Гора, Косово и Албанија; Овој успех го круниса 30 годишниот јубилеј на Еуроимпекс кој беше одбележан истата година.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Ексклузивно лансирање на новиот Porsche 911 во Скопје
Автомобилските ентузијасти и претставниците на медиумите беа дел од извонредна вечер организирана од Porsche Center Skopje и Порше Македонија, на официјалното претставување на новиот Porsche 911. Настанот ја прослави еволуцијата на иконата, спојувајќи ги луксузот, иновациите и емоциите во ноќ за паметење.
На церемонијата на официјалното претставување беше презентирана најновата генерација на легендарниот Porsche 911, во Carrera 4 GTS изведба, отелотворувајќи совршен спој на безвременски дизајн и врвна технологија. Гостите беа почестени со ексклузивен прв поглед кон возилото со официјалното откривање, по што следуваше инспиративна презентација за компанијата и брендот од страна на генералниот директор на Порше Македонија и менаџерот на брендот Porsche.
Говорниците го истакнаа наследството на 911 како симбол за перформанси и софистицираност, притоа споделувајќи увид во неговите револуционерни карактеристики кои го креираат духот на извонредноста на Porsche.
„Porsche 911 не е само автомобил – тоа е изјава за страст, иновација и врвна изработка. Вечерва, воодушевени сме да им го претставиме најновото поглавје од ова трајно наследство на нашите лојални клиенти и ентузијасти на брендот Porsche во Македонија“, изјави г-дин Златко Муцунски – Генерален Директор на Порше Македонија.
„Новиот Porsche 911 го претставува врвот на автомобилскиот инженеринг и елеганција. Ја доловува суштината на она што значи да се вози Porsche – неспоредливи перформанси, дизајн и емоции. Возбудени сме да го споделиме ова неверојатно возило со Вас и да го доближиме искуството на Porsche до нашата заедница“ – изјави г-дин Винко Марашевиќ – Porsche Бренд Менаџер.
По свеченото претставување, атмосферата се префрли во вечер на забава, за која задолжен беше светски познатиот диџеј Махмут Орхан. Неговиот наелектризиран сет совршено ја надополни позитивната енергија на вечерта, создавајќи незаборавно искуство за сите присутни.
Настанот ја одразува посветеноста на Porsche да испорача не само исклучителни возила, туку и моменти кои остануваат во долго сеќавање.
ПР
Економија
Агенцијата за поддршка на претприемаштво го додели признанието за најдобар ментор за 2023 година
Во рамките на Европската недела на претприемаштво, Агенцијата за поддршка на претприемаштвото успешно го реализира настанот Mentor Awards 2023, кој се одржа како дел од активностите на програмата „Стандардизирани менторски услуги“.
Настанот поддржан од Јапонската агенција за меѓународна соработка – JICA имаше цел да ја истакне важноста на мисијата на менторите во унапредувањето на работењето на македонските мали и средни претпријатија.
Добитник на наградата за најуспешен ментор за 2023 година е Неби Јусуфи од Регионалниот центар во Тетово, кој се истакна со својата експертиза, посветеност и позитивно влијание врз корисниците и со својата работа постигна значајни резултати. Најдобриот ментор за минатата година го избра жири составено од ментори.
На настанот менторите од шесте регионални центри имаа можност да презентираат по еден значаен пример на спроведена менторска услуга во нивниот регион. Во рамките на Mentor Awards 2023, во согласност со методологијата за спроведување стандардизирани менторски услуги во мали и средни претпријатија за периодот 2024 – 2029, Агенцијата ѝ додели овластување за инструктор за обука во пракса на Евгенија Лисичова, а на Никола Димковски (комуникациски вештини) и Тони Цветановски (управување со човечки ресурси) им додели овластување за обучувачи за теоретска настава.
