Спорт
ЕКО Акрополис Рели годинава слави 70-годишен јубилеј
Светската автомобилска елита и оваа година ќе биде дел од ЕКО Акрополис Рели (EKO Acropolis Rally), што ќе се одржи од 7 до 9 септември во Грција.
Релито ЕКО Акрополис, познато и како „Рели на боговите“, е една од најважните и највпечатливите трки во рамки на ФИА Светското првенство во рели (FIA World Rally Championship), кое е највисоко рангирано интернационално натпреварување во оваа автомобилска дисциплина. Годинава, импресивното Акрополис рели обележува 70 години од првата трка со меѓународно учество, која се одржа далечната 1953 година.
Како и претходните години, ЕКО, членка на HELLENiQ ENERGY, е главен спонзор на овој светски познат настан кој ја отсликува компаниската страст – автомобилските спортови.
Годинава, во текот на трите дена на релито, натпреварувачите ќе минат вкупно 300 километри, поделени во 14 етапи. Една од нив ќе биде и „ЕКО Супер Специјалната етапа“ (EKO Super Special Stage) што ќе се одржи на првиот ден од трката (7 септември), на специјално изградена патека во должина од 1,5 километри, лоцирана на Атинската ривиера.
Љубителите на автомобилските трки од целиот свет, а меѓу нив и деловните партнери и соработници на ЕКО, ќе имаат можност и оваа година да бидат сведоци и повторно да уживаат во врвен автомобилски спектакл што го одзема здивот и кој ги собира најдобрите светски рели возачи и совозачи.
Инаку, годинава, во чест на 45 годишниот јубилеј, компанијата ОКТА на еден среќен добитник и неговиот придружник ќе им овозможи да бидат дел од ова „Рели на боговите“, посетувајќи една од специјалните етапи. За да станете потенцијален добитник или добитничка на ова уникатно патување и искуство, треба да ги следите инструкциите објавени на Фејсбук страницата на ОКТА. Името на среќниот добитник на ова патување ќе биде објавено на 18 август на истата страница.
ПР Текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Солскјер: Не можевме да го пуштиме Роналдо во Сити
Оле Гунар Солскјер призна дека Манчестер Јунајтед направил грешка кога го вратил португалскиот напаѓач Кристијано Роналдо од Јувентус на Олд Трафорд во 2021 година, но откри и дека клубот го направил тоа за да го спречи одличниот стрелец да замине во Манчестер Сити.
Роналдо го отслужи првиот мандат во Јунајтед од 2003 до 2009 година, кога беше продаден на Реал за тогаш рекордна сума од 94 милиони евра. Во втората во првата сезона постигна 24 гола, а потоа во втората по критиките од клубот поради статусот во тимот остана без договор. Прво го менаџира Оле Гунар Солскјер, кој набрзо доби отказ, а по привременото решение на Ралф Рангник, во клубот пристигна и Ерик тен Хаг.
„Тој е еден од најдобрите фудбалери во светот во последните 15 години. Играв со него. Играше за Јунајтед. Тој има историја со овој клуб. Тој го напушта Јувентус и не можеме да му дозволиме да замине во Манчестер Сити. Тој веројатно би постигнал повеќе голови таму, отколку што ќе даде гол денес.
Роналдо за Јунајтед одигра вкупно 346 натпревари со учинок од 145 гола и 64 асистенции. Халанд неодамна го постигна својот 100-ти гол за Сити. Му беа потребни 105 натпревари.
Спорт
НБА Трејд: Таунс се сели во Њујорк
Рано во петокот наутро по средноевропско време, одекна „бомбата“ на НБА – Њујорк Никс и Минесота Тимбервулвс склучија трејд со центар на Карл-Ентони Таунс и Џулиус Рендл.
Рендл и Донте ДиВинченцо одат во Минесота, која лани играше во финалето на Западот, а Таунс ќе стане новиот центар на Никс. Минесота ќе добие и 13 заштитен избор на драфтот следното лето.
Третиот тим во трејдот е Шарлот Хорнетс, кој помогна да помине трејдот финансиски и за нивните напори ќе добијат пикови на драфтот, се уште не се знае точно кои.
Разговорите меѓу Никс и Волвс траат цело лето, а како што пренесува ESPN, Таунс воопшто не очекувал трејд. Тој порасна во Њу Џерси и ќе биде стартниот центар за Никс, особено што Мичел Робинсон е повреден.
Минатата сезона Таунс имаше просек од 21,8 поени и 8,3 скока, а сега повторно ќе работи со тренерот Том Тибодо, кој ги предводеше Волвс од 2016-2019 година.
Рендл, кој во декември наполни 30 години, имаше просек од 24,2 поени, 9 скока и 5 асистенции во 46 натпревари пред да го повреди рамото на крајот на јануари. Се очекува тој да биде подготвен за почетокот на тренинг кампот.
НБА сезоната започнува на 22 октомври.
Спорт
Гвардиола потврди дека сезоната за Родри е завршена
Менаџерот на Манчестер сити, Пеп Гвардиола потврди дека Родри ќе го пропушти остатокот од сезоната поради повреда на предните вкрстени лигаменти.
„Тој денеска беше опериран, мислам дека го повреди и менискусот. Тој ќе се врати следната сезона. Оваа сезона заврши. За жал, ги добивме најлошите вести. Понекогаш, за жал, тоа се случува. Тука сме да го поддржиме и да му помогнеме да се опорави добро, чекор по чекор“, изјави Гвардиола на прес-конференција пред натпреварот со Њукасл.
28-годишниот шпански фудбалер се повреди минатата недела на дербито против Арсенал (2:2), кога се судри со противничкиот играч Томас Парти.
Родри е еден од најважните играчи на Сити. Минатата сезона тимот ја освои рекордната четврта последователна титула во Премиер лигата. Минатата сезона во првенството Сити доживеа три порази, сите кога во тимот го немаше Родри.
Родри во пресрет на повредата го критикуваше проширениот натпреварувачки календар и рече дека играчите биле блиску до одлука за штрајк поради премногу работа.
„Тоа што ни го дава, немаме сличен играч, но сите други играчи заедно можат да го заменат она што Родри ни го даде откако дојде. Ќе мораме да го направиме тоа како тим и да најдеме начин да играме многу натпревари без важен играч за нас“, додаде Гвардиола.
Родри е еден од нкандидатите за „Златната топка“ оваа година, бидејќи освен добрите настапи во Сити, и помогна на Шпанија да го освои Европското првенство летово. Беше прогласен за МВП на Европското првенство.