Овие овластувања претставуваат важен чекор во создавањето на генерација квалификувани обучувачи, кои ќе го пренесуваат знаењето и искуството за унапредување на претприемништвото во земјата. Настанот ја потврди важноста на менторството како клучен фактор за успехот на македонските компании. Менторите, преку спроведување на стандардизираните менторски услуги, го ставија во функција своето долгогодишно знаење, обезбедувајќи насоки за развој, раст и одржливост на корисниците на овие услуги.
Претходниот ден, тим од Агенцијата за поддршка на претприемништвото предводен од в.д директорката Даниела Димовска оствари плодна средба со претставници на невладини организации кои работат во областа на економијата, претприемништвото и иновациите. Беа разменети мислења и идеи и беа поставени основи за идна соработка и за поддршка и развој на претприемничките иницијативи.
Покрај тоа, во текот на Европската недела на претприемништвото, Агенцијата реализираше низа активности со цел да го истакне значењето на претприемништвото и да обезбеди поддршка за младите и бизнис заедницата. Беа спроведени посети во средните училишта „Орце Николов“, „Арсени Јовков“ и „Лазар Танев“, при што учениците имаа можност да се запознаат со основните принципи на претприемништвото и програмите и мерките кои ги нуди Агенцијата, а беа организирани и работилници за поддршка на младите претприемачи, каде што беа презентирани успешни претприемачки модели и стратегии.
Како дел од одбележувањето, претставници од Агенцијата ги посетија и фирмите „Винарија чифлик“ од Битола и СВАРОГ од Прилеп, компании кои се и корисници на мерката менторство што ја спроведува Агенцијата со цел да ја истакнат важноста на поддршката за мали и средни претпријатија и да ги охрабрат во нивниот понатамошен развој.
Со овие активности АППРМ потврди дека е клучен партнер во развојот на претприемаштвото во земјата обезбедувајќи платформа за инспирација, поддршка и промоција на нови иницијативи, кои ќе ја зајакнат економијата и ќе ја подготват следната генерација успешни претприемачи.
Економија
Еврото падна на најниско ниво во последните две години во однос на доларот
Еврото денеска падна на најниско ниво во последните две години во однос на доларот откако најновите податоци покажаа дека деловната активност во еврозоната нагло паднала во ноември.
Според податоците на берзата, европската заедничка валута во еден момент се тргуваше по 1,0399 долари, што е најниска вредност од декември 2022 година, пренесува CNN (CNBC).
Глобалната агенција S&P објави дека композитниот индекс во еврозоната паднал од октомвриските 50 поени на 48,1 поени.
Силниот ветер предизвика штети во Штип: оштетен покрив на училиште, паднати дрвја на повеќе локации
Силен ветар оштети дел од покрив на средното електро-машинско училиште во Штип, а дрво падна и во непосредна близина на...
Град Скопје: Во Шуто Оризари нема јавен превоз поради советничката група на ВМРО-ДПМНЕ
Македонија повторно станува заробена режимска држава во која граѓаните се злоупотребуваат како потрошен материјал на политичките партии за наметнување на...
Студентите и средношколците не смеат да трпат поради партиски препукувања – младите излегоа на протестот за проблемите со градскиот превоз
Студентите и средношколците не смеат да трпат поради партиски препукувања, беше една од пораките кои студентите ги упатија на денешниот...
Курто Дудуш ја обвини Арсовска за расизам и дискриминација: „Пишува ли на автобусите на ЈСП ‘забрането за Роми’“
Градоначалникот на Општина Шуто Оризари, Курто Дудуш, на денешниот протест за јавниот превоз упати повеќе барања до градоначалничката Данела Арсовска,...
За лекарски прегледи се чека и со месеци, а стотици термини останале празни оти граѓаните не дошле: „Ако не можат, нека откажат преку СМС“ – апелираат надлежните
Граѓаните што не може да го искористат закажаниот „Мој термин“ во јавното здравство, преку СМС-порака да го откажат за да...
Скопјанка на 69-годишна возраст е жената што загина по удар на автомобил во Чаир
Шеесет и деветгодишна жена, со иницијали Н.П. од Скопје е починатата по ударот на автомобил во Чаир, објави МВР. Несреќата...
Почувствуван земјотрес во Македонија
Утрово е регистриран земјотрес со јачина од 2,10 степени според Рихтер во Македонија. Според првите информации од ЕМСЦ, епицентарот е...
(Видео) ДПМНЕ предизвикувајќи тепачка избегна да одговори зошто не ја укина историската комисија, велат од Левица
„На вчерашната седница за пратенички прашања, пратеникот од Левица, Реџеп Исмаил – Хактан, постави прашања за кои јавноста чека одговор...
СДС со примитивни методи во Собранието го активира насилникот и пудлицата на Венко, Апасиев, велат од ВМРО-ДПМНЕ
„Венко Филипче и СДС тотално се изгубија на политичката мапа по катастрофалниот пораз и последните анкети каде рејтингот им е...
Унгарија го поддржа Нетанјаху: Одлуката на Меѓународниот кривичен суд е апсурдна
Министерот за надворешни работи на Унгарија ги критикуваше налозите за апсење на Меѓународниот кривичен суд за израелскиот премиер Бенјамин Нетанјаху...
Украинскиот парламент ја одложи седницата, на пратениците им е кажано да ги држат своите семејства подалеку од владиниот кварт на Киев
Украинскиот парламент ја одложи седницата што требаше да се одржи денеска поради безбедносни причини, јави јавната телевизија Суспилнe, повикувајќи се...
Ким Џонг-ун ги нападна САД: Никогаш не сме биле толку блиску до термонуклеарна војна со Јужна Кореја
Севернокорејскиот лидер Ким Џонг-Ун ги обвини САД за провокации и ескалација на тензиите, велејќи дека Корејскиот Полуостров никогаш не се...
Деветнаесетгодишна девојка го управувала автомобилот со којшто беше усмртена жената во Чаир
Деветнаесетгодишна девојка (А.Џ.) управувала со автомобилот „сеат алтеа“, со којшто попладнево беше прегазена жената во скопската населба Чаир којашто почина...
Студентите на протест поради јавниот превоз, бараат и набавка на нови автобуси и велосипедска инфраструктура
Универзитетското студентско сообрание (УСС-УКИМ) за утре, 22 ноември, најавува протест поради проблемите со јавниот превоз што ќе се случува од...
Трагедија вечерва во Чаир: Загина жена, ја прегази автомобил
Жена загина во скопската неселба Чаир, кога во неа удрил автомобил со скопски регистерски ознаки. Според информациите од СВР Скопје...
Владата ќе му позајми на градот Скопје дел од нафтените резерви на државата за ЈСП
Владата вонредно расправаше поради недостигот на енергенси за обавување на јавниот сообраќај на територијата на Град Скопје, при што беше...
(Видео) Избегната тепачка во Собранието, Гаши го повика обезбедувањето
Во македонскиот парламент денеска избегната тепачка меѓу некои од пратениците. Инцидентот се случи меѓу лидерот на Левицата, Димитар Апасиев, и...
Црната листа на САД е многу динамична и отворена за додавање нови имиња, порача Агелер
Американската амбасадорка Анџела Агелер, денеска, одговарајќи на новинарско прашање во врска со црната листа на САД, рече дека таа е...
(Видео) СДСМ со решенија за кризата во Скопје: закон за финансиска поддршка на Градот и на ЈСП, субвенциии за гориво, вели Јанчева
„Како што најавивме, денес сме тука за да ги презентираме нашите конкретни предлози за надминување на кризата во која се...
ЈСП избрало неприфатлива понуда во набавката на „евродизелот“, утврдени неправилности во постапката, соопшти Бирото за јавни набавки
Постапката за јавна набавка на „евродизелот“ објавена од страна на договорниот орган ЈСП беше предмет на управна контрола во Бирото...
